Luke 6:13 - Yak'usda Ooghuni

¹³ ꞋEt yulhkai-un higha hodulꞌehne, ꞌanih ꞌubulhni. ꞋEt butoh whunizyane ꞌon ꞌat nane ꞌutahábanla. ꞋEnne whelꞌaꞌne bubooziꞌ súlhtsi.

Luke 6:13 Iomraidhean Croise

Matthew 10:2

ꞋEt whunizyane ꞌon ꞌat nane whelꞌaꞌne bubooziꞌ; ꞌudechoo Simon, Peter cha huyulhni; bulhutsin ꞌen Andrew; James cha Zebedee ooyeꞌ, ꞌinkꞌez bulhutsin John;

Matthew 19:28

Jesus ndúbulhni, “Tsꞌihꞌun unꞌa nohdusni, ntsꞌoya hoozulh whe tsꞌiyaitsuk ꞌandidi-i natidleh, ꞌoh whuya hoozulh whe Yinka Dune Yeꞌ, yukwꞌutsꞌuzda cho diztiꞌ-i, ꞌi yukꞌetlꞌa dutadalh. ꞋEt nohni suntizdil inleꞌne, nohni cha whunizyai ꞌon ꞌat nanki kwꞌutsꞌuzda-i dune buba nahutiyeh ha, ꞌet dutálhtsꞌilh. ꞋEt Israel ootsꞌu haindene, whunizyat ꞌon ꞌat nane lhelhdoh didowhne, ꞌenne buba nahutihyeh.

Matthew 9:36

ꞋEt hoontsꞌi ꞌilhunaoosdilne ꞌubunilhꞌen. Tsꞌiyawh nehunintsai dóhotꞌen, ꞌaw ꞌuhooneh ꞌaitꞌoh. ꞋInkꞌez tsꞌiyaitsuk laditnine dohotꞌen. ꞋAntsꞌi ꞌusbai ꞌaw bughunli-un hooloh leꞌ hintꞌoh.

Mark 6:30

ꞋEt whelꞌaꞌne whusanáhidil ꞌinkꞌez Jesus te ꞌilhuhozdil ꞌet hidániꞌ ntsꞌoh te néꞌhustꞌen ꞌinkꞌez ndet dune whubuhodalhꞌeꞌ.

Mark 6:7

ꞋEt whunizyane ꞌon ꞌat nane, “ꞋAnih,” hubudániꞌ ꞌinkꞌez nane hinli whe lhelhtsꞌun whe balhꞌaꞌ. ꞋInkꞌez hiye úlhtus-i bugha nínꞌai ntsiꞌ-i nudúdeh-i dune yudúltsꞌine butsꞌa ha náhinooyoot ha.

Luke 11:49

ꞋEt huwa Yakꞌusda ye whunih-i, ꞌi be ꞌet ndutni, ‘Nus hooꞌenne ꞌinkꞌez whelꞌaꞌne, ꞌenne butsꞌu butisꞌalh. ꞋEnne whulohne dzoh nubotilhdzut ꞌinkꞌez ꞌonghohne cha hubotighan.’

Luke 22:30

ꞋEt whe lerwe usdli-un, ꞌet slutab kꞌut sulh ꞌutihꞌulh ꞌinkꞌez sulh utihtnelh. Kwꞌutsꞌuzda cho diztiꞌ-i, ꞌet hukwꞌu dutálhtsꞌilh ꞌinkꞌez whunizyat ꞌon ꞌat nat-un Israel ootsꞌu hainzutne bulh didowhne buba nahutihyeh.”

Luke 6:14

Simon, ooziꞌ Peter cha yugha ídinꞌai. ꞋInkꞌez bulhutsin Andrew, James ꞌinkꞌez John, Philip ꞌinkꞌez Bartholomew.

John 4:33

ꞋEt yugha hodulꞌehne dichꞌoh ꞌúlhodutni, “ꞋUyoon toleh yutiꞌulh-i yuba whusaínla?”

