Luke 5:29 - Yak'usda Ooghuni

²⁹ ꞋEt Levi duyoh tsꞌe Jesus ba hooncha whe dune gha náꞌuntai. ꞋEt sooniya ꞌilhunaoosꞌaihne huldlai. ꞋInkꞌez ꞌuyoonne cha lhane bubulh ꞌet dilhtsꞌi.

Luke 5:29 Iomraidhean Croise

Matthew 11:19

ꞋEt Yinka Dune Yeꞌ, dune taninya ꞌaꞌalh ꞌinkꞌez tatnaiꞌ, ꞌinkꞌez ꞌuhutni, ‘Nyoon oocha hooncha ꞌinkꞌez tsꞌekoo tooꞌ ꞌutnai. Sooneya nalhdzoohne ꞌinkꞌez lubeshi ꞌulhꞌenne, bukꞌeke unli,’ dáhni. ꞋEt hoontsꞌi Yakꞌusda gha whunih suliꞌne, ꞌenne tsꞌiyawh hiye whunih-i, ꞌi be tsꞌihꞌun ꞌuhintꞌoh suliꞌ.”

Matthew 5:46

Mbene nohkꞌensiꞌne, ꞌenne za bukꞌehtsiꞌ de, di suba nohgha óokat? Ndunne sooniya nalhdzoohne, ꞌenne cha whuz unꞌa za nduhutꞌen.

Matthew 9:10

Jesus yeyoh tsꞌe daninya ꞌinkꞌez buzih usda bula naꞌutꞌalh whe sooniya ꞌilhunaoosꞌaihne ꞌinkꞌez lubeshi ꞌulhꞌenne, cha yoh dahunindil ꞌinkꞌez Jesus yugha hodulꞌehne bula nahutꞌalh.

Matthew 9:9

ꞋEt hukwꞌelhꞌaz Jesus ꞌoh whuya uyalh whe sooniya naldzooh-un, ꞌilhoghun dune Matthew huyulhni, ꞌet usda yunilhꞌen. “Sunanyalh,” yulhni. Dudinya ꞌinkꞌez yikꞌoh tsꞌe ꞌutitꞌelh ha yuntizya.

Mark 2:15

Hukwꞌelhꞌaz Levi ooyoh lhanne sooniya nalhdzóohne ꞌinkꞌez lubeshi ꞌulhꞌenne, Jesus yugha hodulꞌehne cha ꞌet bula naꞌutꞌalh.

Luke 15:1

ꞋEt sooniya nalhdzoohne ꞌinkꞌez lubeshi ꞌulhꞌenne cha tsꞌiyawh Jesus huyootuzálhtsꞌilh ha highu nindil.

John 12:2

ꞋEt hulhgha naꞌtitꞌulh wheni hiba lhadúja. Martha ꞌen buba hukwꞌeꞌile. ꞋEt Lazarus ꞌen cha bubulh naꞌutꞌalh.

1 Corinthians 10:27

ꞋEt ooba ꞌalhaꞌ lheꞌhootꞌohne, ndet la nohghu nuhúzya ꞌinkꞌez whuz tanyalh de, ndai nohbut néhininla-i, ꞌi oohꞌalh ꞌinkꞌez nohyo tsꞌe oogha tꞌetsꞌoninzun-i hoontsꞌi ookaꞌ oodolhkut junih.