Luke 5:12 - Yak'usda Ooghuni

¹² ꞋEt hukwꞌelhꞌaz Jesus ꞌilhoghun keyoh ꞌutꞌen. ꞋInkꞌez ꞌilhoghun dune ndulcho whe ooka whulhjut-un, ꞌi leprosy huyulhni, ꞌi be nduda, ꞌen cha ꞌet keyoh whutꞌen. Jesus yutilhꞌen whe yubut nachaniti, yutsꞌu tedudli, “SMoodihti nyun hukwaꞌ ninzun de sunaꞌilhdeh,” yulhni.

Luke 5:12 Iomraidhean Croise

Genesis 18:14

ꞋAw hoonli hoontsꞌi eh Moodihti (Yahweh) ꞌaw ooba hoolhtus eh? Ndet la ꞌet newhudizut-un ꞌet la nohghu naoosjaꞌ ꞌinkꞌez Sarah dune ooyaz tileh.”

Matthew 26:6

ꞋEt keyoh whuyaz Bethany huwhútni-un, ꞌet Simon ooka whulhjut ínleꞌ-un, leprosy huyúlhni, ooyoh Jesus yuzih usda.

Matthew 9:28

Jesus yoh daninya whe hoos̱ꞌenne huyudáninꞌaz. ꞋEt Jesus ubúlhni, “Nohba ꞌalha ꞌuhoontꞌoh eh ꞌet dutísnelh?” ꞋEt ꞌuhuyulhni, “A, neMoodihti!”

Mark 5:23

ꞋInkꞌez soo cho yutsꞌu tédudlih, “Ustseꞌyaz ꞌawet datítsah, sulh naíntꞌus ꞌinkꞌez ookꞌu dólni sih soo náꞌootne ꞌinkꞌez khoonaꞌ sih.”

Luke 17:16

ꞋEt Jesus yubut yun ꞌet nachániti, ꞌinkꞌez lhkꞌuz te musi yulhni. ꞋEn dune Samaria whutꞌen-un ꞌuntꞌoh.

Luke 5:13

ꞋEt Jesus dula be yutꞌaíznai ꞌinkꞌez ꞌuyulhni, “A, hukwaꞌ nuszun nyunaꞌoosdeh.” ꞋEt ooka whulhjut-un ꞌaho soo naꞌuja.

Hebrews 7:25

ꞋEn ꞌilhiz wheni khuna ꞌinkꞌez neba tenadudli, ꞌet huwa nawh lheꞌhóotꞌoh tsꞌiyanne, ꞌen be Yakꞌusda hiyenghoh hutitꞌelh, tsꞌiyawh ꞌenne buba ye ulhtus-i ꞌutꞌi whe ꞌilhiz wheni ubutilhyis ha.