Luke 6:42 - Yak'usda Ooghuni

⁴² Ntsꞌenꞌa nyulhutsin ꞌudutanelh, ‘Sulhutsin nyo tsunyaz nyuna kꞌet ha náoosalh.’ Nyunchꞌoh duchun cho nyuna kꞌet diztan-i ꞌaw lhuzanꞌen. Nyunchꞌoh duba naꞌindzooꞌ! ꞋUdechoo duchun cho nyuna kꞌehanadintih. ꞋEt de la soo hónꞌen whe nyulhutsin oona kꞌet yuzꞌai ꞌi oona kꞌéhanaiyonꞌalh.”

Luke 6:42 Iomraidhean Croise

Matthew 26:75

ꞋEt Jesus daja ni la Peter whunalni whe yudaniꞌ, “Lugok dune ꞌudutinelh whutso, tat ꞌaw tꞌesunuzinzun dutanelh.” ꞋEt ꞌaz whe naja ꞌinkꞌez tube cho howintse.

Matthew 7:3

Di ha nyulhutsin lhusyaz oona kꞌet diztan, ꞌi nilhꞌen, ꞌet hoontsꞌi ꞌaw tꞌeoonuzinzun nyunchꞌoh duchun cho nyuna kꞌet diztan?

Matthew 7:4

Ntsꞌenꞌa nyulhutsin ꞌudutánelh, ‘Nyuna kꞌeltsꞌut-i nyuna kꞌehanaóosꞌalh,’ ꞌinkꞌez nyunchꞌoh lhelcho-i nyuna kꞌet ꞌusꞌai-i ꞌaw lhnílhꞌen?

Luke 13:15

ꞋEt neMoodihti ꞌuyulhni, “Dune nalh duba naꞌudzooꞌ-un ꞌintꞌoh! ꞌalhaꞌ lawk ilohghun ꞌahli whe natsꞌulyis dzin nohmusdoos dune kꞌus nohmuyool te musdoos bayoh ꞌadultsiꞌ-un, kꞌunawhꞌuk ꞌinkꞌez too kꞌez toolhdlooh ꞌaitꞌoh?

Luke 22:32

ꞋEt hoontsꞌi mba tenadisdli whe mba ꞌalhaꞌ ꞌustꞌoh-un, ꞌet ꞌaw nla kꞌéha hooltsꞌit ꞌaitꞌoh. ꞋInkꞌez ndet la stsꞌu naóozinja de, nyulhutsinke hilhtus ubolhtselh.”

Luke 6:41

ꞋEt di ha nyulhutsin lhezyaz oona kꞌet uslai, ꞌi nilhꞌen, ꞌet hoontsꞌi ꞌaw tꞌeoonuzinzun nyunchꞌoh duchun cho nyuna kꞌet diztan?

Luke 6:43

“ꞋEt duchun dinzoo-i ꞌaw mai ꞌutsiꞌ-i ooghu nootꞌai ꞌaitꞌoh. ꞋAw duchun dintsiꞌ-i mai unzoo-i ooghu nootꞌai ꞌaitꞌoh.

Acts 13:10

ꞌinkꞌez uyúlhni, “Netsudule ooyeꞌ, ndai la unzoo-i tsꞌiyawh oochꞌaz dintni. Soo hoontsiꞌ whe dune naninꞌah tsꞌiyawh hoontꞌi, Yakꞌusda ooghuni ꞌi cha whutsꞌit khuni naoolhtselh hukwaꞌ ꞌilhꞌen.

Acts 2:38

ꞋEt Peter ꞌubulhni, “ꞋIlhone ꞌahli whe lhtꞌananahdilh ꞌinkꞌez Jesus Christ booziꞌ gha too be ꞌúlhneh. ꞋEt nohlubeshi nohunaoodeh ꞌinkꞌez la Ndoni nohyudóoltsꞌit.

Acts 8:21

Ndi neꞌutꞌen ꞌaw nelaꞌolhꞌen huba lheꞌíntꞌoh ꞌinkꞌez Yakꞌusda nalh ꞌaw ndzi tsꞌihꞌun lheꞌítꞌoh ꞌet huwa, ꞌaw netsꞌúlh dintni cha ꞌintꞌoh.

Romans 2:1

ꞋEt nyun ndi ꞌudustlꞌus kꞌuyailhduk soo cho dintsꞌo? Kꞌus mbe nohtoh dudulh dune ghu yalhduk-un tankꞌus ꞌúhutꞌen huwun, ꞌet nyunchꞌoh cha ꞌalha tankꞌus ꞌutꞌen. ꞋEt nyunchꞌoh cha khúyanalduk whe ꞌutni. Nyunchꞌoh cha whuz unꞌa za neꞌutꞌen.

2 Corinthians 5:18

Tsꞌiyawh Yakꞌusda tsꞌun hakat. Jesus Christ ꞌen gha tsꞌun nenánedilya. ꞋInkꞌez dune tsꞌun nenánedilya-un, ꞌet huwun dune bulh yáztilhduk, ꞌet Yakꞌusda negha óoninꞌai.

2 Timothy 2:21

ꞋEt huwa mbe dichꞌoh lubeshi ꞌuchꞌaz nálhꞌa de, ꞌet de duMoodihti ba ꞌuduneꞌududulti ꞌinkꞌez ooMoodihti yeꞌ titꞌelh, ꞌutꞌen unzoo-i tsꞌiyawh yeni lhadíntꞌoh whe ꞌuntꞌoh.

2 Peter 1:9

Mbe ndowhi lhuyitꞌiꞌne nilhdukwyaz za kꞌet ꞌaw lhuhoos̱ꞌen. Ndi njan dulhúhustꞌen de, ꞌenne nilhdukwyaz za húhooꞌen leꞌ hintꞌoh. ꞋInkꞌez niz dakꞌez bulubeshi ꞌuhuyalhꞌen-i, ꞌudaꞌ Yakꞌusda tsꞌiyawh bubunayalhde inleꞌ, ꞌet whunahodilhnoh.