Luke 7:29 - Yak'usda Ooghuni

²⁹ Tsꞌiyanne dune ꞌinkꞌez sooniya nalhdzoohne, Jesus daja ni hidantsꞌo whe Yakꞌusda buba ꞌalhaꞌ yija, John too beꞌ balhꞌen ꞌet huwa.

Luke 7:29 Iomraidhean Croise

Matthew 5:46

Mbene nohkꞌensiꞌne, ꞌenne za bukꞌehtsiꞌ de, di suba nohgha óokat? Ndunne sooniya nalhdzoohne, ꞌenne cha whuz unꞌa za nduhutꞌen.

Luke 20:6

ꞋEt hoontsꞌi dune tsꞌu ha hóoltsꞌut, tsꞌutni de, ꞌet dune tsꞌiyawh la tse be nehooghan. John ꞌen nus hooꞌen-un ꞌuntꞌoh ꞌet buba ꞌalha ꞌuhoontꞌoh ꞌet huwa.”

Luke 3:12

Sooneya ꞌilhunaoosꞌaihne cha too beꞌ hutilnelh ha hitsꞌu whusaindil whe huyoodulhkut, “Whuneodulhꞌeh-un ntsꞌenꞌa daztinelh.”

Luke 7:28

Nohdusni, nus hooꞌenne whuzdline butoh John dune too be ꞌulhꞌen-un, ꞌukꞌenus ncha-un ꞌuntꞌoh. ꞋEt hoontsꞌi Yakꞌusda whulerwe unli-un, ꞌukꞌenus ꞌudeyo ꞌuntꞌoh-un yanus uncha whe ꞌuntꞌoh.”

Luke 7:35

ꞋEt hoontsꞌi ndunne hiye whunih-i naꞌdudilꞌine bugha ndi be whútnih-i, ꞌi tsꞌihꞌun unꞌa ꞌuhóoja.”

Acts 18:25

Ndun dune ꞌen neMoodihti be ꞌutꞌen kꞌoh huwun hodilꞌeꞌ, ꞌinka la soo howu daóoditꞌoh whe Jesus ghun tsꞌihꞌun unꞌa yalhduk ꞌinkꞌez whubodulhꞌeh. ꞋEt hoontsꞌi ndet la John dune too be ꞌulhꞌen-un too be ꞌúlya inleꞌ ꞌet za tꞌéoonínzun whe ꞌutni.

Acts 19:3

ꞋInkꞌez, “Ndai be too beꞌ tsꞌulꞌih úlhchoot?” ubúlhni. “Be too beꞌ tsꞌulꞌih John dune too be ꞌulhꞌen-un yughu yalhduk-i” hutni.

Romans 10:3

Tsꞌihꞌun unꞌa Yakꞌusda kꞌúneꞌ hutitꞌen-un ꞌet ꞌaw tꞌéhonúszun. ꞋEt ntsꞌenꞌa la dichꞌoh ꞌuhuhóonla whuz unꞌa tsꞌihꞌun unꞌa ꞌuhintꞌoh naꞌhududilꞌi. ꞋInkꞌez ndet la Yakꞌusda butsꞌu húkwaꞌ ninzun-un ꞌaw hukwꞌunꞌa lheꞌhínel.

Revelation 15:3

Moses ꞌen Yakꞌusda be ꞌulhna-un, ꞌinkꞌez ꞌusbaiyaz bulh buyun ꞌi be hújun. Ndi shun njan ndutni, “NeMoodihti Yakꞌusda ꞌon nus ulhtus-un inli. Nyeꞌ ꞌutꞌen ncha ꞌinkꞌez oogha ꞌítꞌen. Yakꞌusda oochꞌeꞌne bulerwe inli. Nyeꞌ ꞌutꞌen kꞌoh tsꞌihꞌun ꞌinkꞌez ꞌalha ꞌuhoontꞌoh.

Revelation 16:5

ꞋEn lizas za njan nduti whe dustsꞌo, “O neMoodihti tsꞌihꞌun ꞌintꞌoh. Nyun ꞌintꞌoh ꞌinkꞌez nyun ꞌantꞌeꞌ ꞌinkꞌez lubeshi ooghu hooloh-un inli. Whuz unꞌa huba nahizínya ꞌet huwa.