Luke 5:17 - Yak'usda Ooghuni

¹⁷ ꞋEt ꞌilhoh dzin dune hodulhꞌeh whe ꞌinkꞌez Phariseene cha ꞌinkꞌez Moses be ꞌudustlꞌus hodulhꞌehne cha, yun kꞌut Galilee, Judea cha, ꞌinkꞌez Jerusalem cha tsꞌiyawh Jesus hiyenghoh dilhtsꞌi. ꞋInkꞌez neMoodihti ye ulhtus-i ndudane soo náꞌtilhꞌelh ha yulh ꞌuntꞌoh.

Luke 5:17 Iomraidhean Croise

Matthew 11:5

Hoos̱ꞌenne cha huhooꞌen nahusdliꞌ. Dzoh nudilhne, nahudilh nahusdliꞌ. Ooka whulhjutne cha leprosy, butsun hooloh nahusdliꞌ, ꞌinkꞌez lheꞌdústsꞌone cha ꞌuhuditsꞌo nasdliꞌ. Yaidlane cha dunahudidil ꞌinkꞌez telꞌenne cha khuni unzoo-i be bubulh yainduk.

Matthew 15:1

ꞋEt Jerusalem keyoh whutsꞌun ndunne Moses be ꞌudustlꞌus ꞌukꞌu nunáguzne ꞌinkꞌez Phariseene cha Jesus highu nindil ꞌinkꞌez ꞌuhutni,

Mark 1:45

ꞋEt hoontsꞌi dune whenája ꞌinkꞌez tsꞌiyanne dániꞌ ꞌon nus huweꞌ yalhduk kꞌet Jesus ꞌaw keyoh dune tunóyaꞌ ꞌaitꞌoh. ꞋInka nꞌawh dune lhuhóotꞌi ꞌoh dune unli. Lhelhtsꞌiz de whutꞌenne whuz highu lhkꞌesúdil.

Mark 16:18

Nahunitꞌa whe tlꞌughus ntsiꞌ-i hílhchoot, kꞌus lubezo whe hítnaiꞌ de, ꞌet hoontsꞌi ꞌaw dalhótisnel. ꞋInkꞌez undudáne butsi kꞌehudilnih, ꞌenne cha soo náꞌhutitnelh.”

Mark 3:22

Moses be ꞌudustlꞌus ꞌukꞌu nunáguzne, Jerusalem tsꞌu haíndilne, ꞌuhutni, “Beelzebul ooyudínda ꞌen yugha óoninꞌai huwa ꞌutꞌen ntsiꞌ-i nududeh-i bughu whenábunuyukw.”

Mark 5:30

ꞋAhoh Jesus tꞌéoonanzin yé ulhtus ye dune laꞌ ꞌutꞌen-i ooloh ootsꞌa ha díltsꞌut. ꞋEt ꞌilhozdílne butsꞌu nálhꞌa ꞌinkꞌez ꞌutni, “Mbe whe ꞌuja snaih yutꞌaíznai?”

Mark 7:1

ꞋEt Phariseene ꞌinkꞌez Moses be ꞌudustlꞌus ꞌukꞌu nunáguzne tubulh Jerusalem tsꞌe haíndilne Jesus higha óozdil.

Luke 15:2

ꞋInkꞌez Phariseene ꞌinkꞌez Moses be ꞌudustlꞌus ꞌukꞌu nunáguzne cha highu yawhenilhduk whe njan nduhutni, “Ndun dune ꞌen lubeshi ꞌulhꞌenne, ꞌenne bubulh neꞌutꞌen ꞌinkꞌez bubulh ꞌáꞌalh cha ꞌutꞌen.”

Luke 2:46

Tat dzin hukwꞌelhꞌaz ꞌet ꞌandit za nahuyilhti. Lugliz whucho ꞌet ꞌatsꞌo whubodulhꞌehne butoh usda. Uboozílhtsꞌai ꞌinkꞌez uboodulhkut.

Luke 5:21

ꞋEt Moses be ꞌudustlꞌus ꞌukꞌu nunáguzne ꞌinkꞌez Phariseene, huwu yawhenilhduk, “Ndun dune Yakꞌusda chꞌaz yalhduk. Mbe lubeshi ꞌuntulhdulh? Yakꞌusda didutchꞌoh za lubeshi ꞌun tulhdilh!”

Luke 5:30

ꞋEt Moses be ꞌudustlꞌus ꞌukꞌu nunáguzne ꞌinkꞌez Phariseene, didutchꞌoh highu yalhduk ꞌinkꞌez Jesus yugha hodulꞌehne, ꞌubuhútni, “ꞋEt nyoonne sooniya ꞌilhunaoosꞌaihne ꞌinkꞌez lubeshi ꞌulhꞌenne, di ha bubulh áhꞌalh ꞌinkꞌez bubulh ꞌáhtnai?”

Luke 6:19

Tsꞌiyanne hitꞌa oonalh hukwaꞌ hutꞌen. Ye ulhtus-i ootsꞌu ha idiltsꞌut, ꞌi be tsꞌiyawh budadaꞌ soo naꞌbinla.

Luke 7:30

ꞋEt hoontsꞌi Phariseene ꞌinkꞌez Moses be ꞌudustlꞌus kꞌut daja ni whe ꞌuyoo unli be yalhdukne, tsꞌiyawh Yakꞌusda ntsꞌe la butsꞌu hukwaꞌ ninzun-un, ꞌantsꞌi ꞌun huhutilhdil. ꞋAw John too be lhéꞌbilel ꞌet huwa.

Luke 8:46

ꞋEt Jesus ꞌutni, “ꞋIlhoghun stꞌa iznai. Be stus-i stsꞌu ha díltsꞌut tꞌeoonuszun.”

John 3:10

ꞋEt Jesus uyúlhni, “ꞋEt nyun Israel ootsꞌu haindene whubodilhꞌeh-un inli, ꞌinkꞌez ntsꞌenꞌa njan tꞌéoonuzínzun?

John 3:21

ꞋEt hoontsꞌi mbe la tsꞌihꞌun unꞌa ꞌitꞌelh-un, ꞌen ndi be hóotꞌen-i tsꞌu tiyalh, ꞌet whe la tsꞌiyanne tꞌehonózin, ntsꞌoh tula neꞌútꞌen-un, Yakꞌusda ꞌen gha za ꞌitꞌen.”

Acts 19:11

ꞋEt Paul ꞌen be Yakꞌusda lheꞌwhustꞌen kꞌunꞌa huwa ꞌantꞌen teneꞌútꞌen.

Acts 4:30

ꞋEt huwa neMoodihti, be ílhtus ꞌi be dune ílhyis ꞌinkꞌez nYeꞌ Jesus, lubeshi ooghu hooloh-un, ꞌen yé ulhtus-i, ꞌi gha tsꞌiyanne bunalhtsꞌet hooncha ꞌinkꞌez huwa ꞌítꞌen tuneꞌ whutꞌen hóleꞌ.”

Acts 5:34

ꞋEt hoontsꞌi ꞌilhoghun dune, Gamaliel huyúlhni-un, ꞌen Pharisee unli tsꞌiyanne hidilhtiꞌ, ꞌen butoh dudinya ꞌinkꞌez ubúlhni, “ꞋAtsulyaz ꞌaz úbilhlelh.”