Luke 6:47 - Yak'usda Ooghuni

⁴⁷ Mbene la stsꞌun túyaih ꞌinkꞌez soo zilhtsꞌai ꞌinkꞌez hukwꞌú neꞌutꞌenne, ꞌet mbe ndahultoꞌ whunóhuntistun.

Luke 6:47 Iomraidhean Croise

Matthew 12:50

ꞋEt huwa sBá ꞌen yakꞌuz usda, yukꞌuneꞌ ꞌutꞌen-un, ꞌen sulhutsin, sulhtus, ꞌinkꞌez sloo ꞌuhintꞌoh!”

Matthew 17:5

Peter yalhduk whe khuntsul kwꞌus be tidatꞌen-i bukꞌeinde. Kwꞌus toh tsꞌe khuntsul ꞌuwhutni, “Ndun sYeꞌ soo ookꞌesiꞌ-un ꞌuntꞌoh. ꞋEn bulh hóonustꞌiꞌ. ꞋEn oozúlhtsꞌai!”

Luke 11:28

ꞋEt hoontsꞌi Jesus ꞌuyulhni, “ꞋEt ꞌon nus hooncha-un ꞌuhoontꞌoh, mbe Yakꞌusda ooghuni yuditsꞌone ꞌinkꞌez yoontunne, ꞌukꞌenus hoonzoo-un bubulh ꞌuhooja!”

Luke 14:26

“Mbe la stsꞌu tiyalh seꞌ ꞌutꞌen kꞌoh ꞌuwhutilhꞌelh-un whe dubá ꞌinkꞌez duloo, duꞌat cha, ꞌinkꞌez duzkeh, dulhutsinke, ꞌinkꞌez dulhtuske, ꞌalhaꞌ dichꞌoh whe yinka usda-un cha, ndi njan tsꞌiyawh hukwa lheꞌhunizun de, ꞌen ꞌaw sgha hodilꞌeꞌ-un ooleꞌ ꞌaitꞌoh.

Luke 6:48

Ndiz whuz unꞌa ꞌet duhintꞌoh. Dune yoh ꞌuwhutilelh whe, yoo yo cho ha hónkai ꞌinkꞌez yoh ookꞌu whuzꞌai-i tse kꞌut newhútaꞌalh, dudatilhtꞌo de, ꞌet ninli ulhtus-i yoh whutꞌaiznai, ꞌet hoontsꞌi yoh ꞌaw dalhuhoonel. Tse kꞌut neooninꞌai ꞌet huwa.

Luke 8:13

Ndai la tse toh nanánkat-i leꞌ ꞌuntꞌohne hoditsꞌo ꞌinkꞌez huhóontꞌiꞌ whe khuni huyilhchuk. ꞋEt hoontsꞌi ꞌaw bughih hooloh. ꞋEt huwa ꞌatsulyaz buba ꞌalha ꞌuhoontꞌoh. ꞋEt ꞌaho bé tankꞌus uznintꞌi-i, ꞌi be tinchꞌu nahuskat, ꞌenne ꞌuhintꞌoh.

Luke 8:8

ꞋEt ꞌonghoh-i yun unzoo-i kꞌut nanánkat, ꞌinkꞌez há nuski. Oomaiꞌ ꞌi lhanꞌun te lhai suliꞌ whunizyat whunizyai ꞌet ꞌultsuk suliꞌ.” ꞋEt hukwꞌelhꞌaz ꞌet tube cho ꞌubulhni, “Mbe la oodzeh hoonline hidotso!”

John 10:27

Seꞌ ꞌusbaine tꞌébunúszun. Sghuni hiditsꞌo ꞌinkꞌez sunónudilh.

John 13:17

ꞋEt noheni be tꞌéwhunáhzun de daja nohdásniꞌ, ꞌinkꞌez danóhusdla la, ꞌet nohni cha whuz unꞌa ꞌahtꞌen de, ꞌet de tube hootáhtꞌeꞌ.

John 14:15

Nohni skꞌehsiꞌ de, ndi khuni nohtlꞌa dísdla-i ookꞌuneꞌ ꞌoohtꞌen.

