Luke 6:29 - Yak'usda Ooghuni

²⁹ Mbene la nohnimbus kꞌut nohnizkukne, buba ꞌawh nandunahtꞌah ꞌinkꞌez ookwꞌuz tsꞌe cha ꞌunohuhooleh. Mbe la ndzoot nghu halchooz-un, ndzooztꞌan cha oochꞌa yóntun junih.

Luke 6:29 Iomraidhean Croise

Matthew 26:67

Higha duninzoh. Huyoolhchis ꞌinkꞌez whulohne huyoonukat.

Luke 22:64

ꞋInkꞌez hina kꞌúnaꞌuzguz ꞌinkꞌez huyoonukat ꞌinkꞌez huyoodulhkut, “Neba nus hóoꞌen nedini mbe ꞌunyinla nyunízkuk?”

Luke 6:30

Tsꞌiyanne hoonli nohtsꞌu ka ꞌutni de, bugha íyohlelh. Nohchꞌeꞌ ꞌuyoonne yílhchoot de, butsꞌo ookwanaꞌ doohtniꞌ junih.

John 18:22

ꞋEt Jesus njan ꞌet ndutni whe, ꞌilhoghun neilhchuk-un yuzih usyin-un, yunin tsꞌe yunízkuk ꞌinkꞌez uyúlhni, “Mbe naꞌdunínzun whe ꞌudini? Nyoon lubret ꞌukꞌenus díztiꞌ-un, ꞌen whuz unꞌa eh bulh yaílhduk!”

Acts 23:2

Lubret ꞌukꞌenus díztiꞌ-un, Ananias, ꞌen Paul zih usyinne hize hookuk ꞌubulhni.

1 Corinthians 4:11

ꞋAndit dzin whutsꞌun neye ꞌultsꞌilh ꞌinkꞌez tꞌaꞌtsꞌóosda. Nenaih lheꞌizooꞌ ꞌinkꞌez ꞌantsꞌi ꞌoh nutsꞌiya yoh cha lhtsꞌuhootꞌih, ꞌinkꞌez dunene ne-ehuzula.

1 Corinthians 6:7

ꞋInkꞌez njan dune ba nahutideh tsꞌe yoolhti, ꞌet whe ꞌudaꞌ nohnichꞌoh chꞌa naꞌnulhde whuzdliꞌ. Dune ꞌutsꞌun unꞌa neꞌnohulhꞌen de, di ha lhoohoozulhchoot? Kꞌus dune nohꞌeꞌhuwhulhtsꞌit de, whute ꞌuhoontꞌoh.

2 Corinthians 11:20

Lheꞌahtꞌen, ꞌilhoghun nohtoh usda whe de ꞌustlenne nohulhtsi, kꞌus ꞌilhoghun nohúlhgooh, kꞌus ꞌilhoghun ahtꞌi-i nohghu yílhchoot, kꞌus ꞌilhoghun nohtoh ncha naꞌdudulhtsi, kꞌus ꞌilhoghun nohóonúkat, ꞌet ndúwhulcho nohba dalhúhootꞌoh.

Hebrews 10:34

ꞋInkꞌez ꞌoh daꞌ ꞌasuhanꞌai whe sgha teꞌnahzun ꞌinkꞌez sla ꞌahtꞌen inleꞌ. ꞋEt ndai ahtꞌi-i, ꞌi ꞌantsꞌi nohghu ha yílhchoot ꞌet hoontsꞌi hoonáhtꞌiꞌ. Tꞌeoonáhzun nohnichꞌoh ꞌon nus hoonzun-un ꞌinkꞌez ꞌilhiz ꞌuhoontꞌoh, ꞌet yakꞌuz nohba whuzdla ꞌet huwa.