Luke 6:45 - Yak'usda Ooghuni

⁴⁵ Dune unzoo-un unzoo-i dudzi yo hoonli-i, ꞌi gha khuni unzoo-i be yalhduk. ꞋInkꞌez dune unsiꞌ-un untsiꞌ-i oodzi yo hoonli-i, ꞌi be khuni untsiꞌ-i be yalhduk. Dune di la oodzi yo be whudizbun, ꞌi be yaoolhduk.”

Luke 6:45 Iomraidhean Croise

John 7:38

Mbe la si ooba ꞌalhaꞌ ꞌustꞌohne, Yakꞌusda ooghuni ꞌukꞌu nusguz-i ndutni, ‘Too, ꞌi ꞌilhiz wheni be tsꞌúkhuna-i, ꞌenne ootsꞌu haítili,’” ubúlhni.

Acts 5:3

ꞋEt Peter uyúlhni, “ꞋEt di ha Satan ookꞌúneꞌ tantꞌen hukwaꞌ nizun? ꞋInkꞌez lheꞌdini sooniya ooloh ílhchoot ꞌinkꞌez Ndoni tsꞌun hontsꞌit?

Ephesians 3:8

Si hoontsꞌi, Yakꞌusda oochꞌeꞌne buba nyo ꞌuntꞌohne, ꞌenne buba nyo ꞌustꞌoh hukwꞌunꞌa ꞌududuzdzun. ꞋEt hoontsꞌi ndi Yakꞌusda ye unzoo-un, ꞌet sghá whultsꞌut. ꞋEt ꞌi be ꞌudun yun kꞌut whutꞌenne, khuni unzoo-i be ndúwhulcho budutásnelh. Christ Ye diztiꞌ-i hooncha kꞌet, ꞌaw whula toh hooloh, ꞌet huwun budutásnelh.

Ephesians 4:29

Khuni ntsiꞌ-i be yaoolhduk junih. ꞋEt khuni unzoo-i hiye yalhduk-i, ꞌi be ꞌon nus hilhtus hutileh, ꞌi be yalhduk. ꞋEt de la mbene la nohoozílhtsꞌaine, ꞌenne buba hootázooꞌ.

Ephesians 5:19

Yakꞌusda ooghuni be ꞌahjun. Shun teniꞌ ꞌuznilhzun-i, be cha ꞌahjun, ꞌinkꞌez Ndoni shun be ꞌahjun. Nohdzi yo whe nohMoodihti shun be dúlhtiꞌ, ꞌet whuz unꞌa lhulh yalhduk.

Colossians 3:16

Christ ooghuni be whutnih-i cha soo cho nohdzi yo hóleꞌ. Yakꞌusda ooghuni be ꞌahjun. Shun be teniꞌ uznilhdzun-i cha. ꞋEt Ndoni be ꞌahjun. Whulhodulhꞌeh ꞌinkꞌez lhgha dáhtni. Be hoonzoo-i, ꞌi be nohdzi yo hóleꞌ, ꞌinkꞌez neMoodihti tsꞌun ꞌahjun.

Colossians 4:6

ꞋAhoolhyiz nohghuni unzoo-i be bubulh yaoolhduk. ꞋEt huwa tꞌeoonóhzin buba hootazooꞌ kꞌunꞌa, ꞌet ꞌilhoghun hinli whe bubulh yátilhduk.

Hebrews 8:10

ꞋInkꞌez hukwꞌelhꞌaz Israel buzkehke ꞌandidi-i, ꞌi khuni buba lhaídutisdle. Nus de, ni neMoodihti, sghuni bubeni táwhudutasdlelh, ꞌinkꞌez budzi kꞌut cha ꞌukꞌehóotasgus. ꞋInkꞌez si buYakꞌusda tisdleh, ꞌinkꞌez ꞌenne sduneꞌne hutileh.

Jude 1:15

Nyoonne Yakꞌusda yit ꞌuntꞌohne, ꞌenne tsꞌiyawh buba nahutiyeh. ꞋEnne Yakꞌusda yit ꞌuntꞌohne, dahoontꞌoh hukwꞌunꞌa Yakꞌusda chꞌaz neꞌustꞌenne whuz unꞌa bukꞌehóotaꞌalh. ꞋEt ndunne Yakꞌusda yit ꞌuntꞌohne, ꞌenne lubeshi ꞌulhꞌenne ꞌuhintꞌoh. Ntsꞌenꞌa khuni dutsꞌun-i be hidulhyoh yahalhduk, ꞌet whuz unꞌa buba nahutiyeh!”