Acts 1:13

Jerusalem tsꞌe náhoosdil whe, ꞌaho ndo yoh huwhutꞌi-un danáhundil. Peter, John, James ꞌinkꞌez Andrew, Philip ꞌinkꞌez Thomas, Bartholomew ꞌinkꞌez Matthew, James Alphaeus ooyeꞌ, Simon Lizwifne ba huwu daóoditꞌowh-un, ꞌinkꞌez Judas James ooyeꞌ, ꞌenne ꞌet yoh hudilhtsꞌi.

Ephesians 2:20

Nohni Yakꞌusda ooyoh léꞌahtꞌoh. Whelꞌaꞌne ꞌinkꞌez Yakꞌusda be nus hooꞌenne, tsꞌiyawh yoh ookꞌu whuzꞌaine hinli. ꞋInkꞌez nohni whunohodalhꞌeꞌ, ꞌet huwa bubulh ꞌáhtꞌoh. Christ ꞌen dichꞌoh ꞌukꞌenus tse yoh ookꞌu whuzꞌai-un unli whe ꞌuntꞌoh.

Ephesians 4:11

ꞋEn za ꞌutꞌen, whulohne cha whelꞌaꞌne butlꞌa hónꞌai. Whulohne cha nus hooꞌenne butlꞌa hónꞌai. ꞋEt whulohne cha khuni unzoo-i be yahutilhduk-un, ꞌet butlꞌa hónꞌai. ꞋInkꞌez whulohne cha Yakꞌusda ba ꞌilhunaoosdilne bughu tilehne ꞌinkꞌez dune hodutilhꞌehne, ꞌet cha butlꞌa hónꞌai wheꞌ hutꞌen.

Hebrews 3:1

ꞋInka sulhutsinke, nohni Yakꞌusda oochꞌeꞌne ꞌahli. Soo hoonzoo hukwꞌunꞌa ndi yun kꞌut dólhtsꞌi ꞌet nohtsꞌu hukwaꞌ ninzun. ꞋEt huwa nohni tsꞌiyawh Christ Jesus ꞌen za ooghuni záhtan ꞌinkꞌez ꞌen ookꞌunꞌa oohtꞌeꞌ. ꞋEn whelꞌaꞌ-un ꞌuntꞌoh, ꞌinkꞌez be neba ꞌalha ꞌuhoontꞌoh-un, ꞌet huba neba lubret ꞌukꞌenus diztiꞌ-un unli.

2 Peter 3:2

ꞋEt ndunne nus hooꞌenne Yakꞌusda oochꞌeꞌ unline, ꞌenne ꞌoh daꞌ daja hudaniꞌ. ꞋInkꞌez wheni whelꞌaꞌne ꞌutsꞌintꞌoh, neMoodihti neulhyis-un ooghuni, ꞌi be nohbulh yatsꞌalhduk ꞌinkꞌez nohuzdániꞌ, ꞌet huwa la tsꞌiyawh whunaoolhnih.

Revelation 12:1

ꞋAwet ndo yatꞌah tsꞌe huwa ꞌítꞌen-un, ꞌet whe hóodiltsai, tsꞌeke oonaih ꞌantsꞌi sa tsꞌu hainduz-i doútꞌen, ꞌi be dune unli. Ooketlꞌah ꞌet ꞌulhdzis oozaꞌ ꞌusꞌai. ꞋInkꞌez whunizyai ꞌon ꞌat nanki sum ꞌi ootsi náyuztꞌi.

Revelation 18:20

“Nohni yakꞌuz whutꞌenne ꞌinkꞌez nohni Yakꞌusda oochꞌeꞌne, whelꞌaꞌne cha, ꞌinkꞌez nus hooꞌenne cha ndun tsꞌeke ꞌulꞌen-un bulh dahooja, ꞌet huwa soo cho whunúlhni! Ntsꞌenꞌa nohba nahizya whuz unꞌa Yakꞌusda nohba yukꞌelha whulhtsi ꞌet huwa.”

Revelation 21:14

Nyo keyoh whuti sih whunasaꞌa-i, ꞌi whunizyai ꞌon ꞌat nanki tse lhelhdoh didowh-i ookꞌu whuzꞌai. ꞋInkꞌez whunizyane ꞌon ꞌat nane ꞌusbaiyaz ba whelꞌaꞌne bubooziꞌ hukwꞌusguz.