Luke 5:8 - Yak'usda Ooghuni

⁸ Simon Peter whunalhꞌen whe Jesus oobut dugwutsi be neninya ꞌinkꞌez, “Smoodihti schꞌaz naindalh, si lubeshi ꞌulhꞌen-un usdli,” yúlhni.

Luke 5:8 Iomraidhean Croise

Matthew 17:6

Yugha hodulꞌehne hídantsꞌo whe hibut nachánildil, ꞌinkꞌez tube húnilhjoot.

Matthew 2:11

ꞋEt yoh dahunindil whe tsꞌoodun hitilhꞌen. Ooloo Mary ꞌen bulh. Hibut nachánilya ꞌinkꞌez hitsꞌun teniꞌ nalhdzun. Huye ꞌúzdla-i hidah lhchꞌaz hiyilhchoot hiyé ha háyanla-i ꞌinkꞌez hitsꞌu hítilhdil. Gold, yoo sooltsun-i frankencense huyulhni, ꞌinkꞌez yoo Myrrh huyulhni ꞌi cha, ꞌi hitsꞌu hítilhdil.

Matthew 8:8

ꞋEt saldanne bumoodih ꞌuyulhni, “SMoodihti syoh tsꞌe tanyalh huba soo lheꞌuzdzooꞌ. ꞋAntsꞌi nghuni be ꞌet ndúdinja de, ꞌet la seꞌustle-un soo naꞌootneh.

Luke 5:7

ꞋEt ꞌonghohne lubaz bet ꞌutꞌenne ꞌanih buhutni bulaꞌ hooneh ha. ꞋEnne cha whusahanki ꞌinkꞌez nankiltꞌoh tsꞌi hidilhbun kꞌet ꞌawet tewhéninlat.

Luke 5:9

Peter ꞌinkꞌez yulh ꞌutꞌenne tsꞌiyawh buba hooncha lho lheltsuk whe huyuzdlooh ꞌet huwa.

John 11:32

Jesus ndet daꞌ ꞌutꞌen Mary whuz oozya. Soo yutilhꞌen ibulh yubut dugwutsi be nenínya ꞌinkꞌez ꞌuyulhni, “SMoodihti, njan ꞌintꞌoh de, ꞌaw daꞌ sulhutsin dalhitsal ooleꞌ daꞌ.”

1 Corinthians 13:12

ꞋEt be náꞌuzdunulꞌen be dzoh naꞌdunuzꞌen léꞌustꞌoh. ꞋEt ꞌawet whusahooltsꞌut de, ꞌet whuzisꞌen-un, ꞌet soo tsꞌihꞌun ntsꞌenꞌa la tsꞌunulꞌen, ꞌet whuz unꞌa tsꞌuhooꞌen suliꞌ. ꞋEt ꞌawet whulukhun za tꞌeóonúszun ꞌet hoontsꞌi ndet la whusahooltsꞌut de, ꞌet de ntsꞌenꞌa la Yakꞌusda tꞌesunínzun, ꞌet si cha whuz unꞌa za tsꞌiyantsuk tꞌewhuntiszeh.

Revelation 1:17

Tísꞌen whe oobut dasúsai hukwꞌunꞌa naztsꞌut. Dula nailhni tsꞌunkꞌus ꞌi be skꞌé dilni ꞌinkꞌez ꞌusulhni, “Niljut íloh! ꞋUdechoo ꞌinkꞌez ꞌudekꞌez-un ꞌustꞌoh.