Luke 7:13 - Yak'usda Ooghuni

¹³ ꞋEt neMoodihti yanꞌen ꞌinkꞌez yugha teꞌninzin whe uyúlhni, “Intso iloh!”

Luke 7:13 Iomraidhean Croise

Mark 8:2

“Ndunne dune bughaꞌ teꞌnuszun. ꞋAwet tat dzin sulh ꞌúhitꞌen ꞌinkꞌez huyooꞌalh-i hooloh.

Luke 10:1

ꞋEt hukwꞌelhꞌaz neMoodihti lhtakꞌantꞌit whunizyane (70) ꞌutahábanla keyoh whuti totsuk nutiyalh-un, nane hinli whe dutso whe balhꞌaꞌ.

Luke 11:1

ꞋEt ꞌilhoh dzin, ꞌilhoghun Jesus tenadudli. ꞋEtsul ꞌudija whe ꞌilhoghun yugha hodulꞌeh-un ꞌuyulhni, “John yugha hodulꞌehne tenaduhudli whubodalhꞌeꞌ, nyun tenazdutidli-un whuneoodilhꞌeh.”

Luke 11:39

ꞋInkꞌez neMoodihti ꞌuyulhni, “Nohni Phariseene nohlusyet ꞌinkꞌez lubot bulh, ooka za tunáwhahgus. ꞋEt hoontsꞌi nohdzi yo whe dátni-i cha ꞌinkꞌez ꞌutꞌen ntsiꞌ-i bulh be nohyo tsꞌe whudizbun.

Luke 12:42

ꞋInkꞌez neMoodihti ꞌutni, “Kꞌus mbe tsꞌihꞌun ꞌuntꞌoh ꞌinkꞌez whunih-un unli whe yoh huwunli? ꞋEn oomoodih duyoh whumoodih yutilhtselh. ꞋEt neooduzuk de, ꞌet de la ꞌonghohne hitiꞌulh-i bugha náꞌtitꞌaih?

Luke 13:15

ꞋEt neMoodihti ꞌuyulhni, “Dune nalh duba naꞌudzooꞌ-un ꞌintꞌoh! ꞌalhaꞌ lawk ilohghun ꞌahli whe natsꞌulyis dzin nohmusdoos dune kꞌus nohmuyool te musdoos bayoh ꞌadultsiꞌ-un, kꞌunawhꞌuk ꞌinkꞌez too kꞌez toolhdlooh ꞌaitꞌoh?

Luke 17:5

ꞋInkꞌez whelꞌaꞌne neMoodihti ꞌuhuyulhni, “Be néba ꞌalha ꞌuhoontꞌoh-i, ꞌon nus ꞌultus neba ilhtsi.”

Luke 17:6

ꞋEt neMoodihti ꞌubulhni, “ꞋUkꞌenus ha níyeh maiꞌ nintsool-i, mustard huyulhni, ꞌet nohba ꞌalha ꞌuhoontꞌoh-un, ꞌet ꞌuwhulcho de, duchun ha níyeh-i, mulberry huyulhni, ꞌet oodulhkut, ‘Ndi duchun ooghih tubulh ha ílhchꞌoolh ꞌinkꞌez bun cho kꞌut ꞌet ꞌana nꞌaih.’ ꞋEt nohkꞌoh tsꞌe ooneh.

Luke 18:6

ꞋInkꞌez neMoodihti ꞌubulhni, “Ndun nahiyilh-un tsꞌihꞌun lheꞌitꞌoh-un, daja ni oozúlhtsꞌai.

Luke 19:8

ꞋEt hoontsꞌi Zacchaeus dudinya ꞌinkꞌez Moodihti ꞌuyulhni, “SMoodihti whunilhꞌen, ndai la ꞌustꞌi-i lhulcho telꞌenne gha sdle. ꞋInkꞌez mbene la bubeꞌ hoostsꞌitne, dit ꞌet ꞌuniltsuk-i butlꞌa násꞌalh.”

Luke 22:61

ꞋEt neMoodihti Peter tsꞌu nálhꞌa ꞌinkꞌez yunin tsꞌe yunalhꞌen. ꞋEt Peter ꞌaho neMoodihti yughuni yunalni daja yudaniꞌ inleꞌ whe ndúyulhni, “Lugok dune ꞌudutinelh whutso tat tꞌesunuzínzun dutanelh.”

Luke 24:3

ꞋEt dahúnindil ꞌinkꞌez Jesus oozi hooloh.

Luke 24:34

ꞌet dilhtsꞌine ꞌuhutni, “ꞋAlhaꞌ neMoodihti dunadija whe ꞌuntꞌoh! ꞋInkꞌez Simon yunalh be hóodiltsai!”

Luke 7:12

ꞋEt keyoh nanistlꞌoo ghu ti-un whenghoh nehúnindil whe dazsai-un hiduhidizkai. ꞋEt ooloo tsandilh, ꞌaw ꞌilhoghun za ooyeꞌ ꞌuntꞌoh. ꞋEt keyoh whutꞌenne lhane yulh údulh.

