Luke 6:14 - Yak'usda Ooghuni

¹⁴ Simon, ooziꞌ Peter cha yugha ídinꞌai. ꞋInkꞌez bulhutsin Andrew, James ꞌinkꞌez John, Philip ꞌinkꞌez Bartholomew.

Luke 6:14 Iomraidhean Croise

Matthew 10:2

ꞋEt whunizyane ꞌon ꞌat nane whelꞌaꞌne bubooziꞌ; ꞌudechoo Simon, Peter cha huyulhni; bulhutsin ꞌen Andrew; James cha Zebedee ooyeꞌ, ꞌinkꞌez bulhutsin John;

Matthew 10:3

Philip ꞌinkꞌez Bartholomew; Thomas ꞌinkꞌez sooniya nalhdzooh-un Matthew; James Alphaeus ooyeꞌ ꞌuntꞌoh, ꞌinkꞌez Lebbaeus ꞌen oobooziꞌ ꞌudekꞌez-un Thaddaeus cha huyulhni;

Matthew 4:18

Bunghun Galilee taba Jesus ꞌoh whuya uyalh ꞌet nane dune lhulhutsinke ꞌubutilhꞌen. ꞋIlhoghun ꞌen Simon huyulhni Peter cha huyulhni, ꞌet ꞌilhoghun bulhutsin ꞌen Andrew huyulhni. ꞋEnne lhembilh tahúyalhdil lho ha ꞌutꞌenne hinli.

Matthew 4:21

ꞋOn ꞌun hidulh ꞌet doo cha za nane dune tilhꞌen. ꞋEnne cha lhulhutsinke Zebedee ooyeꞌke. ꞋIlhoghun James huyulhni ꞌinkꞌez ꞌilhoghun John huyulhni. Dubá te tsꞌi be húdilhtsꞌi ꞌinkꞌez dulembil nahuyutlꞌoo. Jesus bukahizya.

Mark 1:19

ꞋOn ꞌunyaz ha hándil ꞌet ꞌuyoonne nane lhulhutsinke James ꞌinkꞌez John bulh Zebedee ooyeꞌke ꞌubutilhꞌen dutsꞌi bet dulembil naꞌhulhꞌen.

Mark 1:29

Lizwif lugliz tenáhundil whe Simon ꞌinkꞌez Andrew buyoh tsꞌe dahunindil, James ꞌinkꞌez John hiyulh naꞌaz.

Mark 14:33

ꞋEt Peter James ꞌinkꞌez John te ꞌon ꞌun bubulh whe nꞌaz. ꞋEt ꞌawet tsꞌodi be tewhéndunilne

Mark 3:16

Simon, ꞌen Jesus “Peter” naidútni.

Mark 5:37

ꞋAw ꞌuyoonne dune dulhúlhtildulh Peter cha, James ꞌinkꞌez bulhutsin John, ꞌenne za hiyulh tizdil.

Mark 9:2

Lhkꞌu tat dzin inleꞌ whe Jesus, Peter, James ꞌinkꞌez John dulh húbutilhdil ndo dzulh kꞌuz dulh ubílya. ꞋEt hinilhꞌen whe ꞌutsꞌun unꞌa be hóodiltsai.

Luke 5:10

ꞋEt James ꞌinkꞌez John Zebedee ooyeꞌke ꞌenne Simon tsꞌu ditnine whe húnilhjoot. ꞋEt Jesus yulhni, “Simon khun whenoljut junih. ꞋAndit whutsꞌun dune haꞌ tantꞌelh.”

Luke 5:8

Simon Peter whunalhꞌen whe Jesus oobut dugwutsi be neninya ꞌinkꞌez, “Smoodihti schꞌaz naindalh, si lubeshi ꞌulhꞌen-un usdli,” yúlhni.

Luke 6:13

ꞋEt yulhkai-un higha hodulꞌehne, ꞌanih ꞌubulhni. ꞋEt butoh whunizyane ꞌon ꞌat nane ꞌutahábanla. ꞋEnne whelꞌaꞌne bubooziꞌ súlhtsi.

Luke 6:15

Matthew ꞌinkꞌez Thomas. James Alphaeus ooyeꞌ, ꞌinkꞌez Simon ꞌen huwu daóoditꞌoh-un huyulhni.

John 1:45

ꞋEt Philip ꞌen Nathanael huyúlhni, ꞌen nayilhti, “Ndun mbe be la Moses dude ꞌudustlꞌus kꞌut yughun ꞌukꞌunéꞌ ꞌuzguz-un, ꞌinkꞌez Yakꞌusda be nus hóoꞌenne highun ꞌukꞌuneꞌ ꞌúzguz-un, ꞌen natsꞌilhti. ꞋEn ꞌuntꞌoh Jesus, Joseph ooyeꞌ unli. Keyoh Nazareth huwhútni, ꞌet whutꞌi,” yúlhni.

John 14:8

ꞋEt Philip ꞌuyulhni, “Moodihti, mBá bunenilhtun ꞌinkꞌez uznoolhꞌen, ꞌet ꞌawet neba soo hoontꞌoh.”

John 6:5

ꞋEt Jesus whunilhꞌen tube lhane dune hitsꞌú lhodulh, ꞌet ꞌubunilhꞌen whe la Philip ꞌulhni, “Ntsꞌe za lhes tsꞌoket ha la, ꞌet de daꞌ ndunne dune ꞌuhooꞌalh?”

John 6:8

ꞋIlhoghun Jesus yugha hodulꞌeh-un, Andrew, Simon Peter bulhutsin, ꞌen Jesus ꞌuyulhni,

Acts 1:13

Jerusalem tsꞌe náhoosdil whe, ꞌaho ndo yoh huwhutꞌi-un danáhundil. Peter, John, James ꞌinkꞌez Andrew, Philip ꞌinkꞌez Thomas, Bartholomew ꞌinkꞌez Matthew, James Alphaeus ooyeꞌ, Simon Lizwifne ba huwu daóoditꞌowh-un, ꞌinkꞌez Judas James ooyeꞌ, ꞌenne ꞌet yoh hudilhtsꞌi.

Acts 12:2

ꞋEt James, John bulhutsin huwá balhꞌaꞌ whe saluzti be hizilhghi.

2 Peter 1:1

Si Simon Peter Jesus Christ ꞌen beꞌ ꞌulhna-un ꞌinkꞌez whelꞌaꞌ-un cha usdli. NeYakꞌusda neulhyis-un Jesus Christ, ꞌen ye tsꞌihꞌun unꞌa ꞌuntꞌoh-i, ꞌi be njan be ꞌalha ꞌuhoontꞌoh-i díztiꞌ-i, nohni cha ꞌinkꞌez wheni cha ꞌalhgoh neghaltsꞌut. ꞋEt huwun nohtsꞌo kꞌeꞌusges.