Luke 7:16 - Yak'usda Ooghuni

¹⁶ Tsꞌiyanne hunílhjoot, ꞌinkꞌez Yakꞌusda hidílhtiꞌ whe njan nduhutni, “Netoh nus hooꞌen-un ncha-un whusainya.” ꞋInkꞌez nduhútni, “Yakꞌusda duduneꞌne buzih nususya.”

Luke 7:16 Iomraidhean Croise

Matthew 15:31

Yalhulhdukne cha yawhehunilhduk, ooyustꞌe bodinꞌaine, cha soo naꞌhuja. Nulhúsdilne cha nahúdilh nahusdliꞌ, hoos̱ꞌenne cha hoohooꞌen nahusdliꞌ. Tsꞌiyanne bunalhꞌen whe tube buba hooncha ꞌinkꞌez Israel whudune buYakꞌusda ꞌen hidálhtiꞌ.

Matthew 21:11

ꞋEt ꞌilhunaoosdilne hubuhútni, “Ndun ꞌen Jesus nus hooꞌen-un, ꞌen ꞌuntꞌoh. Keyoh Nazareth yun kꞌut Galilee whuzꞌai-un, whuz de hainya-un ꞌuntꞌoh.”

Matthew 28:8

ꞋA cho tse be tsa kꞌet whuchꞌa nahustꞌaz. Whe hunuljut ꞌet hoontsꞌi ꞌon nus huhóontꞌiꞌ cha ꞌuhintꞌoh. ꞋInkꞌez yugha hodulꞌehne butsꞌu whe hilgaih buba hutanelh.

Matthew 9:8

ꞋIlhunaoodúlhne tsꞌiyawh buba hooncha ꞌinkꞌez Yakꞌusda hudálhtiꞌ, lheꞌultus dunne butlꞌa honꞌai ꞌet huwa.

Luke 1:65

Yunat whutꞌenne, tsꞌiyawh nujut bughu nédiltsꞌut. ꞋInkꞌez Judea ndulcho ꞌoh whutꞌenne, tsꞌiyawh howu yahalhduk.

Luke 1:68

“Israelne buYakꞌusda ꞌinkꞌez buMoodihti, dalzooꞌ la! Ooduneꞌne, butsꞌunusiya ꞌinkꞌez nabonket.

Luke 19:44

ꞋInkꞌez keyoh whuti-un lhkꞌunahuhootálhkulh. ꞋInkꞌez mbene whez tsꞌe dilhtsꞌine cha tsꞌiyawh bubulh ꞌuwhútanelh. ꞋAw ꞌilho tse lhkꞌudizꞌai-i nohba ꞌet nenálhodutasꞌal. Nohulhyis-un nohtsꞌó whusaiyan-un, ꞌaw tꞌelhonáhzil, ꞌet huwa.”

Luke 2:20

ꞋEt ꞌusbai ghunline de ꞌusbai hitsꞌu whenadil. ꞋEt ndet hodantsꞌo-un, ꞌinkꞌez huhonꞌen-un cha, ꞌinkꞌez ntsꞌenꞌa bubulh yahalhduk, ꞌet huwun Yakꞌusda hidílhtiꞌ ꞌinkꞌez ꞌon nus hoonzoo kꞌunꞌa highu yalhduk.

Luke 24:19

ꞋEt ubúlhni, “Ndet wheꞌ whudahni?” ꞋInkꞌez ꞌuhuyulhni, “Jesus Nazareth whutꞌen-un, ꞌen ooghun dahooja la. Nus hooꞌen-un ꞌuntꞌoh. Yakꞌusda ꞌinkꞌez dune cha bunalh hoolhtus whe neꞌústꞌen ꞌinkꞌez hoolhtus whe cha yáilhduk.

Luke 5:26

ꞋEt tsꞌiyanne buba hooncha. Yakꞌusda hidálhtiꞌ. Tube whe hunuljut, “Tube huwa ꞌitꞌen-un tsꞌonalhꞌen,” hutni.

