Luke 5:22 - Yak'usda Ooghuni

²² ꞋEt Jesus tꞌewhunínzun daja huninzun, ꞌinkꞌez ndúbulhni, “ꞋEt di ha nohdzi yo whe ꞌet ndunahzun?

Luke 5:22 Iomraidhean Croise

Matthew 12:15

Jesus hituzilhghelh huwu yahalhduk, tꞌewhunanzin ꞌet bugho whe naja. Lhane ndudáne hiyuntizdil, ꞌenne tsꞌiyawh soo náꞌbalhꞌen.

Matthew 12:25

Daja huninzun-un Jesus tꞌeooninzun ꞌinka ꞌúbulhni, “Ntsꞌe la yakꞌuz kꞌuneꞌ whulꞌen-un, ꞌenne lhchꞌaz nehúdindil de, ꞌenne tsꞌiyawh gak hutileh. ꞋInkꞌez keyoh whuti whuduneꞌne kꞌus yoh dilhtsꞌine cha, lhchꞌaz nehúdindil de, ꞌenne cha gak hutileh.

Matthew 9:4

Daja huninzun Jesus tsꞌiyawh tꞌeooninzun. ꞋInka ꞌubulhni, “Di ha nohdzi yo ntsiꞌ-i ghu nuni nahdeh?

Mark 8:17

ꞋEt Jesus daja hutni la ꞌudaꞌ tꞌeoonínzun ꞌet ꞌúbulhni, “Di ha lhes lháhtꞌih-un huwa yalhduk, ꞌawhuz tꞌeoonuzúhzun kꞌus noheni tꞌalhodúlhtsꞌit nohdzi ꞌawhuz eh dutsꞌun wheꞌ dahni?

Luke 24:38

ꞋInkꞌez ꞌubulhni, “Dahoontꞌoh huwa whénulhjut? ꞋInkꞌez dahoontꞌoh huwa nohdzi yo whe nohba nawh ꞌuhoontꞌoh?

Luke 5:21

ꞋEt Moses be ꞌudustlꞌus ꞌukꞌu nunáguzne ꞌinkꞌez Phariseene, huwu yawhenilhduk, “Ndun dune Yakꞌusda chꞌaz yalhduk. Mbe lubeshi ꞌuntulhdulh? Yakꞌusda didutchꞌoh za lubeshi ꞌun tulhdilh!”

Luke 5:23

Ntsꞌenꞌa suba huwa lhúhoolnaꞌ kꞌunꞌa ꞌuzdooniꞌ, ‘Lubeshi mba hooloh suliꞌ,’ kꞌus, ‘Dudinyaih ꞌinkꞌez ninya?’

Acts 5:3

ꞋEt Peter uyúlhni, “ꞋEt di ha Satan ookꞌúneꞌ tantꞌen hukwaꞌ nizun? ꞋInkꞌez lheꞌdini sooniya ooloh ílhchoot ꞌinkꞌez Ndoni tsꞌun hontsꞌit?

Hebrews 4:12

ꞋEt Yakꞌusda ooghuni khuna whe ꞌuntꞌoh ꞌinkꞌez whe ꞌuntꞌoh. ꞋI saluzti lhchꞌaz ookꞌa hoonli-i, ꞌi ooba nus khundiyin whe ꞌuntꞌoh. Saluzti netsꞌun lhghu nunádizꞌa-un ꞌinkꞌez neyúngheꞌ ꞌi ndi lhtsꞌititꞌus, ꞌet whuz unꞌa za Yakꞌusda ooghuni nezul ꞌinkꞌez neyughi lhkꞌeítilelh. Nedzi yo whe daja ꞌuzninzun ꞌinkꞌez ntsꞌenꞌa dáztitꞌelh hukwaꞌ tsꞌutꞌen, ꞌet tsꞌiyawh whunénulhtun, ꞌet ꞌuhoolcho whe Yakꞌusda ooghuni khundiyin whe ꞌuntꞌoh.

Revelation 2:23

ꞋInkꞌez ndun tsꞌeke buzkeh cha ubutisghan. ꞋInkꞌez Yakꞌusda ba ꞌilhunaoodulhne, tsꞌiyawh tꞌehontázin, si ꞌustꞌoh dune bubeni toh ꞌinkꞌez budzi bet cha hoonli hukwꞌu nústa. ꞋInkꞌez ꞌilhughun ꞌahli whe nohꞌeꞌutꞌen kꞌoh huwa nohba ꞌukꞌelha whutiselh.