Luke 7:12 - Yak'usda Ooghuni

¹² ꞋEt keyoh nanistlꞌoo ghu ti-un whenghoh nehúnindil whe dazsai-un hiduhidizkai. ꞋEt ooloo tsandilh, ꞌaw ꞌilhoghun za ooyeꞌ ꞌuntꞌoh. ꞋEt keyoh whutꞌenne lhane yulh údulh.

Luke 7:12 Iomraidhean Croise

Genesis 22:12

ꞋInkꞌez ꞌuyulhni, “Nyeꞌ ookꞌedolnih junih kꞌus hoonli ꞌonleꞌ junih! ꞋAndit tꞌeooniszin Yakꞌusda (Elohim) be niljut, nyeꞌ ꞌen hoontsꞌi oochꞌa lhuyoontun ꞌaw ꞌilhoghun nyeꞌ, si schꞌa lhoontun.”

Genesis 22:2

ꞋInkꞌez ꞌutni, “Nyeꞌ ilhchoot, nyeꞌ ꞌaw ꞌilhoghun Isaac ilhchoot ookꞌeintsiꞌ, ꞌinkꞌez yun kꞌut Moriah tsꞌe whuz ilhtelh. ꞋInkꞌez dolhkꞌun nyo dzulh nyudutasnelh-un, ꞌet si stsꞌun dolhkꞌun sih.”

Luke 7:11

ꞋEt ꞌom bun dzin Jesus keyoh Nain huwhutni-un, yugha hodulꞌehne bulh, ꞌinkꞌez lhanne yunidulhne cha huyulh whindil.

Luke 7:13

ꞋEt neMoodihti yanꞌen ꞌinkꞌez yugha teꞌninzin whe uyúlhni, “Intso iloh!”

Luke 8:42

ꞋIlhoghun za ootseꞌ, whunizyat ꞌon ꞌat nat be yus kꞌut atꞌen-un. ꞋEn ꞌawet datítsah. Jesus Jairus ooyoh tsꞌe yulh nátistꞌaz. ꞋEt ꞌilhozdilne lhane higha óozdil.

Luke 8:52

ꞋEt tsꞌiyanne tso yahalhduk ꞌinkꞌez hikꞌetedudli. ꞋEt Jesus ꞌubulhni, “ꞋAhtso iloh! ꞋAw dalhitsal nanisti whe ꞌuntꞌoh.”

John 11:19

Tube bube nghoh whuzꞌai ꞌet huwa lhane Lizwifne bughu nindil. Mary ꞌinkꞌez Martha bulh bubulhutsin dazsai ꞌet whe bunehúdoolhyaꞌ ha ꞌet huwa bugho nindil.

Acts 9:39

ꞋEt ꞌaho Peter lhadúja ꞌinkꞌez bubulh whenátꞌaz. Whuz oozya whe ndo huwhutꞌi dohyo tsꞌe, whuz whenya. Tsꞌiyawh tsandilhne higha óozdil, hutso whe nyoon tsꞌeke, Dorcas khuna daꞌ dzootꞌan ꞌinkꞌez dzoot te buba ꞌuyalhꞌen-i, hinalhtsꞌet nahúyule.

Acts 9:41

ꞋEt Peter yula ilhchoot ꞌinkꞌez didilhya. ꞋEt Yakꞌusda oochꞌeꞌne, tsandilhne tubulh, bukahizya ꞌinkꞌez khuna whe butlꞌa náyalhti.

James 1:27

ꞋEt tsꞌihꞌun ꞌuhoontꞌoh, ꞌinkꞌez ꞌalha ꞌuhoontꞌoh whe Yakꞌusda neBá, ꞌen ba néꞌtsꞌutꞌen-un, ꞌet njan dúhoontꞌoh: tsꞌunohne ꞌinkꞌez tsandilhne, ꞌenne dzoh nahudeh huwa buzih nutsꞌoodilh hubaꞌ hoontꞌoh bula tsꞌootꞌen ha. ꞋInkꞌez cha ndi yun kꞌut dawhútꞌen lubeshi ꞌulꞌen, ꞌet whuchꞌa khutsꞌoodleꞌ.