Luke 6:12 - Yak'usda Ooghuni

¹² ꞋOh daꞌ ꞌet dzin, Jesus shus kꞌut tenadutidli ha whuz whinya. ꞋUlhdzis nduwhulyiz Yakꞌusda tsꞌun tenadidli.

Luke 6:12 Iomraidhean Croise

Matthew 5:1

ꞋIlhunaoosdilne Jesus ꞌubunilhꞌen whe ndo dzulh enun tsꞌe ndo whinya ꞌinkꞌez ꞌet nátlꞌa didaꞌ whe yugha hódulꞌehne hitsꞌoozdil.

Matthew 6:6

Tenadutihdli de, nohnichꞌoh whahtꞌi-un, dati dánadihtan whe tenadoohdli. NohBá lhistꞌen-un, tsꞌiyawh nohnilhꞌen, didutchꞌoh tsꞌiyanne nalh nohba ꞌukꞌelha whutilhtselh.

Mark 1:35

ꞋOm bun bundada ꞌawhuz lhuyulhkoh daꞌ Jesus dudinya ꞌinkꞌez ꞌaz whenya. ꞋEt nyo keyoh whuchꞌa suya, disoh tsꞌe oozya. ꞋEt tenadudli.

Mark 3:13

Shus kꞌut ndo whenya whe mbene la bukaꞌ ninzun bukaꞌ daniꞌ ꞌinkꞌez hitsꞌo whúsaindil.

Mark 6:46

Whenáhidil whe tenadutidli ha ꞌawet buchꞌa násja ꞌinkꞌez dzulh kꞌuz tsꞌe whénya.

Luke 5:16

ꞋEt didutchꞌoh lhat disoh tsꞌe tenadutidli tsꞌu wheyaih.

Luke 6:11

ꞋEt ꞌonghohne tube howunílchꞌe, ꞌinkꞌez howu yahalhduk Jesus dahítileh-un ꞌet huwun.

Luke 6:17

ꞋEt whududlun-un ndus de yugha hodulꞌehne bubulh hainya ꞌinkꞌez lhtsꞌe oodizꞌa-un nehunindil. Yun kꞌut Judea whutꞌenne, Jerusalem whutꞌenne cha, ꞌinkꞌez yatoo ba keyoh Tyre ꞌinkꞌez Sidon whutꞌenne cha huldlai. Hiyootuzálhtsꞌilh ꞌinkꞌez soo naꞌbutilhꞌelh hukwa ꞌilhuhozdil.

Luke 9:18

ꞋEt hukwꞌelhꞌaz Jesus didutchꞌoh tenadudli whe yugha hodulꞌehne highu nindil ꞌinkꞌez uboodulhkut, “ꞋIlhozdilne, mbe usdli hutni?”

Luke 9:28

Lhkꞌu dit dzin atꞌen hukwꞌelhꞌaz ꞌet dudani-un, Peter, John, ꞌinkꞌez James ndo dzulh kꞌuz dulh úbilya, whuz tenadutidli ha.

Luke 9:29

ꞋEt tenadudli whe oonin ꞌutsꞌun oonatꞌen suliꞌ. ꞋInkꞌez oonaih cha ꞌulhyul suliꞌ, ꞌinkꞌez busaoolkalh suliꞌ.

John 6:3

ꞋEt Jesus yasúya whe yugha hodulꞌehne tubulh, ꞌon do shusyaz kꞌut ꞌet nátlꞌaꞌhudiltsꞌiꞌ.

Colossians 4:2

ꞋAhoolhyiz tenadahdli. ꞋInkꞌez musi dahni.

Hebrews 5:7

ꞋInkꞌez ꞌoh daꞌ Jesus Christ ndi yun kꞌut nuseya daꞌ, ꞌet whe ooBá ꞌen ye ulhtus-i ꞌutꞌi, ꞌet hukwaꞌ ninzun de datítsah whuchꞌa yutilhyih yutsꞌu tenadidli. Tube oodzi telꞌen ꞌinkꞌez oonatsultooꞌ hoonli whe Yakꞌusda yutsꞌu tédudlih yulaꞌ ooneh ha. OoBá yudílhtiꞌ, ꞌet huwa yudántsꞌo daja ni.