Luke 6:24 - Yak'usda Ooghuni

²⁴ “ꞋEt hoontsꞌi nohni hoonzooꞌ ꞌuntꞌohne soo cho howahli! Be hoonahtꞌiꞌ-i be ꞌudaꞌ tsꞌiyawh nohba ꞌukꞌelha whuzdliꞌ.

Luke 6:24 Iomraidhean Croise

Matthew 6:16

“ꞋEt ndet soo hóotahnih de, duba naꞌudzooꞌne bukꞌunꞌa oohtꞌeꞌ junih. Ndutꞌenne dudzi yo ꞌuhilhdzun naꞌhududilꞌi wheꞌ hintꞌoh. ꞋInkꞌez dunin be teꞌhududilꞌen ꞌinkꞌez dzoh nuhuzut naꞌhududilꞌi. ꞋEt whuz unꞌa ꞌuyoonne whúbonulhtun ntsꞌenꞌa la soo huhooni hukwꞌunꞌa. ꞋAlhaꞌ whe nohdusni, mbe la ndutꞌenne buba ꞌukꞌelha yutaleh-i, ꞌudaꞌ buba kꞌelha whuzdliꞌ wheꞌ hintꞌoh.

Matthew 6:2

ꞋEt huwa telꞌenne ghaꞌ tihꞌalh de, khun tsꞌiyanne nalh ꞌududolhtiꞌ junih. Duba naꞌudzooꞌne, ꞌenne whuz unꞌa ꞌet nduhútꞌen. Lizwif bulugliz kꞌus ti whulheguz-un ꞌet tsꞌiyanne ubunoolhꞌen ha, ꞌet nduhutꞌen. ꞋAlhaꞌ dusni, ooba kꞌelha whutalehne, ꞌudaꞌ buba nkꞌelha whuzdliꞌ whe ꞌuhintꞌoh.

Matthew 6:5

“Tenadahdli de, khun duba naꞌudzooꞌne kꞌoh tsꞌe tenadoohdli junih. Whuz unꞌa lizwif bulugliz cha nódilhya, kꞌus ti whulheto huhóontꞌiꞌ whe whuz unꞌa tenahududli tsꞌiyanne ubunoolhꞌen ha. Nohdúsni, ꞌudaꞌ buba ꞌukꞌelha whuzdliꞌ wheꞌ hintꞌoh.

Luke 6:25

Nohni soo ꞌaꞌalhne, nohni cha soo cho howahli! Nohyéꞌtiltsꞌulh! Mbene la udlóhne howahli! Nohdzi dúntidaꞌ ꞌinkꞌez tihtso!

1 Timothy 6:17

Ndi yun kꞌut hoonzooꞌ ꞌuntꞌohne, ꞌenne khuni ulhtus-i be budoniꞌ, ꞌaw ndi yun kꞌut beꞌ hoonzooꞌ tsꞌintꞌoh-i hoonli lhiloh. ꞋAw sooniya ootꞌa ninintan-i iloh ꞌuntꞌoh. ꞋEt kꞌus Yakꞌusda mbe la khuna-un, ꞌaw ꞌen za ootꞌa ninoohtan. Yakꞌusda ꞌen oola hoonli whe tsꞌiyaitsuk be tsꞌohotꞌeꞌ ha negha yunleh.

James 2:6

ꞋEt ndun telꞌen-un nohghu ninya whe ootsꞌeꞌ dudalhtiꞌ. ꞋEt hoontsꞌi hoonzoo ꞌuntꞌohne, hoontsiꞌ hukwꞌunꞌa nunéꞌnohuhulhꞌen. ꞋAhoolhyiz nahíyilh-un but nenóhohugus.