Luke 5:11 - Yak'usda Ooghuni

¹¹ ꞋInka yanáhuski whe tsꞌiyaitsuk ꞌet hila ditni. ꞋInkꞌez hikꞌoh tsꞌe ootꞌen ha huyuntizdil.

Luke 5:11 Iomraidhean Croise

Matthew 10:37

Mbe la dubá kꞌus duloo, si sanus bukꞌensiꞌ de, ꞌaw sba soo lheꞌhildzooꞌ! ꞋInkꞌez mbe la duyeꞌ ꞌinkꞌez dutseꞌ bulh, si sanus bukꞌensiꞌ de, ꞌaw sba soo lheꞌildzooꞌ.

Matthew 19:27

ꞋEt Peter yatilhduk whe Jesus njan ndúyulhni, “Whunilhꞌen, ndai la tsꞌutꞌi-i, ꞌi tsꞌiyawh oolazditni, ꞌinkꞌez nye ꞌutꞌen kꞌoh tsꞌe tsꞌootꞌen ha nyutsꞌun tizdil. ꞋEt huwa di negha tíkulh?”

Matthew 19:29

ꞋInkꞌez mbe la si sooziꞌ gha duyoh huwu tizya de, kꞌus dulhutsinke te, kꞌus dulhtuske te, kꞌus dubá cha ꞌinkꞌez duloo cha te, kꞌus duꞌat te, kꞌus duzkehke te, kꞌus dukeyoh cha, si sooziꞌ gha huwu tizya de, ꞌen whunizyat whunizyai (100) ꞌet ꞌuwhultsuk-un ootlꞌa naóotikulh. ꞋInkꞌez ꞌilhiz whe tsꞌukhuna-un, ꞌet cha oogha óotaltsꞌulh.

Matthew 4:20

ꞋAho dulembil hila ditni ꞌinkꞌez hikꞌoh tsꞌe ootꞌen ha huyuntizꞌaz.

Matthew 4:22

ꞋAho dubá highu déhainꞌaz ꞌawet ye usda whe ꞌinkꞌez Jesus hikꞌoh tsꞌe ootꞌen ha hiyuntizꞌaz.

Mark 10:21

ꞋEt Jesus yukꞌensiꞌ whe yunalhꞌen ꞌinkꞌez uyúlhni, “ꞋIlhoghun za whuyit ꞌintꞌoh, naindalh ꞌinkꞌez ꞌintꞌi-i tsꞌiyawh be ꞌóonket ꞌinkꞌez sooniya telꞌenne gha níndzaih, tulalhgus ilhchoot ꞌinkꞌez ꞌanih, seꞌ ꞌutꞌen kꞌoh tuneꞌ óntꞌen ha sunanyalh. ꞋEt de yakꞌuz hoonzoo-un, ꞌet whuchꞌa ootálhdoh.”

Luke 5:28

ꞋEt dudinyai, tsꞌiyaitsuk yula ditni whe yukꞌoh tsꞌe ootꞌen ha yuntizya.