Luke 7:4 - Yak'usda Ooghuni

⁴ ꞋEt Jesus highu nindil whe tube cho hitsꞌu tedudli ꞌinkꞌez ꞌuhuyulhni lhuganne whumoodih-un, ꞌen soo ꞌuldzooꞌ whe ꞌuntꞌoh yuba neꞌutꞌen-un, ꞌen soo naꞌyooleh ha.

Luke 7:4 Iomraidhean Croise

Matthew 10:11

Ndet keyoh tsꞌu tihdulh ꞌet keyoh whuyaz kꞌus keyoh whuti, keyoh whutꞌenne, hukwa boodolhkut kꞌus mbe suba dune oodzi unzoo, ꞌen ooyoh dólhtsꞌi tihdulh whutsꞌun.

Matthew 10:13

Yoh dilhtsꞌine, hinzoo de, nohbe dizghel-i bughaídohꞌah. Lheꞌhízooꞌ de, nohbe dizghel-i nohtsꞌun dunaootneh.

Luke 20:35

ꞋEt ndet la ꞌoh de de whusawhútiltsꞌulh whe mbene la Yakꞌusda ba hoonzoo whe bughá whultsꞌutne yaidlane toh dunahudutádulh ꞌinkꞌez yakꞌuz hutidulh. Whuz ꞌaw dune lhghu lhdíltsꞌih wheꞌ hoontꞌoh.

Luke 7:3

ꞋEt lhugan whumoodih Jesus yulh ꞌúdantsꞌo ꞌinkꞌez Lizwif tso whudilhdzulhne, whuz whe balhꞌaꞌ. Jesus huyoodutalhkut ha lhugan whumoodih yuba neꞌutꞌen-un soo naꞌyooleh ha.

Luke 7:5

“Neduneꞌne bukꞌensiꞌ ꞌinkꞌez nelugliz nebaꞌ hóonla,” huyulhni.

Acts 10:2

ꞋEn teniꞌ nilhdzun-un dune unli, ꞌinkꞌez Yakꞌusda énuljut-un ꞌuntꞌoh. Didut ꞌinkꞌez ookꞌekooke tsꞌiyawh Yakꞌusda za hudílhtiꞌ. Lizwif telꞌenne, ꞌenne cha tube bula ꞌutꞌen ꞌinkꞌez ꞌahoolhyiz Yakꞌusda tsꞌun tenadudli.

Revelation 3:4

Whulohne nyulh ꞌuntꞌohne Sardis whutꞌenne, whulohneyaz, ꞌenne ꞌaw dunaih lhuhudílhtsun. ꞋEnne ꞌulhyul-i be hudilhtsꞌi whe sulh nótidulh. ꞋEt huba sooꞌ huldzooꞌ ꞌet huwa.