Luke 6:49 - Yak'usda Ooghuni

⁴⁹ ꞋEt hoontsꞌi mbe sghuni yoozilhtsꞌaine ꞌinkꞌez ꞌaw hikꞌu nulheꞌustꞌen de, njan nduhintꞌoh. Dune yun kꞌut yoh ꞌuhoonla. ꞋInkꞌez yoh ookꞌu whuzꞌai-i ꞌaw lheꞌílel. Ninli ulhtus-i yoh whutꞌaiznai whe ꞌaho naóonitꞌai. Tube wheóonujut whe yoh nintaꞌwhutatꞌelh.”

Luke 6:49 Iomraidhean Croise

Matthew 23:3

ꞋEt huwa khuni hiye nohbulh yalhduk-i, tsꞌiyawh hólhchoot ꞌinkꞌez bukꞌúneꞌ oohtꞌen. ꞋEt hoontsꞌi khun bukꞌunꞌa neꞌóohtꞌen junih. Daja hutni-un, ꞌoh te nulhéꞌhustꞌen ꞌet huwa.

Matthew 24:10

ꞋInkꞌez ꞌet lhane buba dzoh tileh, ꞌinkꞌez nohnichꞌoh nohtoh lhgha ha whútilhyeh ꞌinkꞌez lhtsꞌu dutihtni.

Mark 4:17

ꞋEt hoontsꞌi ꞌaw bughih hooloh leꞌ hintꞌoh. ꞋEt huwa ꞌatsulyaz za buba ꞌalha ꞌuhoontꞌoh. ꞋInkꞌez ndi khuni ꞌi gha dzoh nuhudeh ꞌinkꞌez ꞌonghohne buchꞌaz huditni. ꞋEt huwa ꞌaho ndi khuni hila dutnih.

Luke 12:47

ꞋInkꞌez mbe ꞌulhna-un oomoodih ndet yutsꞌu hukwaꞌ ninzun-un, tsꞌiyawh tꞌeooninzun, ꞌet hoontsꞌi ꞌaw wheni lhálhditꞌoh ꞌinkꞌez yukꞌunulheꞌustꞌen, ꞌet huwa lhat whe ootaltsus.

Luke 19:14

ꞋEt hoontsꞌi bulh keyoh whutꞌenne hika lheꞌnizun. ꞋInka whinya hukwꞌelhꞌaz keyoh whuduneꞌne, ꞌenne whulohne, keyoh whunat whuz whe bahalhꞌaꞌ hiba dóniꞌ ha, ‘ꞋAw ndun dune nelerwe ooleꞌ hukwa lheꞌuznízun,’ hutni.

Luke 19:27

ꞋEt ndunne schꞌaz ditnine, ska lheꞌhunízun whe bulerwe tisdleh, whusábahle ꞌinkꞌez sbut ꞌet bubahghan.’”

Luke 6:46

“ꞋInkꞌez di ha ‘SMoodihti, sMoodihti,’ sudahni, ꞌinkꞌez daja nohdusni la, ꞌaw húkwꞌu nulheꞌzahtꞌen?

Luke 6:48

Ndiz whuz unꞌa ꞌet duhintꞌoh. Dune yoh ꞌuwhutilelh whe, yoo yo cho ha hónkai ꞌinkꞌez yoh ookꞌu whuzꞌai-i tse kꞌut newhútaꞌalh, dudatilhtꞌo de, ꞌet ninli ulhtus-i yoh whutꞌaiznai, ꞌet hoontsꞌi yoh ꞌaw dalhuhoonel. Tse kꞌut neooninꞌai ꞌet huwa.

Luke 7:1

ꞋEt dune Jesus yoozilhtsꞌaine ndet huwun ubúlhni-un, tsꞌiyawh lhaoodinla. ꞋInkꞌez keyoh Capernaum tsꞌe oozya.

John 15:2

Mbene la si sgha ꞌuzuschum unline, bumaiꞌ hooloh de, ꞌi ꞌuzooschum butsꞌu haídule. ꞋInkꞌez mbene la bumaiꞌ lhai de, ndai la ꞌutsiꞌ-i bughu wheyoonli-i, ꞌi ꞌet de la ꞌon nus bumaiꞌ lhai ooleꞌ.

Acts 20:29

Tꞌéoonúszun whenásja de, dune untsiꞌne, yus huske-i kꞌunꞌa ꞌuntꞌohne, ꞌenne nohtoh nehútidulh, ꞌinkꞌez nohóduntálhdah, ꞌinkꞌez ꞌaw nohghaꞌ holeꞌ ꞌaitꞌoh.

Acts 26:11

Si ꞌudusni huwa lugliz totsuk dune dzoh nubuhulhdeh Jesus Christ hichꞌaz naóolꞌah hukwaꞌ busꞌen. Whuz tube bubulh húnuzchꞌoh kꞌet nilhdzaꞌ keyoh hoontsꞌi bubúnunúsya dzoh nubutisdzut ha.”

1 Thessalonians 3:5

ꞋEt huwa si cha ꞌaw ꞌon ꞌun whulh óosyin ꞌaitꞌoh. ꞋEt huwa Timothy, ꞌen nohtsꞌu whesꞌaꞌ whe be ꞌalha ꞌuhoontꞌoh-i ghun dahtꞌoh tsꞌiyawh neba nahootaꞌalh. Doo ka si mbe la neóolhdzih-un, nohni cha tilah nohóolhdzai de, ꞌet de ne-eꞌutꞌen ꞌantsꞌet ꞌutitꞌelh.

2 Peter 2:20

ꞋEt neMoodihti ꞌinkꞌez neulhyis-un Jesus Christ, ꞌen soo tsꞌihꞌun highu tꞌewhunínzun, ꞌi be ndi yun kꞌut hoontsiꞌ-un, ꞌet tsꞌiyawh whuchꞌa hudujih de, ꞌinkꞌez doo cha za buchꞌaꞌ ninde, ꞌinkꞌez ntsiꞌne butanahandil de, ꞌet de whutsodaꞌ Yakꞌusda tꞌehunuszun daꞌ, dahítꞌen la, ꞌet whanus buba hotátsiꞌ tileh.

1 John 2:19

Netsꞌu ha hándil wheꞌ hintꞌoh ꞌet hoontsꞌi ꞌaw nebulh didowhne iloh ꞌuhintꞌoh. Nebulh didowhne ꞌuhintꞌoh de, nebulh za da ꞌuhootꞌeꞌ ooleꞌ. ꞋEt hoontsꞌi whehandil ꞌet huwa la tsꞌiyanne tꞌebunózin ꞌaw nebulh didowhne lhuhíloh.