Luke 7:47 - Yak'usda Ooghuni

⁴⁷ ꞋEt huwa nyudusni, oolubeshi lhai tsꞌiyawh ooba whunaoodízno. Lhetube skꞌensiꞌ whe ꞌuntꞌoh. ꞋEt hoontsꞌi ntsool-iyaz lubeshi buba hooloh unline, dzoh tsꞌulyaz skꞌehinsiꞌ.”

Luke 7:47 Iomraidhean Croise

Matthew 10:37

Mbe la dubá kꞌus duloo, si sanus bukꞌensiꞌ de, ꞌaw sba soo lheꞌhildzooꞌ! ꞋInkꞌez mbe la duyeꞌ ꞌinkꞌez dutseꞌ bulh, si sanus bukꞌensiꞌ de, ꞌaw sba soo lheꞌildzooꞌ.

Luke 7:39

ꞋEt Pharisee ꞌanih yudaniꞌ-un, dichꞌoh naꞌdudutni, “ꞋEt ndun nus hooꞌen-un unli de, tꞌeoonózin daꞌ dantꞌoh-un tsꞌeke ꞌuntꞌoh yutꞌainaih. ꞋEn lubeshi ꞌulhꞌen-un ꞌuntꞌoh.”

Luke 7:46

ꞋAw stsi khe be lhilhlhoh ꞌet hoontsꞌi ndun tsꞌeke khe be ske sooltsun-i yulhlo.

Luke 7:48

ꞋInkꞌez Jesus tsꞌeke ndúyulhni, “Nlubeshi mba hooloh suliꞌ.”

Acts 5:31

ꞋEt Yakꞌusda yakꞌuz whenáyalhti dunailhni tsꞌe duzih ꞌet yulhda, ꞌinkꞌez Moodihti ꞌinkꞌez neulhyís-un cha yulhtsi. ꞋEt Israel ootsꞌu haindene dudeni náhondunooleh, ꞌet de la bulubeshi buba ꞌún yutoolhdilh.

Romans 5:20

ꞋEt ꞌon ꞌun cha Yakꞌusda dughuni Moses tlꞌa ídanꞌai, ꞌet whe la whunenulhtun dáhooltsuk whe Yakꞌusda ooghuni kꞌúzninyuz. Ndet la tꞌetsꞌonínzun lubeshi ꞌulhꞌen ntsiꞌne tsꞌinli de, ꞌet de natsꞌuhooꞌaih Yakꞌusda ye nétsꞌun únzoo-i, ꞌi ꞌon nus ulhtus whe nelubeshi yuchꞌaꞌ nilhde.

2 Corinthians 5:14

Christ ye nekꞌensiꞌ-i, ꞌi be ꞌon nus úzdunultꞌi ꞌet huwa. ꞋIlhoghun tsꞌiyanne ba dazsai de, ꞌet de tsꞌiyanne yahadlah leꞌ hintꞌoh, ꞌet whuz unꞌa tꞌetsꞌoninzun.

Galatians 5:6

ꞋEt wheni tsꞌiyawh Christ Jesus ꞌen bulh ꞌutsꞌintꞌoh de, ꞌet de yuka dune unli-i kꞌut huyuztꞌus, kꞌus ꞌaw lhitꞌus-un, ꞌet ꞌaw ꞌantsꞌi ꞌuhoontꞌoh. ꞋEt hoontsꞌi be ꞌalha ꞌuhoontꞌoh-i, ꞌi hooncha wheꞌ hoontꞌoh. ꞋI gha ꞌon nus lhkꞌetsꞌusiꞌ.

Ephesians 6:24

Mbene la Christ neMoodihti soo ꞌalhaꞌ ꞌi be yukꞌensiꞌne, ꞌenne ye unzoo-i bubulh ꞌutitꞌelh. ꞋEt ndo honeh.

Philippians 1:9

Nohba tenadusdli, be tꞌéoonudzun-i, ꞌi be cha ꞌinkꞌez ye whunih-i cha tsꞌiyawh, ꞌet whuz unꞌa be nekꞌetsꞌinsiꞌ-i, ꞌet lhat-un lhkꞌuz te nohba whutáleh.

1 Timothy 1:14

ꞋEt neMoodihti ye stsꞌun unzoo-i tube lhai whe ꞌuntꞌoh, ꞌinkꞌez Christ Jesus ꞌen ye nekꞌensiꞌ-i, be ꞌalha ꞌuhoontꞌoh-i, cha lhai whe yutꞌi.

1 John 1:7

ꞋEt hoontsꞌi be hootꞌen-i bulh ꞌuntꞌoh, ꞌi ooniz tsꞌidulh de, ꞌet de ꞌilhoh lhulh ꞌutsꞌintꞌohne tsinli ꞌinkꞌez ooYeꞌ Jesus Christ buzkaiꞌ be nelubeshi tsꞌiyawh yunaꞌalhde.

1 John 3:18

Tsꞌoodunneyaz ꞌaw khuni be za lhkꞌetsꞌoosiꞌ uzdoonꞌ. Soo tsꞌihꞌun unꞌa ne-eꞌutꞌen be cha lhkꞌetsꞌootsiꞌ.

1 John 4:19

Yakꞌusda didut ꞌudechoo nekꞌensiꞌ ꞌet huwa ookꞌetsꞌinsiꞌ.

1 John 5:3

Ooghuni tsꞌoontun de, ꞌet whuz unꞌa Yakꞌusda ookꞌetsꞌinsiꞌ. ꞋInkꞌez ndi ooghuni ꞌaw oogha lhúhoolnaꞌ whe ookꞌuneꞌ tsꞌootꞌen.