Luke 6:35 - Yak'usda Ooghuni

³⁵ ꞋEt hoontsꞌi nohchꞌaz ditnine bukꞌeoohsiꞌ, ꞌinkꞌez soo neꞌboolhꞌen. Bughe ꞌoolhlaꞌ ꞌinkꞌez hoonli nohtlꞌunátiltsꞌulh hukwa tse hólhleꞌ junih. ꞋInkꞌez hooncha whe nohba kꞌelha whutaleh. ꞋEt mbe la yakꞌuz soo ꞌudedo ꞌuntꞌoh-un, ꞌen ooyeꞌke tihleh. ꞋAlhaꞌ mbene la musi lhdusnine ꞌinkꞌez ntsiꞌne cha, tsꞌiyawh butsꞌun unzoo.

Luke 6:35 Iomraidhean Croise

Matthew 5:9

Mbe la tsꞌihꞌun lhtsꞌun ꞌuhootꞌeꞌne, ꞌenne Yakꞌusda buzkeh ubodutánelh. ꞋEnne ꞌukꞌenus hoonzoo-un bughá whultsꞌut.

Mark 5:7

ꞌinkꞌez soo ꞌultus-un ꞌaldzul whe ꞌutni, “Jesus, Yakꞌusda ꞌukꞌenus diztiꞌ-un ooYeꞌ, ndet stsꞌu húkwaꞌ ninzun. Yakꞌusda ꞌintꞌoh ꞌinka ntsꞌu tédusdlih dzoh nusílhdzut iloh.”

Luke 1:32

ꞋEn ncha-un tileh. ꞋEn ꞌuhidutanelh soo ꞌudedo-un ooYeꞌ tileh. ꞋInkꞌez Yakꞌusda neMoodihti David ootsodaꞌ-un, yukꞌedinda-i ꞌindaꞌ-un, ꞌet yutlꞌa óotiꞌalh.

Luke 6:36

ꞋInka nohBá ntsꞌenꞌa la teꞌninzun, nohni cha whuz unꞌa za teꞌnoohzin.”

John 13:35

Ndi be lhkꞌetsꞌusiꞌ-i nohtoh hoonli de, ꞌi gha la sgha hodulꞌehne ꞌahli tsꞌiyanne tꞌéhonózin.”

John 15:8

ꞋInkꞌez mai lhai nohtsꞌu ha núlhyeh de, ꞌet huwa la sBá ꞌen ooba whudóltiꞌ. ꞋEt sgha hodulꞌehne oohleꞌ.

Acts 14:17

ꞋEt hoontsꞌi ꞌahoolhyiz dunábunultun whe ndus de ꞌutꞌen unzoo-i ꞌuyulhꞌen, ꞌi be chan nalhtih-i ꞌinkꞌez ha níyeh ꞌi cha soo ꞌet ꞌutꞌen ilhꞌi. ꞋEt whuz unꞌa tꞌalh-i cha nohghatꞌaih whe nohdzi cha hoontꞌiꞌ yilhꞌi.”

2 Corinthians 8:9

NeMoodihti Jesus Christ, ꞌen ye unzoo-i ooghu tꞌeoonáhzun ꞌet huwa. Dalcho-i be la hoonzooꞌ ꞌuntꞌoh, ꞌet hoontsꞌi nohni nohba telꞌen suliꞌ. ꞋEt whe ndai la ye telꞌen-i, ꞌi nohni be hoonzooꞌ oohneh.

2 Timothy 3:2

ꞋEt dune dichꞌoh kꞌenahutisiꞌ, sooniya ka dáhadatni, tsꞌiyantsuk whe hududíltiꞌ, ꞌuhududíltiꞌ, Yakꞌusda ꞌinkꞌez ooduneꞌne, buchꞌaz yahatilhduk, dudusneke cha kꞌúnulheꞌhutistꞌen, ꞌaw musi lhontiszin, ꞌinkꞌez Yakꞌusda ghudlohne cha hutileh.