Luke 7:39 - Yak'usda Ooghuni

³⁹ ꞋEt Pharisee ꞌanih yudaniꞌ-un, dichꞌoh naꞌdudutni, “ꞋEt ndun nus hooꞌen-un unli de, tꞌeoonózin daꞌ dantꞌoh-un tsꞌeke ꞌuntꞌoh yutꞌainaih. ꞋEn lubeshi ꞌulhꞌen-un ꞌuntꞌoh.”

Luke 7:39 Iomraidhean Croise

Matthew 20:16

ꞋEt huwa Jesus njan howu yalhduk whe ubúlhni, “Mbene la ꞌudekꞌoh unline, ꞌenne ꞌudechoo nahutidleh. ꞋInkꞌez ꞌudechoo unline, ꞌenne ꞌudekꞌoh nahutidleh. ꞋEt huwa Yakꞌusda lhane ꞌanih dániꞌ, ꞌet hoontsꞌi ntsoolneyaz za ꞌutahaínla.”

Matthew 21:11

ꞋEt ꞌilhunaoosdilne hubuhútni, “Ndun ꞌen Jesus nus hooꞌen-un, ꞌen ꞌuntꞌoh. Keyoh Nazareth yun kꞌut Galilee whuzꞌai-un, whuz de hainya-un ꞌuntꞌoh.”

Mark 7:21

ꞋEt dune budzi yo whuz de ꞌaw beni lheꞌízooꞌ, ꞌuyoon dune ꞌat bulh lubeshi hilhchuk, tsꞌeke bulh nintaꞌhutꞌih, nehughan cha ꞌutꞌen,

Luke 12:17

ꞋInkꞌez didutchꞌoh ꞌuninzun, ‘Ntsꞌenꞌa cha la daoosneh? Ha níyeh-i bayoh whudizbun. ꞋAw ꞌon ꞌun ꞌuyoo dánosdzaih ꞌaitꞌoh.’

Luke 15:2

ꞋInkꞌez Phariseene ꞌinkꞌez Moses be ꞌudustlꞌus ꞌukꞌu nunáguzne cha highu yawhenilhduk whe njan nduhutni, “Ndun dune ꞌen lubeshi ꞌulhꞌenne, ꞌenne bubulh neꞌutꞌen ꞌinkꞌez bubulh ꞌáꞌalh cha ꞌutꞌen.”

Luke 16:3

ꞋEt nyoh whumoodih dichꞌoh naꞌdudutni, ‘Daoosneh cha há la? Smoodih ꞌawet seꞌ ꞌutꞌen sghu nahootalhchoot. ꞋAw yun hooskah ꞌaitꞌoh. ꞋInkꞌez datisó cha hukwayá usdli.

Luke 18:4

ꞋEt ꞌaw yoozólhtsꞌaiꞌ ꞌaitꞌoh. ꞋEt hukwꞌelhꞌaz naꞌdudútni ‘ꞋAw Yakꞌusda be lhnuzjut ꞌinkꞌez dune cha ꞌantsꞌi sba hinli.

Luke 3:8

ꞋEt huwa nohlubeshi chꞌa noheni náhandunoohleh de, ndahtꞌen-un tsꞌiyanne tꞌehonózin ndahtꞌoh la. ꞋInkꞌez khun njan ndunadudoohtniꞌ junih wheni Abraham ootsꞌu haindene ꞌutsꞌintꞌoh. ꞋAlhaꞌ tsꞌihꞌun unꞌa nohdusni, Yakꞌusda soo ꞌultus whe ꞌuntꞌoh, ndi tse ꞌi hoontsꞌi ꞌi Abraham ootsꞌu haindene yutilhtselh.

Luke 7:16

Tsꞌiyanne hunílhjoot, ꞌinkꞌez Yakꞌusda hidílhtiꞌ whe njan nduhutni, “Netoh nus hooꞌen-un ncha-un whusainya.” ꞋInkꞌez nduhútni, “Yakꞌusda duduneꞌne buzih nususya.”

Luke 7:37

ꞋEt ꞌilhoghun keyoh whutꞌen-un, lubeshi ꞌulhꞌen-un tsꞌeke. Pharisee ooyoh tsꞌe ꞌet Jesus ꞌaꞌalh yulh ꞌúdantsꞌo whe whuz whinya. Sooltsun-i diztiꞌ-i, ꞌi alabaster luboodai bé yulhdzo, ꞌi whuz yoozꞌai.

Luke 7:38

ꞋEt yutꞌa syin, ꞌutso ꞌinkꞌez dunatsultooꞌ be yuke tunawhiningus ꞌinkꞌez dutsighaꞌ be yunaꞌulhdeh, ꞌinkꞌez yuke naditsꞌooz. ꞋInkꞌez ndi sooltsun-i be yuke yulhlo.

Luke 7:40

ꞋEt Jesus uyúlhni, “Simon, hoonliyaz nyudutásnelh.” “Nehodulhꞌeh-un dini,” ni.

John 4:19

ꞋEt tsꞌeke uyúlhni, “Nyun nus hooꞌen-un tilah ꞌintꞌoh?

John 7:12

ꞋEt ꞌilhozdílne didutchꞌoh dutoh whuꞌízyaz whe highu yalhduk. Whulohne cha ꞌen unzoo hutni, ꞌinkꞌez whulohne cha ꞌawundooh dune nanaꞌah hutni.

John 9:24

ꞋEt doo cha za ndun dune hoos̱ꞌen inleꞌ-un, “ꞋAnih,” huyúlhni, ꞌinkꞌez ꞌuhutni, “Njan daínja-un la Yakꞌusda ꞌen ooba whudílhtiꞌ, ꞌaw ndun dune ꞌen íloh, tꞌetsꞌonínzun lubeshi ꞌulhꞌen-un ꞌuntꞌoh ꞌet huwa.”