John 5:40

Si sgha la ꞌilhiz ooleꞌ huye khúna-i oohtꞌeꞌ, ꞌet hoontsꞌi ꞌaw stsꞌu tóohdilh hukwa lheꞌnáhzun.

John 6:35

ꞋEt Jesus ubúlhni, “Si ꞌustꞌoh ndi lhes ndai la dune yugha khúna-i usdli. Mbe la sghu yaih-un, ꞌen ꞌaw ꞌilhiz wheni ooyeꞌóoltsꞌilh ꞌaítꞌoh, ꞌinkꞌez mbe la si ooba ꞌalhaꞌ ꞌustꞌoh-un, ꞌaw ꞌilhiz wheni taꞌódaꞌ ꞌaítꞌoh.

John 6:37

Tsꞌiyanne sBá sgha bunínlane, ꞌenne la stsꞌun hútoodilh, ꞌinkꞌez mbe la sghu yaih-un, ꞌaw oochꞌaz naóozꞌah ꞌaítꞌoh.

John 8:52

ꞋEt Lizwifne ꞌuhuyúlhni, “ꞋAndit ꞌawet tꞌétsꞌonínzun ntsiꞌ-i nudúdeh-i nyudínda! Abraham ꞌinkꞌez nus hóoꞌenne yahadla, ꞌet hoontsꞌi ꞌunedíni, mbene la nghuni yoontúnne, ꞌaw dahóotsah ꞌaítꞌoh díni.

Hebrews 5:9

ꞋInkꞌez tsꞌihꞌun ꞌulya-un suliꞌ. ꞋInka mbene yukꞌúneꞌ ꞌutꞌenne, ꞌenne ꞌilhiz wheni hudujis-un, ꞌet bugha óoninꞌai.

James 4:17

ꞋEt huwa mbe tꞌehoninzun tsꞌihꞌun unꞌa neꞌhootꞌen hubaꞌ hoontꞌoh, ꞌinkꞌez ndulhúhustꞌen de, ꞌet de ooba lubeshi ꞌuhoontꞌoh.

1 Peter 2:4

Jesus ꞌen tse khuna-i ndultꞌoh. Lizwifne, ꞌenne lhane ꞌun hitizno leꞌ huja. ꞋEt hoontsꞌi Yakꞌusda ꞌutahayálhti-un ꞌinkꞌez ꞌen tube diztiꞌ whe ꞌuntꞌoh. ꞋEn za ootsꞌu tóohdilh.

2 Peter 1:10

ꞋInka sulhutsinke nohdzi ndulcho-i be ꞌinkꞌez ꞌon ꞌun cha, ꞌet ntsꞌenꞌa la dutihjih ha nohkaꞌ daniꞌ, ꞌinkꞌez ꞌutahalyane ꞌahli soo tsꞌihꞌun unꞌa njan ꞌet whunaoodoolhnoh junih. ꞋEt ndi tsꞌiyawh ꞌi be whuz unꞌa ndahtꞌen de, ꞌet de ꞌaw ntoohghalh ꞌaitꞌoh.

1 John 2:29

ꞋEn tsꞌihꞌun unꞌa ꞌuntꞌoh tꞌeoonáhzun de, tꞌeoonahzun mbene la tsꞌihꞌun neꞌútꞌenne ꞌenne Yakꞌusda yé ulhtus-i be huwhuzdli wheꞌ hintꞌoh.

1 John 3:7

Tsꞌoodunneyaz ꞌuyoon nanohnooꞌah junih. Mbe la tsꞌihꞌun neꞌutꞌen-un, ꞌen tsꞌihꞌun ꞌuntꞌoh. Dantꞌoh la Jesus Christ tsꞌihꞌun ꞌuntꞌoh, whuz unꞌa nduntꞌoh whé ꞌuntꞌoh.

Revelation 22:14

Mbene la yughuni kꞌuneꞌ ꞌutꞌenne, ꞌenne ꞌukꞌenus hoonzoo-un bugha whútaltsꞌulh. Ndi duchun oogha khútna-i, ꞌinkꞌez njan keyoh whuti whudati-un dahútidulh-un, ꞌenne za bughá whuntꞌai wheꞌ hoontꞌoh.