Luke 7:2 - Yak'usda Ooghuni

² ꞋInkꞌez ꞌet keyoh whutꞌen-un ꞌet ꞌilhoghun lhuganne whumoodih yuba neꞌútꞌen-un. Tube yúkꞌentsiꞌ-un, ꞌen tube unduda ꞌinkꞌez ꞌawet datitsah.

Luke 7:2 Iomraidhean Croise

Genesis 24:27

ꞋInkꞌez ꞌutni, “Ooba ꞌustꞌen-un Abraham ooYakꞌusda (Elohim) ꞌinkꞌez ooMoodihti (Yahweh) cha ꞌen dotiꞌ. ꞋAw ndun ooba ꞌustꞌen-un ye yugha teꞌninzun ꞌinkꞌez ye tsꞌihꞌun ꞌuntꞌoh-i cha yula lhditnih. ꞋEt si ꞌowhuya usyalh Moodihti (Yahweh) ꞌen ndun ooba ꞌustꞌen-un oonatneke ꞌen whusunilhtan, ꞌet whuz oozusya.”

Genesis 35:8

ꞋEt Deborah, Rebekah yuba neꞌutꞌen-un, dazsai. Nyo Bethel ꞌon yo nyoo duchun oak ndi ꞌi hicheh ꞌahuyalhti. ꞋEt Allon Bacuth huwhutni.

Matthew 27:54

ꞋEt ndun lhuganne bumoodih, ꞌinkꞌez yulh ꞌutꞌenne, Jesus yughunline, yun núkhisnai ꞌinkꞌez ntsꞌoh te neꞌwhustꞌen-un, ꞌet honalhꞌen whe tube whe húnilhjoot ꞌinkꞌez ꞌuhutni, “ꞋAlhaꞌ ꞌazih ndun dune, Yakꞌusda ooYeꞌ ꞌuntꞌoh.”

Luke 23:47

ꞋEt dahooja la lhuganne bumoodih whunalhꞌen whe Yakꞌusda yudilhtiꞌ whe ꞌutni, “Ndun ꞌalhaꞌ tsꞌihꞌun dune ꞌazi ꞌuntꞌoh.”

Luke 7:1

ꞋEt dune Jesus yoozilhtsꞌaine ndet huwun ubúlhni-un, tsꞌiyawh lhaoodinla. ꞋInkꞌez keyoh Capernaum tsꞌe oozya.

Luke 7:3

ꞋEt lhugan whumoodih Jesus yulh ꞌúdantsꞌo ꞌinkꞌez Lizwif tso whudilhdzulhne, whuz whe balhꞌaꞌ. Jesus huyoodutalhkut ha lhugan whumoodih yuba neꞌutꞌen-un soo naꞌyooleh ha.

Luke 8:42

ꞋIlhoghun za ootseꞌ, whunizyat ꞌon ꞌat nat be yus kꞌut atꞌen-un. ꞋEn ꞌawet datítsah. Jesus Jairus ooyoh tsꞌe yulh nátistꞌaz. ꞋEt ꞌilhozdilne lhane higha óozdil.

Acts 10:1

Caesarea ꞌet ꞌilhoghun dune Cornelius huyúlhni-un ꞌet usda. Roman lhuganne, ꞌenne, “Italy bohne” hubuhútni ꞌenne ndun bumoodih unli.

Acts 10:7

ꞋEt hukwꞌelhꞌaz ndun lizas yulh yaílhduk-un whenádide whe Cornelius nane yoh ꞌutꞌenne, dichꞌoh ooduneꞌne, ꞌinkꞌez ꞌilhoghun lhugan-un, ꞌen soo Yakꞌusda za dílhtiꞌ, ꞌen cha dichꞌoh yunat neꞌútꞌenne ꞌutahayálhti.

Acts 22:26

ꞋEt ndun huwunlí-un whudántsꞌo whe lhuganne moodih yughu ninya ꞌinkꞌez yoodulhkut, “Daintꞌen whe ꞌintꞌen? Ndun dune Rome yun kꞌut whutꞌen-un ꞌúntꞌoh!” yúlhni.

Acts 23:17

ꞋEt Paul ꞌilhoghun neilhchuk-un, “ꞋAnih,” yudániꞌ ꞌinkꞌez uyúlhni, “Ndun chilh lhuganne moodih tsꞌun ílhtelh hoonliyaz yudutánelh.”

Acts 27:1

ꞋEt ꞌawet lhgha ꞌúhudija whe Italy tsꞌe luwel be uztóokeꞌ hutni. ꞋInka Julius huyúlhni ꞌen Roman lhuganne moodih unli, nyoonne lhuganne, ꞌenne lerwe díztiꞌ-un ooduneꞌne lhuganne ꞌubuhútni, ꞌen Paul ꞌinkꞌez ꞌuyoonne ꞌadinlane cha, Julius ꞌen hitlꞌá banla.

Acts 27:3

ꞋOm bun ꞌet ꞌawet keyoh Sidon tsꞌe tsꞌozki. Julius ꞌen Paul tsꞌun unzoo dukꞌekene nabootꞌen ha ꞌet yugha óoninꞌai, ndai la ye ndunindzit-i higha óolelh ꞌet wheni.

Acts 27:43

ꞋEt hoontsꞌi lhuganne moodih Paul yutilhyih hukwaꞌ ninzun ꞌinka, “Dah,” bubúlhni. “Mbene la dune núlꞌilh tꞌéwhunínzunne, tsꞌiyawh ꞌenne cho tahóollhat ꞌinkꞌez no hútoolꞌilh,” bubúlhni.

Colossians 3:22

Nohni ꞌustlenne unline, ndi yun kꞌut nohmoodih unline, ꞌenne tsꞌiyawh bukꞌuneꞌ oohtꞌen. Nohmoodih nohnilhꞌen te za oohtꞌen junih. ꞋEt hoontsꞌi nohdzi tsꞌihꞌun unꞌa whe Yakꞌusda bé nulhjut, ꞌinkꞌez nohmoodihne bukꞌuneꞌ oohtꞌen.