Luke 7:38 - Yak'usda Ooghuni

³⁸ ꞋEt yutꞌa syin, ꞌutso ꞌinkꞌez dunatsultooꞌ be yuke tunawhiningus ꞌinkꞌez dutsighaꞌ be yunaꞌulhdeh, ꞌinkꞌez yuke naditsꞌooz. ꞋInkꞌez ndi sooltsun-i be yuke yulhlo.

Luke 7:38 Iomraidhean Croise

Genesis 18:4

Sla ꞌineh whe tooyaz ntsool-iyaz whusaooskalh ꞌinkꞌez sih nohke be tunaoohgus, ꞌinkꞌez nyo duchun sa whusꞌih ꞌet sih naoolhyis.

Matthew 5:4

Dulubeshi ghu ni unline, ꞌenne ꞌukꞌenus kꞌenánitꞌane hutileh. ꞋEnne ꞌuhuja ꞌukꞌenus hoonzoo-un bugha whultsꞌut.

Luke 22:62

ꞋEt Peter ꞌaz whinya ꞌinkꞌez tube intse.

Luke 6:21

Nohni ooyeꞌúltsꞌilhne, untihdai ꞌukꞌenus hoonzoo-un nohgha whultsꞌut. Mbene la ꞌandit utsone tihdloh ꞌet huwa dawhuldzooꞌ-un nohgha whultsꞌut.

Luke 7:37

ꞋEt ꞌilhoghun keyoh whutꞌen-un, lubeshi ꞌulhꞌen-un tsꞌeke. Pharisee ooyoh tsꞌe ꞌet Jesus ꞌaꞌalh yulh ꞌúdantsꞌo whe whuz whinya. Sooltsun-i diztiꞌ-i, ꞌi alabaster luboodai bé yulhdzo, ꞌi whuz yoozꞌai.

Luke 7:39

ꞋEt Pharisee ꞌanih yudaniꞌ-un, dichꞌoh naꞌdudutni, “ꞋEt ndun nus hooꞌen-un unli de, tꞌeoonózin daꞌ dantꞌoh-un tsꞌeke ꞌuntꞌoh yutꞌainaih. ꞋEn lubeshi ꞌulhꞌen-un ꞌuntꞌoh.”

John 11:2

Ndun Mary ꞌen ꞌuja ínleꞌ neMoodihti khe sooltsun-i be yuke tunásuguz ꞌinkꞌez dutsighaꞌ be yunaꞌalhde ínleꞌ. ꞋEn bulhutsin Lazarus ꞌen unduda.

James 4:9

ꞋEt dáhja la, ꞌet nohnichꞌoh tube cho yoo yo ꞌududolhdzin! ꞋInkꞌez howu ni oohleꞌ! Ndet la hoontsiꞌ-un howahdloh-un, ꞌet ꞌetsul ꞌudóhnih, ꞌet huwohtso! Be hóonahtꞌiꞌ-i, ꞌi tsꞌiyawh whula doohtni, ꞌinkꞌez nohdzi undoodaꞌ.