Luke 6:22 - Yak'usda Ooghuni

²² Dune nohtsꞌo dutitni ꞌinkꞌez ꞌaw bubulh óohtꞌeꞌ ꞌaitꞌoh nohohulhtsi. ꞋInkꞌez nohchꞌaz yahutilhduk whe Yinka Dune Yeꞌ, ꞌen gha nohooziꞌ dutsun hitilhtselh ꞌinkꞌez ꞌun hitilhdulh. ꞋEt whuz unꞌa ndunóhuhulhꞌen de, ꞌukꞌenus hoonzoo-un nohgha whultsꞌut.

Luke 6:22 Iomraidhean Croise

Matthew 10:18

Yun kꞌut whumoodihne ꞌinkꞌez lerwene cha si sgha bubut nenóhotalelh. ꞋInkꞌez si sghun whubuntilhtun. ꞋUdun yun kꞌut whutꞌenne cha si sghun whubuntilhtun.

Matthew 10:22

ꞋInkꞌez si sooziꞌ gha tsꞌiyanne nohtsꞌo dutitni. ꞋEt hoontsꞌi mbene la ꞌudekꞌez whutsꞌun ꞌet whulh núdalyaꞌne, ꞌenne hudutijih.

Matthew 10:39

Mbe la whe khuna-un, ꞌet hoolhyih hukwa ꞌutꞌen, ꞌen whe khuna-un ninta ootáꞌalh whe ꞌuntꞌoh. ꞋEt mbe la si sgha ye khuna-i ninta inínꞌai, ye khuna-i nayitáꞌalh.”

Luke 20:15

ꞋInka njan ha níyeh kꞌet tenáhinino ꞌinkꞌez hizilhghi. ꞋEt huwa ha níyeh kꞌet oochꞌeꞌ hoonli-un, dábooleh suba?

Luke 21:17

ꞋInkꞌez si sooziꞌ gha tsꞌiyanne nohtsꞌu dutitni.

Luke 6:21

Nohni ooyeꞌúltsꞌilhne, untihdai ꞌukꞌenus hoonzoo-un nohgha whultsꞌut. Mbene la ꞌandit utsone tihdloh ꞌet huwa dawhuldzooꞌ-un nohgha whultsꞌut.

John 12:42

ꞋEt hoontsꞌi lhane dune ando ꞌuntꞌohne, ꞌenne Jesus buba ꞌalhaꞌ yintꞌoh, ꞌet hoontsꞌi ꞌaw hudooniꞌ ꞌaítꞌoh. ꞋEt nduhtni de, Phariseene Lizwifne bulugliz whuchꞌa ꞌilhiz tebohoneh la ꞌet whe hunuljut.

John 16:2

Lugliz whuchꞌa nóhjoot la. ꞋEt ꞌawet ꞌoh de whuz de whudizulh, ꞌet de la mbe la nohzilhghi-un Yakꞌusda ba ꞌuhutꞌen untizilh.

John 17:14

Nghuni bugha ídisꞌai ꞌinkꞌez ndi yun kꞌut whuduneꞌne butsꞌu hudutni. Ntsꞌenꞌa la si ꞌaw ndi yun kꞌut whuduneꞌne bubundulh lhuztꞌoh ꞌet whuz unꞌa ꞌenne cha ꞌaw ndi yun kꞌut whuduneꞌne bubundulh lhúhiltꞌoh.

John 7:7

Ndi yun kꞌut dunene ꞌaw nohni nohtsꞌo dootni ꞌaítꞌoh, ꞌet si stsꞌu hudutni. Tankꞌus ꞌúhutꞌen-un tsꞌiyawh ꞌet huwun ꞌubudúsni, ꞌet huwa.

John 9:34

“Lubeshi toh whuzindli ꞌinkꞌez mbe naꞌdunínzun whe whuneoodolhꞌeh hukwaꞌ dini?” huyúlhni ꞌinkꞌez ꞌaz tenáhinino.

Acts 22:22

ꞋEt dune ꞌilhozdílne Paul huyoozílhtsꞌai ꞌet hoontsꞌi ꞌet ndúdija whe soo duyiz tꞌahúzulh whe ꞌuhutni, “Nalhtelh, sulhghe, ꞌaw hoonaꞌ huba lheꞌítꞌoh!”

Acts 24:5

Tꞌétsꞌonínzun ndun dune tube wheóonujut whe ntsiꞌ-un dune unli. Yun kꞌut ndulcho whe ꞌen gha Lizwifne cha lhtáhúwhútꞌaih ꞌinkꞌez Nazarenne butso nuyá-un unli.

Acts 9:16

ꞋEt ꞌinkꞌez sichꞌoh whúntistun datꞌen whe si sgha dzoh nutizut-un huwun.”

James 1:12

Mbe la óolhdzai-un, ꞌawhuz whulh usyin, ꞌen ꞌukꞌenus hoonzoo-un oogha whutaltsꞌulh. ꞋEn ꞌuntꞌoh ꞌilhiz ye khútinalh-un ooghá whuntꞌai. Whuchꞌaꞌ whunílhde-un, ꞌet cha oogha whútaltsꞌulh. Mbene la neMoodihti yukꞌensiꞌne, whuz unꞌa butsꞌún hoozi.

1 Peter 3:14

ꞋEt hoontsꞌi tsꞌihꞌun unꞌa ꞌahtꞌen hukwꞌelha, huwa dzoh nahdzut de, ꞌet ꞌukꞌenus hoonzoo-un nohgha whútaltsꞌulh. ꞋInkꞌez nohéꞌ hoonulhjoot de whénoolhjut junih, kꞌus huwu ni oolhleꞌ junih!