Luke 6:28 - Yak'usda Ooghuni

²⁸ Mbene la nohkꞌehuyihne, Yakꞌusda butsꞌun óozooꞌ ha buba tenadoohdli. Mbene la dzoh neꞌnohulhꞌenne cha buba tenadoohdli.

Luke 6:28 Iomraidhean Croise

Matthew 5:44

ꞋEt hoontsꞌi nohdusni, nohchꞌaz ditnine bukꞌeoohsiꞌ. Mbene la denóhdulene, ꞌenne khuni unzoo-i be bubulh yaóolhduk. Nohtsꞌu dutnine, butsꞌun oohzooꞌ. Hoontsiꞌ nohtsꞌun neꞌhutꞌen ꞌinkꞌez dzoh nunohulhdzutne, buba tenadoohdli.

Luke 23:34

ꞋEt Jesus ꞌutni, “ꞋUBá buba whunaoodilnoh. ꞋAw dahútꞌen-un tꞌehonuszun, ꞌet huwa ꞌuhutꞌen.” Hina lhkꞌehuyilya ꞌinkꞌez higha ꞌaínlih.

Luke 6:27

“ꞋEt hoontsꞌi nohdusni, nohchꞌaz ditnine bukꞌehsiꞌ. Mbene la nohtsꞌu dutnine sóo neꞌbulhꞌen.

Luke 6:35

ꞋEt hoontsꞌi nohchꞌaz ditnine bukꞌeoohsiꞌ, ꞌinkꞌez soo neꞌboolhꞌen. Bughe ꞌoolhlaꞌ ꞌinkꞌez hoonli nohtlꞌunátiltsꞌulh hukwa tse hólhleꞌ junih. ꞋInkꞌez hooncha whe nohba kꞌelha whutaleh. ꞋEt mbe la yakꞌuz soo ꞌudedo ꞌuntꞌoh-un, ꞌen ooyeꞌke tihleh. ꞋAlhaꞌ mbene la musi lhdusnine ꞌinkꞌez ntsiꞌne cha, tsꞌiyawh butsꞌun unzoo.

Acts 14:5

ꞋEt ꞌudun yun kꞌut whutꞌenne, Lizwifne cha, ꞌinkꞌez bumoodihne tubulh, whelꞌaꞌne tebotilhꞌen ꞌinkꞌez tse be ubotuzilhghelh hukwaꞌ huninzun.

Acts 7:60

ꞋEt dugwutsi be nenínya ꞌinkꞌez soo ꞌultus-un ꞌutni, “SMoodihti ndi lubeshi ꞌuhuyínla-i, ꞌi buba ꞌun yutolhdilh!” Ndúdija ꞌinkꞌez dazsai.

Romans 12:14

Dune nohezúla de, butsꞌun oohzooꞌ ꞌinkꞌez bukꞌehoohyih junih.

1 Corinthians 4:12

Whenichꞌoh nela be ꞌutsꞌutꞌen. Hoontsiꞌ-i khuni be neghu yahalhduk ꞌet hoontsꞌi wheni khuni unzoo-i be bubulh yátsꞌulhduk. Dzoh nunehulhdzut ꞌet hoontsꞌi soo whulh tsꞌuzyin.

James 3:10

ꞋEt whuz unꞌa za nawh kꞌunꞌa yatsꞌulhduk. Whuloh te hoonzoo kꞌunꞌa neuzduniꞌ. ꞋInkꞌez whuloh te hoontsiꞌ whe tuneꞌ uzduniꞌ. Sulhutsinke ꞌet ꞌaw whuz unꞌa lheꞌhóstꞌeꞌ hubaꞌ hoontꞌoh.

1 Peter 3:9

ꞋUyoonne nohtsꞌun tankꞌus ꞌuhuninzun de, khun te kꞌunóohdzin junih. ꞋUyoonne nohchꞌaz yáhalhduk de, nohni khun buchꞌaz yaóolhduk junih. Kꞌus ꞌantsꞌi khuni unzoo-i be za bubulh yaóolhduk. Tꞌeoonáhzun whuz unꞌa Yakꞌusda nohtsꞌo húkwaꞌ ninzun. ꞋEt de la Yakꞌusda yutꞌi-i, ꞌi nohghá holtsꞌit.