Luke 5:2 - Yak'usda Ooghuni

² Tsꞌi nanki yasáꞌa yunilhꞌen. ꞋEt lho ha ꞌutꞌenne ꞌudun dulembil tunáhugus.

Luke 5:2 Iomraidhean Croise

Matthew 4:18

Bunghun Galilee taba Jesus ꞌoh whuya uyalh ꞌet nane dune lhulhutsinke ꞌubutilhꞌen. ꞋIlhoghun ꞌen Simon huyulhni Peter cha huyulhni, ꞌet ꞌilhoghun bulhutsin ꞌen Andrew huyulhni. ꞋEnne lhembilh tahúyalhdil lho ha ꞌutꞌenne hinli.

Matthew 4:21

ꞋOn ꞌun hidulh ꞌet doo cha za nane dune tilhꞌen. ꞋEnne cha lhulhutsinke Zebedee ooyeꞌke. ꞋIlhoghun James huyulhni ꞌinkꞌez ꞌilhoghun John huyulhni. Dubá te tsꞌi be húdilhtsꞌi ꞌinkꞌez dulembil nahuyutlꞌoo. Jesus bukahizya.

Mark 1:16

ꞋEt Jesus bunghun Galilee taba nuya whe nane lho ha ꞌutꞌenne ubanꞌen, Simon ꞌinkꞌez bulhutsin Andrew bulh lhembilh tahúyalhdil lho haꞌ ꞌutꞌenne hinli ꞌet huwa.

Mark 1:19

ꞋOn ꞌunyaz ha hándil ꞌet ꞌuyoonne nane lhulhutsinke James ꞌinkꞌez John bulh Zebedee ooyeꞌke ꞌubutilhꞌen dutsꞌi bet dulembil naꞌhulhꞌen.

Luke 5:1

ꞋEt ꞌilhoh dzin Gennesaret bun taba usyin whe dunene hinat ꞌilhozdil, Yakꞌusda ooghuni ꞌi hidutátsꞌo ha.

Luke 5:3

ꞋInkꞌez ꞌilhoghi tsꞌi bénya. ꞋI Simon ootsꞌi ꞌuntꞌoh. ꞋInkꞌez ꞌuyulhni, “Nusyaz le ꞌinleh.” ꞋInkꞌez ꞌet tsꞌi bet natlꞌa didaꞌ ꞌinkꞌez dunene whubodulhꞌeh.

John 1:40

ꞋEt ndunne nane dune John hidántsꞌo huwa Jesus huyuntizꞌazne, ꞌen ꞌilhoghun, Andrew huyulhni, ꞌen Simon Peter bulhutsin ꞌuntꞌoh.