Luke 7:6 - Yak'usda Ooghuni

⁶ ꞋInka bubulh tizya. ꞋEt Jesus yoh whenghoh uyalh whe lhugan whumoodih ꞌen ookꞌekene Jesus hitsꞌú whe balhꞌaꞌ. Hidudizdil ꞌinkꞌez Jesus ꞌuhuyúlhni, “Lhugan whumoodih njan dunyúlhni, ‘SMoodihti dzoh neꞌdudoldzut junih. Syoh datányalh huba ꞌaw soo lheꞌuzdzooꞌ ꞌet huwa.’

Luke 7:6 Iomraidhean Croise

Genesis 32:10

ꞋAw sgha teꞌninzun ꞌinkꞌez tsꞌihꞌun khuni be cha sulh yailduk, ꞌi ꞌaw soo ba lheꞌuzdzooꞌ whe ꞌustꞌoh. Mba ꞌutꞌen-un whunilhtan njan ꞌukoh Jordan yanusya ndai la stuz cha nustun ꞌinkꞌez nawh ꞌudulhne tsꞌuzdliꞌ.

Matthew 20:28

Whuz unꞌa za Yinka Dune Yeꞌ, ꞌaw ooba neꞌwhutitꞌen hukwa whusálhiyal. ꞋEt kꞌus dune buba neꞌutꞌen-un tileh ꞌinkꞌez buba datitsah, ꞌet whuz unꞌa lhane naootakulh. ꞋEt hukwa whusainya.”

Matthew 3:11

Noheni nahunduníhla ꞌet huwa too be za too beꞌ nohúsdla. ꞋEt hoontsꞌi skꞌelhꞌaz whusatiyalh-un, ꞌen sanus diztiꞌ whe ꞌuntꞌoh. ꞋAw ookegon ooba nétisdlelh huba soo lheꞌusdzooꞌ. ꞋEn Ndoni ꞌinkꞌez kwun bulh be too beꞌ nohtilhꞌelh.

Mark 5:24

ꞋEt ꞌawet Jesus yulh nátistꞌaz. Whuz lhane dune yulh tizdil kꞌet lhtsꞌun únꞌa huyúlhedindil.

Luke 5:8

Simon Peter whunalhꞌen whe Jesus oobut dugwutsi be neninya ꞌinkꞌez, “Smoodihti schꞌaz naindalh, si lubeshi ꞌulhꞌen-un usdli,” yúlhni.

Luke 7:4

ꞋEt Jesus highu nindil whe tube cho hitsꞌu tedudli ꞌinkꞌez ꞌuhuyulhni lhuganne whumoodih-un, ꞌen soo ꞌuldzooꞌ whe ꞌuntꞌoh yuba neꞌutꞌen-un, ꞌen soo naꞌyooleh ha.

Luke 7:5

“Neduneꞌne bukꞌensiꞌ ꞌinkꞌez nelugliz nebaꞌ hóonla,” huyulhni.

Luke 7:7

ꞋEt huwa ndunuszun ꞌaw soo lheꞌuzdzooꞌ ndudutásyalh huba. ꞋEt hoontsꞌi nghuni be dini de, ꞌet la sba neꞌútꞌen-un soo naꞌóotneh.

Luke 8:49

ꞋEt ꞌawhuz tsꞌeke yulh yalhduk whe Lizwif bulugliz whumoodih ooyoh usda-un yughu ninya ꞌinkꞌez ꞌuyulhni, “Ntseꞌ dazsai. Whute ndun dune hodulhꞌeh-un, ꞌaw ꞌon ꞌun dzoh nilhdzut iloh.”

Acts 10:38

Tꞌenahzun Jesus Nazareth whutꞌen-un, ꞌen daja whe Yakꞌusda Ndoni ꞌinkꞌez ye tsꞌílhtus-i cha yuyudánꞌai ꞌet huwa ndulcho nuya hoonzoo teneꞌútꞌen ꞌinkꞌez netsudule kꞌuneꞌ bulꞌen ꞌenne cha soo naꞌbulhꞌen, Yakꞌusda yulh ꞌuntꞌoh ꞌet huwa.

James 4:10

NeMoodihti oobut yo ꞌududoolhdzin, ꞌet de la nohdólhtiꞌ.

James 4:6

ꞋEt Yakꞌusda lhanꞌun ye unzoo-i negha íninꞌai, ꞌinka ooghuni njan ndutni, “Mbene la ꞌududíltiꞌne, ꞌenne Yakꞌusda budulhyoh ꞌuntꞌoh. ꞋEt hoontsꞌi yo údudildzunne, ꞌenne ye unzoo-i bugha yúꞌaih whe ꞌuntꞌoh.”