Luke 5:24 - Yak'usda Ooghuni

²⁴ ꞋEt tꞌeoonóhzin Yinka Dune Yeꞌ, ꞌen ndi yun kꞌut oobaꞌ hoontꞌoh whe ꞌuntꞌoh lubeshi ꞌun toolhdilh hubaꞌ hoontꞌoh whe ꞌuntꞌoh,” ꞌubulhni. ꞋInkꞌez delhdusni-un, “Dudinyaih, ookwꞌusinti-i ilhchoot, ꞌinkꞌez nyoh tsꞌe naindalh!” yulhni.

Luke 5:24 Iomraidhean Croise

Matthew 16:13

Jesus Caesarea Philippi buyun kꞌuz whinya whe yugha hodulꞌehne, buboodulhkut, “Si, Yinka Dune Yeꞌ ꞌustꞌoh, dunene, mbe whe ꞌustꞌoh hutni?”

Matthew 25:31

“ꞋEt Yinka Dune Yeꞌ nkede ootsꞌu haꞌ ꞌánduz whe whusanátidalh, lizas lubeshi ooghu hoolohne, tsꞌiyawh huyulh whusanátidulh. ꞋOh de de, ookwꞌutsꞌuzda cho diztiꞌ-i, ꞌi kꞌut nanátlꞌa dutidalh.

Matthew 26:64

ꞋEt Jesus ndúyulhni, “Nyunchꞌoh ꞌet ꞌúdini. Njan huwun nohbulh yasduk, kꞌat le de Yinka Dune Yeꞌ, ꞌen ulhtus-un, ꞌen nailhni tsꞌunkꞌus yughu usda, ꞌet whutihꞌelh. ꞋInkꞌez kwꞌus kꞌut ndus de ha tiyalh, ꞌet cha whutihꞌelh.”

Matthew 28:18

ꞋEt Jesus butsꞌo whusainya whe bubulh yalhduk ꞌinkꞌez njan dúbulhni, “Yakꞌuz ꞌinkꞌez ndi yun kꞌut tsꞌiyawh whando ꞌustꞌoh-un, ꞌet stlꞌa hóoltsꞌut.

Matthew 4:24

ꞋEt Syria whutꞌenne, tsꞌiyawh hiyulh ꞌúditsꞌo. Mbene la lhelhyoo dada bé undudane, ꞌinkꞌez ꞌon nus bulh ꞌúltsꞌulhne cha, ntsiꞌ-i nudúdeh ooyudindane cha, whusnine cha ꞌinkꞌez ookaootuzukne ꞌinkꞌez delh dusnine cha, tsꞌiyawh Jesus tsꞌu buhoozdla whe soo náꞌbinla.

Matthew 9:6

ꞋEt tꞌeoonóhzin Yinka Dune Yeꞌ, ndi yun kꞌut oobaꞌ hoontꞌoh lubeshi ꞌun toolhdilh hubaꞌ ꞌuntꞌoh,” ubúlhni. ꞋInkꞌez delhdusni-un, “Dudinyaih ꞌinkꞌez kwꞌusinti-i ilhchoot ꞌinkꞌez nyoh tsꞌe naindalh!” yulhni.

Luke 5:13

ꞋEt Jesus dula be yutꞌaíznai ꞌinkꞌez ꞌuyulhni, “A, hukwaꞌ nuszun nyunaꞌoosdeh.” ꞋEt ooka whulhjut-un ꞌaho soo naꞌuja.

Luke 5:18

ꞋEt dune delhdusni-un lili be whusahúyankai. ꞋInkꞌez Jesus yoh tsꞌe hitsꞌu hitoolhtelh hukwaꞌ huyulhꞌen.

Luke 5:23

Ntsꞌenꞌa suba huwa lhúhoolnaꞌ kꞌunꞌa ꞌuzdooniꞌ, ‘Lubeshi mba hooloh suliꞌ,’ kꞌus, ‘Dudinyaih ꞌinkꞌez ninya?’

Luke 7:14

ꞋInkꞌez nezi chunkelh yughu ninya ꞌinkꞌez yutꞌaiznai. Yilhtelhne cha ꞌilhiz nehunindil. ꞋInkꞌez ꞌutni, “Chilh dune dudinyaih nyudúsni!”

Luke 8:54

Jesus tsꞌiyawh tenábunilhꞌaꞌ, ꞌinkꞌez tsꞌoodun yula ilhchoot ꞌinkꞌez, “Tsꞌekeyaz dudinyaih,” yúlhni.

John 11:43

ꞋEt ndúdija hukwꞌelhꞌaz soo khuniti be yatilhduk, “Lazarus, ndiz ínyalh!” yúlhni.

John 17:2

ꞋEt ntsꞌenꞌa whe yinka whuduneꞌne tsꞌiyawh buba ndo ootꞌeꞌ-un, ꞌet oogha óoninꞌai, ꞌet whe la mbene la sghá buninlane ꞌilhiz wheni huye khútinalh-i bugha ítasꞌalh.

John 3:13

ꞋAw ꞌilhoghun dune ndo yakꞌuz whenya-un hooloh, ꞌaw ꞌilhoghun za ꞌuja-un ndus de yakꞌuz haínya. ꞋEn ꞌuntꞌoh Yinka Dune Yeꞌ unli, ꞌen ꞌuntꞌoh yakꞌuz ookeyoh whuzꞌai.

John 5:27

ꞋInkꞌez tsꞌiyanne ba ndó ootꞌeꞌ-un, ꞌet cha yugha óoninꞌai ꞌinkꞌez tsꞌiyanne dune ba nahutiyeh huba ꞌuhoontꞌoh. Yinka Dune Yeꞌ unli, ꞌet huwa.

Acts 14:10

soo ꞌultus-un uyúlhni, “Dudinyaih ꞌinkꞌez tsꞌihꞌun unꞌa sinyin!” ꞋEt nyoon dune dudillhoh ꞌinkꞌez ꞌawet nádinya.

Acts 5:31

ꞋEt Yakꞌusda yakꞌuz whenáyalhti dunailhni tsꞌe duzih ꞌet yulhda, ꞌinkꞌez Moodihti ꞌinkꞌez neulhyís-un cha yulhtsi. ꞋEt Israel ootsꞌu haindene dudeni náhondunooleh, ꞌet de la bulubeshi buba ꞌún yutoolhdilh.

Acts 9:34

ꞋInkꞌez Peter uyúlhni, “Aeneas Jesus Christ soo naꞌunyinla! Dudinyaih ꞌinkꞌez nlili kꞌut soo náꞌhoonleh,” yúlhni. ꞋAho Aeneas dudinya.

Acts 9:40

ꞋEt Peter tsꞌiyanne ꞌaz whenaílhꞌaꞌ, dugwutsi be nenínya ꞌinkꞌez tenadidli. Nyoo nezi yutsꞌu nálhꞌa ꞌinkꞌez ꞌutni, “Tabitha, dudinyaih!” ꞋEt yutánꞌen ibulh Peter yutilhꞌen whe dó netlꞌa dindaꞌ.

Revelation 1:13

ꞋInkꞌez nyoo lhtakꞌantꞌi-i be hootꞌen-i nanusaꞌa-i toh, Yinka Dune Yeꞌ dultꞌoh-un ꞌet usyin. Oonaih ooke tꞌayanaih-i, ꞌi be usda. Se gold bulh ꞌulya-i, ꞌi be ootsꞌi toh ꞌon doh whuya ye tsꞌudilhꞌoo.