Luke 5:1 - Yak'usda Ooghuni

¹ ꞋEt ꞌilhoh dzin Gennesaret bun taba usyin whe dunene hinat ꞌilhozdil, Yakꞌusda ooghuni ꞌi hidutátsꞌo ha.

Luke 5:1 Iomraidhean Croise

Matthew 11:12

ꞋEt ꞌoh daꞌ John dune too ꞌulhꞌen-un be wheꞌ whuditꞌen, ꞌandit dzin whutsꞌun, yakꞌuz kꞌúneꞌ whulꞌen-un, ꞌet yakꞌuz huhoolhdil, ꞌinkꞌez huhoolhdilne, yakꞌuz daꞌ hudolhdis hukwaꞌ hutꞌen.

Matthew 14:34

Nyan Gennesaret tsꞌe yahuzki.

Mark 3:9

ꞋIlhozdílne huldlai ꞌinkꞌez Jesus huyulh lhedudadulh ꞌet whuchꞌa yugha hodulꞌehne, “Tsꞌi sba lhadáhleh,” ubúlhni.

Mark 4:1

Bunghun Galilee huwhútni-un, ꞌet doo cha za ꞌilhozdilne Jesus higha óozdil ꞌinkꞌez hubodulhꞌeh. ꞋIlhozdilne huldlai kꞌet tsꞌi bet tlꞌa didaꞌ. Nusle dodikelh whe ꞌet whutsꞌun ꞌilhozdilne taba nódilhyane hubodulhꞌeh.

Mark 5:24

ꞋEt ꞌawet Jesus yulh nátistꞌaz. Whuz lhane dune yulh tizdil kꞌet lhtsꞌun únꞌa huyúlhedindil.

Mark 6:53

ꞋEt bun kꞌut yahúninki ꞌinkꞌez keyoh Gennesaret huwhútni-un, ꞌet tsꞌi whehídinguz.

Luke 12:1

ꞋOh daꞌ whe lhane dune ꞌilhuhozdil. Huldlai kꞌet lhkꞌunuhúdilh chaꞌ hutꞌen. Mbene la yugha hodulꞌehne, ꞌenne cho ndubulhni, “Phariseene bules be untuldoh-i, ꞌi chꞌa soo cho howahli. ꞋI dune nalh ye dúba naꞌudzooꞌ-i, ꞌi ꞌuntꞌoh.

Luke 5:2

Tsꞌi nanki yasáꞌa yunilhꞌen. ꞋEt lho ha ꞌutꞌenne ꞌudun dulembil tunáhugus.

Luke 8:22

ꞋEt hukwꞌelhꞌaz ꞌilhoh dzin yugha hodulꞌehne bulh tsꞌi be handil. ꞋInkꞌez “Nyan uztookeꞌ,” ubúlhni. ꞋEt nus huzki.

Luke 8:23

Nus huzki whe Jesus ꞌaho nanisti. Khuntsul bubulh taoodiltsꞌut ꞌinkꞌez ꞌawet tsꞌi too be tádutih. ꞋInkꞌez tube howa ꞌóodli whe ninleꞌ.

Luke 8:33

ꞋEt ntsiꞌ-i nududeh-i dune, ꞌi ootsꞌu haídande ꞌinkꞌez gugoos yudánde. ꞋAho gugoos bubulh whenghólghaz ꞌinkꞌez too yanghan.

Luke 8:45

ꞋEt Jesus ꞌutni, “Mbe ꞌuja stꞌa iznai?” “Tsꞌiyawh wheni iloh ꞌutsꞌuja,” hutni. Peter ꞌinkꞌez yulh ꞌutꞌenne ꞌuhutni, “Nemoodih lheltsukne nyando ha huníldo ꞌinkꞌez nyuhoolhkalh. ꞋInkꞌez di ha ꞌudini ‘Mbe stꞌa iznai?’ dini?”

John 1:40

ꞋEt ndunne nane dune John hidántsꞌo huwa Jesus huyuntizꞌazne, ꞌen ꞌilhoghun, Andrew huyulhni, ꞌen Simon Peter bulhutsin ꞌuntꞌoh.

John 6:1

ꞋEt hukwꞌelhꞌaz Galilee bun kꞌut ꞌet Jesus nyan wheinki, ꞌi bunghun za Tiberias bun kꞌut huyúlhni.

Hebrews 13:7

Yakꞌusda ba ꞌilhunaoodulhne ndunne nohtso whudilhdzulhne, ꞌenne bunaoolhnih. Yakꞌusda ooghuni be nohbulh yáhalhduk. Ntsꞌenꞌa niz dakꞌez ndi yun kꞌut hudálhtsꞌiꞌ daꞌ bubulh dáhooja, ꞌet howu nuní noohzut. ꞋEnne hiye ꞌalhaꞌ ꞌuntꞌoh-i, ꞌi ookꞌunꞌa neꞌoohtꞌen.