Luke 7:14 - Yak'usda Ooghuni

¹⁴ ꞋInkꞌez nezi chunkelh yughu ninya ꞌinkꞌez yutꞌaiznai. Yilhtelhne cha ꞌilhiz nehunindil. ꞋInkꞌez ꞌutni, “Chilh dune dudinyaih nyudúsni!”

Luke 7:14 Iomraidhean Croise

Mark 5:41

ꞋEt tsꞌekeyaz yula ílhchoot ꞌinkꞌez uyúlhni, “Talitha koumi,” ꞌet dakelh kꞌunꞌa, “Tsꞌekeyaz dududinyaih nyudúsni,” ni whe ꞌutni.

Luke 7:13

ꞋEt neMoodihti yanꞌen ꞌinkꞌez yugha teꞌninzin whe uyúlhni, “Intso iloh!”

Luke 7:15

ꞋInkꞌez dune dazsai-un doneh tlꞌa dindaꞌ ꞌinkꞌez yawhénilhduk. ꞋInkꞌez Jesus ooloo tlꞌa nayalhti.

Luke 7:17

ꞋEt Judea yun kꞌut ndulcho whe ꞌinkꞌez whunat keyoh ndulcho whe cha, tsꞌiyanne huyulh ꞌúdantsꞌo.

John 11:25

ꞋEt Jesus ꞌuyulhni, “Si ꞌustꞌoh dunene tsꞌiyanne dunabudusdle-un ꞌinkꞌez ꞌilhiz wheni huye khóonaꞌ-i bugha yúsꞌaih. Tsꞌiyanne mbene la ooba ꞌalhaꞌ ꞌustꞌohne, dahúzsai ꞌet hoontsꞌi huhutinalh.

John 5:21

OoBá ntsꞌenꞌa la yaidlane dunabudile ꞌinkꞌez ꞌilhiz huye khúna-i bughaꞌaih, whuz unꞌa za ooYeꞌ, mbene la bukaꞌ ninzunne, ꞌenne ꞌilhiz huye khúna-i bughaꞌaih.

John 5:25

Soo tsꞌihꞌun unꞌa nohdúsni, ndet la whuz de whúdizulh-un ꞌandit ꞌawet ꞌet néwhultsꞌut. ꞋAndit ꞌet ꞌawet yaidlane Yakꞌusda ooYeꞌ ooghuni hidutátsꞌo, ꞌinkꞌez mbene la yudántsꞌone, ꞌenne huhutinalh.

Romans 4:17

Yakꞌusda ooghuni ꞌukꞌéguz-i Yakꞌusda Abraham ndúyúlhni, “Dune lhelhdoh didohne butso whudilhdzulh-un nyuzúsi.” ꞋEt huwa Yakꞌusda Abraham lhelhdoh didohne butso whudilhdzulh-un unli yuba léꞌuntꞌoh. Yakꞌusda yutsꞌú hoozi-un ꞌaw lhuwhúsni ꞌuyulhni, ꞌet hoontsꞌi tsꞌihꞌun unꞌa ꞌuhooja kꞌunꞌa ooba ꞌálhaꞌ hoontꞌoh. Yakꞌusda ꞌen ꞌuntꞌoh ꞌen gha yaidláne cha za huhuna, ꞌinkꞌez ndai la ꞌuyínla-i musai be ꞌuyínla.

Ephesians 5:12

Neꞌhutꞌen-un, ꞌet hukwaya hoonli kꞌet, ꞌaw whulohkhun whunistꞌi be hoontsꞌi howu yatsꞌoolhduk ꞌaitꞌoh.