Luke 6:6 - Yak'usda Ooghuni

⁶ ꞋEt hukwꞌelhꞌaz ꞌon ꞌat natsꞌulyis dzin Lizwif lugliz daninya ꞌinkꞌez whubodulhꞌeh. ꞋIlhoghun dune ꞌen cha ꞌet usda. Oola nailhni tsꞌe ꞌaw yé nulheꞌustꞌen.

Luke 6:6 Iomraidhean Croise

Matthew 4:23

Galilee yun kꞌut Jesus ndulcho nuya whe Lizwifne bulugliz ꞌet bubulh yálhduk. Yakꞌuz kꞌuneꞌ whulꞌen-un, ꞌen ghun khuni unzoo-i be bubulh yálhduk. Dune toh mbe la ndudane ꞌinkꞌez ooyustꞌe tétsunne, tsꞌiyanne soo naꞌbulhꞌen.

Luke 13:10

ꞋEt dzin natsꞌulyis-un ꞌet ꞌilhoghun Lizwifne lugliz ꞌet whubodulhꞌeh.

Luke 14:3

ꞋInkꞌez Jesus Moses be ꞌudustlꞌus kꞌut, soo beni hoonli be yalhdukne, ꞌinkꞌez Phariseene cha ndubulhni, “ꞋEt neba tsꞌihꞌun ꞌuhoontꞌoh eh natsꞌulyis dzin dune soo naꞌtsꞌoolhꞌen?”

Luke 4:16

ꞋEt keyoh nizyai-un, Nazareth, whuz whinya. ꞋEt dzin dune nalyis-un dzin ꞌuhoontꞌoh, Lizwifne bulugliz whe nidudinya. ꞋEt whuz unꞌa dichꞌoh be ꞌutꞌen kꞌoh ꞌuhoontꞌoh. ꞋInkꞌez buba ꞌukꞌu yatilhduk ha dudinya.

Luke 4:31

ꞋEt Galilee yun kꞌut ꞌet keyoh Capernaum whuzꞌai tsꞌe whinya. Natsꞌulyis dzin totsuk whubodulhꞌeh.

Luke 6:1

ꞋEt whulh nat dune nalyis dzin. ꞋUdechoo-un hukwꞌelhꞌaz, whe Jesus ꞌinkꞌez higha hodulꞌehne bulh tlꞌo kꞌut ꞌoh whuya hidulh whe, tlꞌo maiꞌ huhoonuyin. ꞋInkꞌez dula kꞌet hinulhguk ꞌinkꞌez huyaꞌalh.

Luke 6:5

ꞋInkꞌez Jesus ꞌubulhni, “Yinka Dune Yeꞌ, ꞌen natsꞌulyis dzin, ꞌet cha huMoodihti unli whe ꞌuntꞌoh.”

John 5:3

Nyo bun tsilh tꞌah ꞌet tube lhane ndudane ꞌet husdla. Whulohne hoos̱ꞌenne, ꞌinkꞌez whulohne bodinꞌaíne, ꞌinkꞌez whulohne cha délhdusnine. ꞋEnne ndi too nótitnah-un, ꞌet huba hilhꞌih.

John 9:16

ꞋEt ndunne Phariseene whulohne ꞌuhutni, “Ndun dune ooghu yailhdúk-un, ꞌen ꞌaw Yakꞌusda ootsꞌu haínya-un iloh ꞌuntꞌoh. ꞋAw natsꞌulyis dzin hukwꞌu nulheꞌustꞌen ꞌet huwa.” ꞋEt ꞌuyoonne cha ꞌuhutni, “Ntsꞌenꞌa ꞌuwhutátꞌelh, ꞌaw lubeshi ꞌulhꞌen-un, ꞌen huwa ꞌítꞌen túneꞌ óotꞌen ꞌaítꞌoh!” ꞋEt huwun lhchꞌa nehudindil.