Luke 7:33 - Yak'usda Ooghuni

³³ Whunulhꞌen, John dune too be ꞌulhꞌen-un whusainya whe ꞌaw lhes lhusꞌal ꞌinkꞌez tsꞌekoo tooꞌ cha lhusnaiꞌ. ꞋEn ꞌudáhni ‘Ntsiꞌ-i nududeh-i ooyudinda,’ dahni.

Luke 7:33 Iomraidhean Croise

Matthew 10:25

Dune yugha hodulꞌeh-un, whuyodulhꞌeh-un kꞌunꞌa ootꞌeꞌ hubaꞌ hoontꞌoh, ꞌinkꞌez be ꞌulhna-un, dumoodih kꞌunꞌa ootꞌeꞌ hubaꞌ hoontꞌoh. ꞋEt si Beelzebul suhútni de nohni sgha hodulꞌehne, nohni cha whuz unꞌa za ndunohodutánelh!

Matthew 3:1

ꞋOh whuya hoozulh whe John dune too be ꞌulhꞌen-un Judea yun kꞌut dune lhuhootꞌi tsꞌe, whuz whinya ꞌinkꞌez dune bulh yalhduk.

Matthew 3:4

ꞋInkꞌez John dichꞌoh khuna-i gha, camel huyulhni, ꞌi ye dune unli ꞌinkꞌez ꞌuzus se be tsꞌudilhꞌoo. Tulkꞌus cho ꞌinkꞌez tsꞌihnatlꞌuz ꞌohwhi yaꞌalh.

Mark 1:6

ꞋEt John dune too be ꞌulhꞌen-un khuna-i gha stlꞌoo-i ye dune unli ꞌinkꞌez ꞌuzus se be tsúdilhꞌoo. Tulkꞌus cho ꞌinkꞌez tsꞌihnatlꞌuz cha ꞌi yaꞌalh inleꞌ.

Luke 1:15

ꞋEt neMoodihti oonalh dune uncha-un tileh. Tsꞌekoo tooꞌ kꞌus too ulhtus-i cha lhtisnel. Whutileh whutso ꞌet hoontsꞌi Ndoni be dutibun.

Luke 7:32

Tsꞌoodunneyaz duhúltꞌoh whe huyaꞌalh-i be ꞌóoket-un ꞌet hudilhtsꞌi. ꞋInkꞌez lhtsꞌu há hadih whe njan ndulhódutni, ‘Be tsꞌujun-i be nohba tsꞌujun, ꞌinkꞌez ꞌaw lhnahdih. ꞋInkꞌez nohba tsꞌodi tsinli, ꞌinkꞌez ꞌaw lhahtsoh!’

Luke 7:34

ꞋEt Yinka Dune Yeꞌ whusainya, ꞌaꞌalh ꞌinkꞌez ꞌutnai. ꞋEt ꞌudáhni, ‘Ndun dune oocha hooncha ꞌinkꞌez tanutnai. Sooneya ꞌilhunaoosꞌaihne ꞌinkꞌez lubeshi ꞌulhꞌenne bukꞌeke,’ dáhni.

John 10:20

Tube lhane, ꞌenne ꞌuhutni, “Ntsiꞌ-i nudúdeh-i ooyudínda! Whusni wheꞌ ꞌutni, di ha oozúlhtsꞌai?”

John 8:48

ꞋEt Lizwifne ꞌuhuyúlhni, “Ꞌalha ꞌi be ntsꞌuyútni nyun Samaria whutꞌen-un ꞌintꞌoh ꞌinkꞌez ntsiꞌ-i nudúdeh-i nyudínda!”

John 8:52

ꞋEt Lizwifne ꞌuhuyúlhni, “ꞋAndit ꞌawet tꞌétsꞌonínzun ntsiꞌ-i nudúdeh-i nyudínda! Abraham ꞌinkꞌez nus hóoꞌenne yahadla, ꞌet hoontsꞌi ꞌunedíni, mbene la nghuni yoontúnne, ꞌaw dahóotsah ꞌaítꞌoh díni.

Acts 2:13

ꞋEt ꞌuyoonne, ꞌenne la Jesus ooba ꞌalhaꞌ ꞌuntꞌohne ghu hidloh, “Ndunne dune yatahinátnaiꞌ,” wheꞌ hutni hubuhútni.