Luke 7:42 - Yak'usda Ooghuni

⁴² ꞋAw hiba ꞌukꞌelha hitilhtselh lhihítꞌih. ꞋInka nahúltꞌoh buba whula ditni. ꞋEt sudini, kꞌus mbe ꞌukꞌenus yukꞌensiꞌ?”

Luke 7:42 Iomraidhean Croise

Matthew 18:27

Oomoodih yugha teꞌnanzin. ꞋEt ndai la ye yutsꞌu whulhꞌai-i, tsꞌiyawh yuba whunaoodilhnoh, ꞌinkꞌez whenayalhꞌaꞌ.

Matthew 18:34

Oomoodih yulh hunilchꞌe. Dune dzoh nulhdehne, ꞌenne butlꞌa yálhti. Ye yutsꞌu whulhꞌai-i, ꞌi tsꞌiyawh yuba kꞌelha whutilhtselh whutsꞌun.

Matthew 6:12

ꞋInkꞌez ꞌuyoonne bulh dulhyoh tsꞌuwhulhꞌai de, buba whunatsꞌodoolnoh.

Luke 7:43

ꞋEt Simon ꞌutni, “Mbe ꞌukꞌenus lhai yuba laditni-un, ꞌen ꞌukꞌenus yukꞌentsiꞌ.” ꞋEt Jesus uyúlhni, “Tsꞌihꞌun unꞌa ꞌudinja.”

Romans 3:24

Christ, ꞌen Jesus tsꞌutni, ꞌen gha lubeshi chꞌa naneonket. ꞋEt huwa nintaꞌtsꞌuntꞌen-un, Yakꞌusda ye unzoo-i, ꞌi be gak neba whulhtsi. ꞋAntsꞌi negha óoninꞌai leꞌ neinla.

Romans 5:6

Whutsodaꞌ ꞌaw be tsꞌílhtus-i lhtsꞌítꞌih inleꞌ, Yakꞌusda tsꞌihꞌun unꞌa ooba yinka uzdutáltsꞌilh huba. ꞋEt hoontsꞌi ndet dzin Yakꞌusda ꞌudun néwhuninꞌai-un, ꞌet dzin Christ tsꞌiyanne lubeshi ꞌulhꞌenne buba dazsai.

Galatians 3:10

ꞋEt Moses be ꞌudustlꞌus yutꞌa ninintanne, ꞌenne tsꞌiyawh Yakꞌusda musai butilhtselh-un, ꞌet whutsꞌeꞌ hutꞌen. ꞋEt ndiz unꞌa ꞌukꞌehóoguz whe ndutni, “Moses be ꞌudustlꞌus, ꞌukꞌeyanguz-i, ꞌi tsꞌiyawh mbene la tsꞌiyawh hikꞌu nulheꞌustꞌen de, ꞌet de musai ubutilhtselh-un, tsꞌiyawh huwhutiꞌelh.”

Ephesians 1:7

Yakꞌusda neBá Jesus Christ ꞌen be duduzkaiꞌ be naneonket. ꞋInkꞌez nintaꞌtsꞌuntꞌen-un neba whunaꞌalhde. Ye unzoo-i dádiztiꞌ, ꞌet whuz unꞌa ꞌuniltsuk whe neba ꞌuhóonla.

Ephesians 4:32

ꞋInkꞌez tsꞌiyawh lhtsꞌu ꞌoóhzooꞌ, ꞌinkꞌez tsꞌiyantsuk whe nohdzi óolhdzooꞌ whe lhgha teꞌuntihdzin, ꞌinkꞌez ntsꞌenꞌa Christ, ꞌen be Yakꞌusda nohlubeshi nohba yunaꞌalhde, ꞌet nohni cha whuz unꞌa za ꞌilhone ꞌahli whe lhba ꞌun whutoolhdilh.

Colossians 3:13

Lhulh sooꞌ tsꞌintꞌoh, ꞌinkꞌez tsꞌiyantsuk lhba whunawhudulhneh. Nohtoh ꞌilhoghun ꞌuyoon kꞌehoonꞌai de, ntsꞌenꞌa Christ nohba whunaoodilhnoh, nohni cha whuz unꞌa za buba whunaoodoolhnoh.