Luke 7:43 - Yak'usda Ooghuni

⁴³ ꞋEt Simon ꞌutni, “Mbe ꞌukꞌenus lhai yuba laditni-un, ꞌen ꞌukꞌenus yukꞌentsiꞌ.” ꞋEt Jesus uyúlhni, “Tsꞌihꞌun unꞌa ꞌudinja.”

Luke 7:43 Iomraidhean Croise

Matthew 18:27

Oomoodih yugha teꞌnanzin. ꞋEt ndai la ye yutsꞌu whulhꞌai-i, tsꞌiyawh yuba whunaoodilhnoh, ꞌinkꞌez whenayalhꞌaꞌ.

Mark 12:34

Jesus tꞌéoonanzin dalcho ꞌi be whunih kꞌunꞌa ꞌudíja ꞌet uyúlhni, “ꞋAwet Yakꞌusda whuLerwe unli whenghoh ꞌintꞌoh.” ꞋEt hukwꞌelhꞌaz ꞌaw ꞌudun hukwa lhúhuyoodílhkulh huyéntsaz ꞌet huwa.

Luke 10:38

ꞋEt hukwꞌelhꞌaz hidulh whe Jesus ꞌudun keyoh tsꞌoozya ꞌinkꞌez tsꞌeke Martha huyulhni, duyoh tsꞌe yughu nuseya.

Luke 7:42

ꞋAw hiba ꞌukꞌelha hitilhtselh lhihítꞌih. ꞋInka nahúltꞌoh buba whula ditni. ꞋEt sudini, kꞌus mbe ꞌukꞌenus yukꞌensiꞌ?”

Luke 7:44

ꞋEt ndun tsꞌeke tsꞌu nalhꞌa ꞌinkꞌez Simon ꞌulhni, “Ndun tsꞌeke nilhꞌen eh? Nyoh danusya whe ꞌaw too sba ꞌet nélhinkal ske be tunatisgus huba. ꞋEt hoontsꞌi ndun tsꞌeke dunatsúltooꞌ be ske tunayuzguz ꞌinkꞌez dutsighaꞌ be yunaꞌalhde.

Luke 7:47

ꞋEt huwa nyudusni, oolubeshi lhai tsꞌiyawh ooba whunaoodízno. Lhetube skꞌensiꞌ whe ꞌuntꞌoh. ꞋEt hoontsꞌi ntsool-iyaz lubeshi buba hooloh unline, dzoh tsꞌulyaz skꞌehinsiꞌ.”