Luke 7:14

ꞋInkꞌez nezi chunkelh yughu ninya ꞌinkꞌez yutꞌaiznai. Yilhtelhne cha ꞌilhiz nehunindil. ꞋInkꞌez ꞌutni, “Chilh dune dudinyaih nyudúsni!”

Luke 7:19

ꞋInkꞌez nane ꞌanih ꞌubulhni ꞌinkꞌez Jesus tsꞌun whe balhꞌaꞌ huyoodutalhkut ha, “Nyun eh whusatíyalh-un inli, kꞌus ꞌuyoon tilah ka tsꞌitóꞌen?”

Luke 8:52

ꞋEt tsꞌiyanne tso yahalhduk ꞌinkꞌez hikꞌetedudli. ꞋEt Jesus ꞌubulhni, “ꞋAhtso iloh! ꞋAw dalhitsal nanisti whe ꞌuntꞌoh.”

John 11:2

Ndun Mary ꞌen ꞌuja ínleꞌ neMoodihti khe sooltsun-i be yuke tunásuguz ꞌinkꞌez dutsighaꞌ be yunaꞌalhde ínleꞌ. ꞋEn bulhutsin Lazarus ꞌen unduda.

John 11:3

Bulhtuske Jesus khuni hitsꞌó tlꞌa danꞌai, “NeMoodihti dune ookꞌensíꞌ-un, ꞌen unduda,” huyúlhni.

John 20:13

ꞋEt huyoodulhkut, “Tsꞌeke, di haꞌ dini intso?” ꞋEt ubúlhni, “SMoodihti ꞌutsꞌun whe húyalhti ꞌinkꞌez ntsꞌe suba ꞌahúyalhti ꞌaw tꞌéwhunuzúszun.”

John 20:15

ꞋEt Jesus ꞌuyulhni, “Tsꞌeke, ꞌet di ha intso? Mbe kunínta whe ꞌintꞌen?” ꞋEt Mary ꞌuninzun ha niyeh kꞌet huwunlí-un tole ꞌutꞌen, ꞌinkꞌez ꞌuyulhni, “Nyun ílhchoot ꞌinkꞌez ꞌutsꞌun wheílhti de, ntsꞌe nenilhti-un sudíni, ꞌet de si naóoschoot.”

John 4:1

ꞋEt Phariseene huyulh ꞌúdantsꞌo whe la ꞌuhutni, “Jesus ꞌen John anus lhane dune cha yugha hodulꞌehne suliꞌ, ꞌinkꞌez ꞌonus lhane too be ꞌúlhꞌen cha ꞌutꞌen,” hutni.

John 6:23

ꞋEt hoontsꞌi nyo ndet daꞌ neMoodihti Yakꞌusda tsꞌun lhes ba tenadidli ꞌinkꞌez dune tainínla huyooꞌalh-un wheni, ꞌet whuzih, ꞌet hukwꞌelhꞌaz ꞌuyoo tsꞌi cha Tiberias whuz de hainkat.

1 Corinthians 7:30

Mbe la ꞌukꞌenudlehne, ꞌaw ꞌukꞌelhnusdlene kꞌunꞌa ꞌuhintꞌoh. ꞋEt mbe la huhoontꞌiꞌne, ꞌaw lhuhootꞌiꞌne kꞌunꞌa ꞌuhintꞌoh. ꞋEt mbe la hoonli ooketne, ꞌaw buchꞌeꞌ lhiloh leꞌ hintꞌoh.

1 Thessalonians 4:13

ꞋEt sulhutsinke, ndunne ꞌudaꞌ nanistezne, ꞌenne bughun tꞌewhuntihzeh nohba hukwaꞌ nuszun. Ooba ꞌalhaꞌ lheꞌhootꞌohne ꞌaw buba whula nalhuhóoꞌoh hukwꞌunꞌa tsꞌodi hinli, doo ka si whuz unꞌa ndohtꞌeꞌ.

Hebrews 2:17

ꞋEt huwa dudulhutsinke kꞌunꞌa tsꞌiyantsuk whuz unꞌa dune kꞌunꞌa ꞌoolneh hubaꞌ hoontꞌoh. ꞋEnne buba lubret ꞌukꞌenus diztiꞌ-un tileh, ꞌet whe Yakꞌusda ooba bugha teꞌninzun ꞌinkꞌez ꞌaw bula dootnih ꞌaitꞌoh. ꞋEt whuz unꞌa Yakꞌusda ooba neꞌutꞌen. ꞋEt buba dazsai-un huwa lubeshi ꞌulhꞌenne Yakꞌusda buba ꞌun whutoolhdilh, ꞌet de soo cho buka naítatꞌelh.

Hebrews 4:15

Nelubret ꞌukꞌenus diztiꞌ-un, ꞌen be tetsꞌutsun-i, ꞌi bulh ꞌalhgoh negha teꞌninzun datsꞌintꞌoh la tꞌeooninzun. ꞋEn lubeshi yit ꞌuntꞌoh ꞌet hoontsꞌi ꞌen cha wheni nekꞌunꞌa tsꞌiyantsuk tankꞌus óoneh ha óoldzih inleꞌ.