Luke 4:6 - Yak'usda Ooghuni

⁶ Netsudule yulhni, “ꞋEt ndi tsꞌiyawh whumoodih tanleh, ꞌinkꞌez hiye diztiꞌ-un ꞌet cha ngha ootasꞌalh. Njan sgha whulya. ꞋEt huwa mbe ookaꞌ nuszun-un tlꞌa ootisꞌalh.

Luke 4:6 Iomraidhean Croise

Luke 4:7

ꞋInka ngwutsi be neninya ꞌinkꞌez stsꞌu téniꞌ nilhdzun de, ꞌet ndi tsꞌiyawh nchꞌeꞌ whutaleh.”

John 12:31

ꞋAndit ꞌawet yinka whuduneꞌne buba nahutideh ꞌinkꞌez whutsodaꞌ ndi yun kꞌut humoodih, ꞌen ꞌilhiz ꞌun hítinoh.

John 14:30

ꞋAw dzoh saꞌyaz ꞌon ꞌun nohbulh yaóosduk ꞌaítꞌoh. Ndi yun kꞌut humoodih ꞌaz de úyalh ꞌinkꞌez si sghun ꞌaw ntsool-iyaz ꞌi hoontsꞌi oochꞌeꞌ lhuyíloh ꞌet huwa.

John 8:44

Netsudule ꞌen nohbá ꞌuntꞌoh. Ndet la ꞌen hukwaꞌ ninzun, ꞌoh te za neꞌóohtꞌen hukwaꞌ nahzun. Soo ꞌudechoo daꞌ whutsꞌun dune ughan-un unli. ꞋAw tsꞌihꞌun ꞌuhoontꞌoh-un hukwa lheꞌnizun, ꞌet huwa ꞌaw ndi khuni ꞌalhaꞌ ꞌuntꞌoh-i ooghu whéyooloh. Ntsꞌoh tula neꞌduniꞌ-un tankꞌus unꞌa za yalhduk, dichꞌoh dukꞌunꞌa ꞌutni ꞌet huwa. Whutsꞌit-un unli, ꞌinkꞌez whutsꞌit-i, ꞌen za ootsꞌu haídukat.

2 Corinthians 11:14

Khun te nohba hooncha ooleꞌ junih! Satan ꞌen lizas be hootꞌen-un naꞌdudilꞌi ꞌet huwa.

Ephesians 2:2

ꞋEt ꞌoh daꞌ ndi yun kꞌut whe ꞌutꞌen kꞌunꞌa yinka dúlhtsꞌi inleꞌ. Mbe tazai kꞌuz ye ulhtus-i whe moodih tileh-un, ꞌet yutlꞌa hónꞌai, ꞌen netsudule ꞌen kꞌuneꞌ nohulꞌen-un inleꞌ. Mbene ꞌawhuz Yakꞌusda yukꞌunulheꞌustꞌenne, ꞌenne buyudinda.

1 Peter 1:24

ꞋEt huwa ndi khuni njan ndutni, “Tsꞌiyanne ꞌantsꞌi tlꞌo leꞌ hintꞌoh. Ndi tlꞌo ꞌatsulyaz ꞌuntꞌoh. ꞋInkꞌez dune ye diztiꞌ-i, ꞌi oomaiꞌ leꞌ ꞌuntꞌoh. Tlꞌo bisdai dugih ꞌinkꞌez nakuk.

1 John 5:19

Wheni Yakꞌusda bulh ꞌútsꞌintꞌoh tꞌetsꞌoninzun. ꞋInkꞌez ndi yun kꞌut whutꞌenne, ntsiꞌ-un tsꞌiyawh kꞌúneꞌ bulꞌen.

Revelation 12:9

ꞋInkꞌez ndi tlꞌughus cho khuna-i kꞌunꞌa núlget-i ncha-un, ꞌen téhinino. Ndi ꞌudaꞌ whutlꞌughus, netsudule ꞌinkꞌez Satan huyulhni. Ndi yun kꞌut ndulcho whe dune nanaꞌah-un, ꞌen ꞌuntꞌoh. Oolizas tubulh ndi yun kꞌébuhuninyoot.

Revelation 13:2

Ndi khuna-iti ntsiꞌ-i tísꞌen-i ꞌantsꞌi chuntoh boos cho, leopard huyúlhni, ꞌi doútꞌen. Ooke ꞌi cha sus ke doútꞌen. ꞋInkꞌez ooze ꞌantsꞌi khuna-i cho lion, ꞌi ooze ꞌet ndó hotꞌen. ꞋInkꞌez nyoo tlꞌughus cho khuna-i kꞌunꞌa nulget-i whe úlhtus-un cha, kwꞌutsꞌuzda cho diztiꞌ-i, ꞌinkꞌez tsꞌiyantsuk kꞌuneꞌ ootꞌen ha, ꞌet tsꞌiyawh yutlꞌa hónla.

Revelation 13:7

Mbene Yakꞌusda oochꞌeꞌne, ꞌenne bubulh lhútigan ꞌinkꞌez buchꞌaꞌ tilhdoh, ꞌet ooghá whultsꞌut. Lhelhdoh didowhne, lhelhtsꞌun unