Luke 7:37 - Yak'usda Ooghuni

³⁷ ꞋEt ꞌilhoghun keyoh whutꞌen-un, lubeshi ꞌulhꞌen-un tsꞌeke. Pharisee ooyoh tsꞌe ꞌet Jesus ꞌaꞌalh yulh ꞌúdantsꞌo whe whuz whinya. Sooltsun-i diztiꞌ-i, ꞌi alabaster luboodai bé yulhdzo, ꞌi whuz yoozꞌai.

Luke 7:37 Iomraidhean Croise

Matthew 21:31

ꞋEt Jesus ꞌutni, “Ndunne nane kꞌus mbe oobá buba hukwaꞌ ninzun ꞌoh te hukwꞌu neꞌhustꞌen?” “ꞋUdechoo-un, ꞌen za,” hutni. ꞋEt Jesus ndúbulhni, “Tsꞌihꞌun nohdusni ndunne sooniya nalhdzoohne ꞌinkꞌez tsꞌekoo ꞌulꞌenne cha, Yakꞌusda lerwe unli-un, whuz nohtso dahutidulh.

Luke 18:13

ꞋEt ndun sooniya ꞌilhunaoosꞌaih-un, ꞌen cha ꞌudun usyin. ꞋAw ndo hoontsꞌi yutóꞌen ꞌaitꞌoh ꞌinkꞌez yo nilhꞌai. ꞋInkꞌez dudzi kꞌut hoolhchis, ‘Yakꞌusda sgha teꞌninzeh! Lubeshi ꞌulhꞌen-un ꞌustꞌoh,’ ni.”

Luke 19:7

ꞋEt tsꞌiyanne hinalhꞌen whe whutsꞌo disnih, ꞌinkꞌez howu yahalhduk, “Lubeshi ꞌulhꞌen-un, ꞌen zih tidalh.”

Luke 5:30

ꞋEt Moses be ꞌudustlꞌus ꞌukꞌu nunáguzne ꞌinkꞌez Phariseene, didutchꞌoh highu yalhduk ꞌinkꞌez Jesus yugha hodulꞌehne, ꞌubuhútni, “ꞋEt nyoonne sooniya ꞌilhunaoosꞌaihne ꞌinkꞌez lubeshi ꞌulhꞌenne, di ha bubulh áhꞌalh ꞌinkꞌez bubulh ꞌáhtnai?”

Luke 5:32

ꞋAw tsꞌihꞌun ꞌuntꞌohne dulubeshi chꞌa dudeni naháhunduntileh huba iloh whusásya. ꞋEt lubeshi ꞌulhꞌenne dulubeshi chꞌa dudeni naháhundunooleh ubudutásnelh ha, ꞌet huba whusásya.”

Luke 7:34

ꞋEt Yinka Dune Yeꞌ whusainya, ꞌaꞌalh ꞌinkꞌez ꞌutnai. ꞋEt ꞌudáhni, ‘Ndun dune oocha hooncha ꞌinkꞌez tanutnai. Sooneya ꞌilhunaoosꞌaihne ꞌinkꞌez lubeshi ꞌulhꞌenne bukꞌeke,’ dáhni.

Luke 7:36

ꞋEt Pharisee ꞌilhoghun yughu nusíya dudulh náꞌootꞌalh yulhni. ꞋInka whuz ooyoh tsꞌe yughu danínya. ꞋEt lutab yoo yo ꞌuntꞌoh-i yuzih nelget ꞌutiꞌulh wheni.

John 11:2

Ndun Mary ꞌen ꞌuja ínleꞌ neMoodihti khe sooltsun-i be yuke tunásuguz ꞌinkꞌez dutsighaꞌ be yunaꞌalhde ínleꞌ. ꞋEn bulhutsin Lazarus ꞌen unduda.

John 9:24

ꞋEt doo cha za ndun dune hoos̱ꞌen inleꞌ-un, “ꞋAnih,” huyúlhni, ꞌinkꞌez ꞌuhutni, “Njan daínja-un la Yakꞌusda ꞌen ooba whudílhtiꞌ, ꞌaw ndun dune ꞌen íloh, tꞌetsꞌonínzun lubeshi ꞌulhꞌen-un ꞌuntꞌoh ꞌet huwa.”

John 9:31

Tꞌetsꞌonínzun Yakꞌusda ꞌaw lubeshi ꞌulhꞌenne lhuboozílhtsꞌai. ꞋEt mbene la Yakꞌusda tsꞌu téniꞌ nilhdzunne, ꞌinkꞌez butsꞌu húkwaꞌ ninzun te neꞌútꞌenne, ꞌenne za uboozílhtsꞌai.

Romans 5:8

ꞋEt hoontsꞌi wheni ꞌawhuz lubeshi ꞌulhꞌenne tsꞌinli inleꞌ whe Christ neba dazsai. ꞋEt whe Yakꞌusda whunénilhtan dalcho-i be nekꞌensiꞌ.

1 Timothy 1:15

Ndi khuni be nyulh yasduk-i, ꞌi ꞌalhaꞌ ꞌuntꞌoh ꞌinkꞌez ꞌi soo tsꞌiyawh ootꞌa ninintan, ꞌet ndutni: Christ Jesus ꞌen ndi yun kꞌuz nusiya lubeshi ꞌulhꞌenne bubutilhyih wheni, ꞌinkꞌez si ꞌukꞌenus dune unsiꞌ-un usdli inleꞌ.

1 Timothy 1:9

Moses be ꞌudustlꞌus ꞌukꞌu neyuzguz-i ꞌaw dune tsꞌihꞌun ꞌuntꞌohne ba lheꞌitꞌoh ꞌet cha tꞌetsꞌoninzun. ꞋInkꞌez nduntꞌohne, ꞌenne bubaꞌ yilya mbene la ꞌi kꞌuneyuzyuzne, ndi khuni netlꞌa diltsꞌut-i ꞌaw hikꞌu nulheꞌitꞌelne cha, budzi dutsunne cha, lubeshi ꞌulhꞌenne cha, Yakꞌusda ghudlohne cha, ooze hoontsiꞌne cha, duloo, dubáke ughanne, ꞌenne cha, dune ughanne cha,

1 Peter 4:18

ꞋInkꞌez njan ndutni, “Tsꞌihꞌun unꞌa ꞌuntꞌohne buba howa whulnaꞌ whe hudutijih de, Ndunne Yakꞌusda lhodílhtiꞌne ꞌinkꞌez lubeshi ꞌulhꞌenne, ꞌenne dahútinelh nahzun?”