Luke 5:8

Simon Peter whunalhꞌen whe Jesus oobut dugwutsi be neninya ꞌinkꞌez, “Smoodihti schꞌaz naindalh, si lubeshi ꞌulhꞌen-un usdli,” yúlhni.

Luke 7:15

ꞋInkꞌez dune dazsai-un doneh tlꞌa dindaꞌ ꞌinkꞌez yawhénilhduk. ꞋInkꞌez Jesus ooloo tlꞌa nayalhti.

Luke 7:39

ꞋEt Pharisee ꞌanih yudaniꞌ-un, dichꞌoh naꞌdudutni, “ꞋEt ndun nus hooꞌen-un unli de, tꞌeoonózin daꞌ dantꞌoh-un tsꞌeke ꞌuntꞌoh yutꞌainaih. ꞋEn lubeshi ꞌulhꞌen-un ꞌuntꞌoh.”

Luke 8:37

ꞋEt Gadarene whunat whutꞌenne ndulcho whe hunílhjoot. ꞋEt huwa Jesus buchꞌa naoojaꞌ huyúlhni. ꞋInka tsꞌi be naja ꞌinkꞌez whe nahiki.

Luke 9:19

ꞋInkꞌez ꞌuhuyulhni, “John dune too be ꞌulhꞌen-un ꞌintꞌoh hutni. ꞋEt ꞌonghohne cha Elijah ꞌintꞌoh ꞌuhutni. ꞋInkꞌez ꞌonghohne cha hutni ꞌudaꞌ nus hooꞌenne, ꞌilhoghun dunadija-un ꞌintꞌoh, hutni.”

John 1:21

ꞋEt huyoodulhkut, “Mbe inli? Elijah tilah ꞌintꞌoh?” “ꞋAwundooh,” ubúlhni. “Yakꞌusda be nus hóoꞌen-un ooghu yaduk inleꞌ-un, ꞌen tilah ꞌintꞌoh?” huyúlhni. ꞋEt cha, “ꞋAwúndooh,” ubúlhni.

John 1:25

ꞋInkꞌez huyoodulhkut, “ꞋAw Christ, kꞌus Elijah, kꞌus nyoon Yakꞌusda be nus hóoꞌen-un, iloh ꞌintꞌoh de, di ha dune too béꞌ bilhꞌen?” huyúlhni.

John 4:19

ꞋEt tsꞌeke uyúlhni, “Nyun nus hooꞌen-un tilah ꞌintꞌoh?

John 6:14

ꞋEt ndunne dune honalhꞌen whe Jesus dahoolcho-un la ꞌuja-un, “ꞋEt ꞌalha ꞌuhoontꞌoh whe ndun ꞌen nus hóoꞌen-un yun kꞌeítayalh-un, ꞌen ꞌuntꞌoh,” hutni.

John 9:17

ꞋEt doo cha za ndun hoos̱ꞌen inleꞌ-un ꞌuhuyúlhni, “Hónꞌen nyulhtsi, ꞌet huwa ꞌen ooghun daja dini?” “ꞋAlhaꞌ nus hóoꞌen-un ꞌuntꞌoh,” ubúlhni.

Acts 5:5

Soo Ananias whudántsꞌo ibulh, nadílduz ꞌinkꞌez dazsai. Mbe la whulh údantsꞌone tube cho whe hunilhjoot.

Acts 7:37

Moses ꞌen ꞌuntꞌoh Israel ootsꞌu hainzutne ubúlhni whe ndutni, ‘Yakꞌusda be nus hóoꞌen-un, sundultꞌoh-un, ꞌen Yakꞌusda nohtsꞌítilhꞌalh. Nohkeyoh ꞌilhoghun ꞌen ꞌutinelh. ꞋEn si oozólhtsꞌaiꞌ.’

Galatians 1:24

ꞋInkꞌez si sgha Yakꞌusda hudálhtiꞌ.