Luke 6:48 - Yak'usda Ooghuni

⁴⁸ Ndiz whuz unꞌa ꞌet duhintꞌoh. Dune yoh ꞌuwhutilelh whe, yoo yo cho ha hónkai ꞌinkꞌez yoh ookꞌu whuzꞌai-i tse kꞌut newhútaꞌalh, dudatilhtꞌo de, ꞌet ninli ulhtus-i yoh whutꞌaiznai, ꞌet hoontsꞌi yoh ꞌaw dalhuhoonel. Tse kꞌut neooninꞌai ꞌet huwa.

Luke 6:48 Iomraidhean Croise

Luke 6:47

Mbene la stsꞌun túyaih ꞌinkꞌez soo zilhtsꞌai ꞌinkꞌez hukwꞌú neꞌutꞌenne, ꞌet mbe ndahultoꞌ whunóhuntistun.

Luke 6:49

ꞋEt hoontsꞌi mbe sghuni yoozilhtsꞌaine ꞌinkꞌez ꞌaw hikꞌu nulheꞌustꞌen de, njan nduhintꞌoh. Dune yun kꞌut yoh ꞌuhoonla. ꞋInkꞌez yoh ookꞌu whuzꞌai-i ꞌaw lheꞌílel. Ninli ulhtus-i yoh whutꞌaiznai whe ꞌaho naóonitꞌai. Tube wheóonujut whe yoh nintaꞌwhutatꞌelh.”

John 16:33

ꞋAndit njan ꞌet huwun ndi khuni ꞌi be nohbulh yásduk, daja nohdásniꞌ la, ꞌet huwa la be nedzi be dizghel-i oohtꞌeꞌ. Ndi yun kꞌut nohehútizilalh, ꞌet hoontsꞌi hóhtꞌeꞌ, ndi yun kꞌut humoodih ꞌinkꞌez be ꞌutꞌen kꞌoh cha, tsꞌiyawh oochꞌaꞌ nus de ꞌet huwa.”

Acts 14:22

Yugha hodulꞌehne soo budzi ulhtus whe ndet la buba ꞌalha ꞌuhoontꞌoh-un whulh hóoyin bubuhulhtsi. “Lhat-un whe dzoh nutsꞌudeh de, ꞌaw ꞌet de za ntsꞌe Yakꞌusda whe lerwe unli-un dáztidulh,” hutni whe whubuhodulhꞌeh.

Ephesians 2:20

Nohni Yakꞌusda ooyoh léꞌahtꞌoh. Whelꞌaꞌne ꞌinkꞌez Yakꞌusda be nus hooꞌenne, tsꞌiyawh yoh ookꞌu whuzꞌaine hinli. ꞋInkꞌez nohni whunohodalhꞌeꞌ, ꞌet huwa bubulh ꞌáhtꞌoh. Christ ꞌen dichꞌoh ꞌukꞌenus tse yoh ookꞌu whuzꞌai-un unli whe ꞌuntꞌoh.

2 Timothy 2:19

ꞋEt hoontsꞌi Yakꞌusda ooyoh ookꞌu whuzꞌai-i whudutsꞌo. ꞋAw gak hóleꞌ ꞌaitꞌoh. ꞋI kꞌut khuni ꞌukꞌeyánguz-i ndutni, “Mbene la neMoodihti oochꞌeꞌ unline, ꞌenne tsꞌiyawh tꞌebunínzun.” ꞋInkꞌez cha, “Mbene la ꞌuhutni, Christ ooduneꞌne tsinli de, ꞌenne ꞌutꞌen ꞌutsiꞌ-i tsꞌu níntꞌine, ꞌet ndoohoontꞌoh-un, ꞌet tsꞌiyawh whuchꞌaz náhoolyeh.”

2 Peter 1:10

ꞋInka sulhutsinke nohdzi ndulcho-i be ꞌinkꞌez ꞌon ꞌun cha, ꞌet ntsꞌenꞌa la dutihjih ha nohkaꞌ daniꞌ, ꞌinkꞌez ꞌutahalyane ꞌahli soo tsꞌihꞌun unꞌa njan ꞌet whunaoodoolhnoh junih. ꞋEt ndi tsꞌiyawh ꞌi be whuz unꞌa ndahtꞌen de, ꞌet de ꞌaw ntoohghalh ꞌaitꞌoh.

1 John 2:28

Suzkehkeyaz ndun ꞌen za bulh óohtꞌeꞌ. ꞋEt whe la nohnalhtsꞌet hainya de, ꞌinkꞌez whusanája de, nedzi ulhtus unli ꞌinkꞌez ꞌaw hoonli hukwaya lhtsꞌiloh whe la oobut núzdolyaꞌ.

Jude 1:24

ꞋEt ꞌawet mbe Yakꞌusda chꞌaz natilꞌahne whuchꞌa nohghundli-un, ꞌinkꞌez ootsꞌu ha yánduz-i zih nenóhtalelh, ꞌaw be ꞌukꞌehóotaltsꞌulh-i yit. ꞋEt soo ꞌukꞌenus hóontꞌiꞌ whe whuz unꞌa nohba ꞌuwhutilelh.