Luke 6:25 - Yak'usda Ooghuni

²⁵ Nohni soo ꞌaꞌalhne, nohni cha soo cho howahli! Nohyéꞌtiltsꞌulh! Mbene la udlóhne howahli! Nohdzi dúntidaꞌ ꞌinkꞌez tihtso!

Luke 6:25 Iomraidhean Croise

Luke 12:20

ꞋEt hoontsꞌi Yakꞌusda ꞌuyulhni, ‘Whusni-un inli! ꞋAndit ꞌúlhdzis nzul naitálchulh. ꞋInkꞌez di ꞌintꞌi-i, mbe tsꞌu tíkulh?’

Luke 13:28

Abraham, Isaac, Jacob, ꞌinkꞌez nus hooꞌenne tsꞌiyawh, Yakꞌusda whe lerwe unli-un, ꞌet hudutáltsꞌilh ꞌinkꞌez ꞌet la bunoolhꞌen. ꞋEt ꞌoh de nohni tenanohonilhdil. ꞋEt tihtso ꞌinkꞌez nohghoo lhudutihkꞌus.

Luke 6:24

“ꞋEt hoontsꞌi nohni hoonzooꞌ ꞌuntꞌohne soo cho howahli! Be hoonahtꞌiꞌ-i be ꞌudaꞌ tsꞌiyawh nohba ꞌukꞌelha whuzdliꞌ.

Luke 6:26

ꞋEt huwahli mbene la sóo nohghu yalhdukne. ꞋOh daꞌ nus hooꞌenne naꞌdudilꞌine cha butsodaꞌne ndúbuhutni.”

Luke 8:53

ꞋInkꞌez highudloh, tꞌehonínzun dazsai whe ꞌuntꞌoh.

Ephesians 5:4

ꞋEt ndai la dutsun-i ꞌinkꞌez la hootꞌoh-i be yatsꞌulhduk. Hoontsiꞌ whe dlo kꞌunezduniꞌ-un cha, ꞌet tsꞌiyawh ꞌaw whuz unꞌa nohba lheꞌhóotꞌoh. ꞋEt kꞌus tube cho Yakꞌusda tsꞌun musi dahni.

1 Thessalonians 5:3

Dalhúhootꞌoh ꞌinkꞌez ꞌaw howa lheꞌoodli, hutni te, ꞌet khuntsul bubulh ha oodultsꞌuk. Tsꞌekoo ulchane bubulh ꞌútultsꞌulh, ꞌet whuz unꞌa ꞌet nduwhutanelh. ꞋEt de ndutnine, ꞌenne ꞌaw buyit ꞌuhóneh ꞌaitꞌoh.

James 4:9

ꞋEt dáhja la, ꞌet nohnichꞌoh tube cho yoo yo ꞌududolhdzin! ꞋInkꞌez howu ni oohleꞌ! Ndet la hoontsiꞌ-un howahdloh-un, ꞌet ꞌetsul ꞌudóhnih, ꞌet huwohtso! Be hóonahtꞌiꞌ-i, ꞌi tsꞌiyawh whula doohtni, ꞌinkꞌez nohdzi undoodaꞌ.

Revelation 3:17

Lheꞌdahni, ‘Hoonzooꞌ tsꞌintꞌoh ꞌon nus cha hoonzoo tsꞌuja. ꞋAw ꞌuyoo hoonliyaz ka lheꞌuznízun,’ dahni. ꞋEt dahitꞌoh dalhtsiꞌ la tsꞌiyantsuk nohba nekꞌeꞌ hootꞌoh cha ꞌahtꞌoh. Teilhꞌen cha ꞌahtꞌoh. Whuzihꞌen cha ꞌahtꞌoh, ꞌinkꞌez ꞌustꞌet ꞌahtꞌoh.