Luke 5:13 - Yak'usda Ooghuni

¹³ ꞋEt Jesus dula be yutꞌaíznai ꞌinkꞌez ꞌuyulhni, “A, hukwaꞌ nuszun nyunaꞌoosdeh.” ꞋEt ooka whulhjut-un ꞌaho soo naꞌuja.

Luke 5:13 Iomraidhean Croise

Genesis 1:3

ꞋEt Yakꞌusda (Elohim) ꞌen ꞌutni, “ꞋEt njan be hootꞌen-i holeꞌ.” ꞋEt hootꞌen whuzdliꞌ.

Genesis 1:9

ꞋEt Yakꞌusda (Elohim) ꞌutni, “Ndi too yakꞌuz ba nyo ꞌi ꞌilho ooleꞌ, ꞌinkꞌez ꞌet yun dizgi ha hooltsꞌit.” ꞋEt nduhóoja.

Matthew 8:3

ꞋEt Jesus dula be yutꞌaiznai ꞌinkꞌez, “A, hukwaꞌ nuszun. Nyunaꞌide!” yúlhni. Ooka whulhjut-un, ꞌet ꞌaho soo naꞌuja.

Luke 4:39

ꞋEt lili zih neninya ꞌinkꞌez yutus cha nutꞌi. ꞋInkꞌez dada hukwaꞌ yudániꞌ whe nulwus-i ye nduda-i yutsꞌa ha nádooltsꞌit yulhni, ꞌinkꞌez ootsꞌa hanaídiltsꞌut. ꞋEt ꞌaho dunadija ꞌinkꞌez bugha náꞌuntꞌai.

Luke 5:12

ꞋEt hukwꞌelhꞌaz Jesus ꞌilhoghun keyoh ꞌutꞌen. ꞋInkꞌez ꞌilhoghun dune ndulcho whe ooka whulhjut-un, ꞌi leprosy huyulhni, ꞌi be nduda, ꞌen cha ꞌet keyoh whutꞌen. Jesus yutilhꞌen whe yubut nachaniti, yutsꞌu tedudli, “SMoodihti nyun hukwaꞌ ninzun de sunaꞌilhdeh,” yulhni.

Luke 5:14

ꞋEt Jesus khuniti be njan ndúyulhni, “Khun te ꞌuyoonne dóniꞌ junih! ꞋEt kꞌus lubret ootsꞌinyalh ꞌinkꞌez nyunoolhꞌen. ꞋEt Moses be ꞌudustlꞌus kꞌut daja ni, ꞌet whuz unꞌa loodel kꞌut hoonliyaz dutálhkꞌun. ꞋEt whe la whubunolhtun dainja whe soo naꞌinja,” yulhni.