Luke 6:8 - Yak'usda Ooghuni

⁸ ꞋEt hoontsꞌi daja huninzun tꞌeooninzun. ꞋInkꞌez dune oola yunulheꞌustꞌen-un ꞌuyulhni, “Dudinyaih ꞌinkꞌez njan sinyin.” ꞋInka dudinya ꞌinkꞌez buniz neninya.

Luke 6:8 Iomraidhean Croise

Matthew 9:4

Daja huninzun Jesus tsꞌiyawh tꞌeooninzun. ꞋInka ꞌubulhni, “Di ha nohdzi yo ntsiꞌ-i ghu nuni nahdeh?

Mark 3:3

Jesus dune oola ka únli-un ꞌulhni, “Dunadindaih ꞌinkꞌez nus ínyalh!”

Luke 13:12

Jesus yunilhꞌen whe yuka huyih ꞌinkꞌez ꞌanih yulhni, ꞌinkꞌez ꞌuyulhni, “Tsꞌeke huwun dinda-un ꞌawet ntsꞌu hanahooltsꞌut.”

Luke 5:22

ꞋEt Jesus tꞌewhunínzun daja huninzun, ꞌinkꞌez ndúbulhni, “ꞋEt di ha nohdzi yo whe ꞌet ndunahzun?

Luke 6:9

ꞋInkꞌez Jesus ꞌubulhni, “ꞋIlhoghun hukwa nohoodutaskut. Natsꞌulyis-un dzin, ntsꞌenꞌa netlꞌa hóoltsꞌut, ꞌet tsꞌihꞌun unꞌa ꞌuztinelh, kꞌus hoontsiꞌ kꞌunꞌa ꞌuztinelh? Dune ye khuna-i uztilhyih kꞌus daztilhtsa?”

John 2:25

ꞋInkꞌez ꞌaw ꞌuyoonne dune dahíntꞌoh la ꞌet hidóniꞌ ꞌaítꞌoh, didutchꞌoh dunene dahíntꞌoh la tꞌewhunínzun ꞌet huwa.

John 21:17

Whulh tat yoodulhkut, “Simon Jonas ooyeꞌ ꞌalhaꞌ eh syadan inli?” ꞋEt Peter tube ooba dzoh suliꞌ, Jesus whulh tat-un yoodulhkut whe uyúlhni, “Syadan inli eh?” uyúlhni. ꞋEt Peter uyúlhni, “SMoodihti, nyunchꞌoh tsꞌiyantsuk tꞌéwhúnínzun. ꞋInkꞌez nyunchꞌoh tꞌéwhunínzun nyadan usdli.” ꞋEt doo cha Jesus uyúlhni, “Se ꞌusbaine bube ꞌilhꞌalh!

John 9:4

ꞋAwhuz dzenis hootꞌen whe, mbe la whuz de sútilhꞌaꞌ-un, ꞌen be ꞌutꞌen oosꞌen huba ꞌuhoontꞌoh. ꞋUlhdzis whusahóoltsꞌut ꞌinkꞌez tsalhgus yo suliꞌ de, ꞌaw dune ootꞌen ꞌaítꞌoh.

Acts 20:24

ꞋEt hoontsꞌi ꞌet ꞌantsꞌiꞌ ꞌuhoontꞌoh, ꞌinkꞌez si be khúsna-i cha sba ꞌantsꞌi unli, khun si ndi ꞌutꞌen sghaltsꞌút-i ꞌinkꞌez Jesus Christ neMoodihti ꞌutꞌen kꞌoh stlꞌa hónꞌai-un cha, hoonústꞌiꞌ whe lhaóodoosdleh khuni unzoo-i be Yakꞌusda ye únzoo-i ghun whúbunoostun ha.

Acts 26:26

Lerwe Agrippa soo tsꞌet whucho nyudúsni, nyunchꞌoh cha soo tꞌéooninzun hoonliyaz ntsꞌoh te neꞌwhustꞌen soo tsꞌiyawh nyunalh ꞌúhootꞌen, ꞌaw whunistꞌi whe ꞌet ndulhúhootꞌel.

Philippians 1:28

ꞋInkꞌez nohchꞌaz ditnine, ꞌenne bube noolhjut junih. ꞋEt ndahtꞌoh de, ꞌet soo tsꞌet whucho whúbunulhtun, ꞌenne musai tilehne ꞌuhintꞌoh. ꞋEt hoontsꞌi nohni dujihne ꞌahli. Yakꞌusda ꞌen nohbaꞌ hoonla.

Hebrews 4:13

ꞋInkꞌez ndai la ndi yun kꞌut ꞌutsꞌulhꞌen-i ꞌaw ꞌilhoghi Yakꞌusda oochꞌa ntistꞌi-i hooloh. Tsꞌiyantsuk whunilhꞌen, ꞌinkꞌez ꞌantsꞌi ꞌi kwꞌunꞌaꞌtizbal leꞌ ꞌuntꞌoh. Yakꞌusda ꞌen datsꞌitꞌen-un, ꞌet tsꞌiyawh uzdutánelh wheꞌ hoontꞌoh.

1 Peter 4:1

ꞋInka Christ, duyustꞌe ꞌi be neba dzoh nusuzut. ꞋEt huwa nohni cha noheni ulhtus oolhꞌeꞌ ookꞌunꞌa nuni noohzut. Mbene dichꞌoh duyustꞌe be dzoh nudehne, tsꞌiyawh lubeshi ꞌonidulh-un ꞌetsul ꞌuhuja ꞌet huwa.

Revelation 2:23

ꞋInkꞌez ndun tsꞌeke buzkeh cha ubutisghan. ꞋInkꞌez Yakꞌusda ba ꞌilhunaoodulhne, tsꞌiyawh tꞌehontázin, si ꞌustꞌoh dune bubeni toh ꞌinkꞌez budzi bet cha hoonli hukwꞌu nústa. ꞋInkꞌez ꞌilhughun ꞌahli whe nohꞌeꞌutꞌen kꞌoh huwa nohba ꞌukꞌelha whutiselh.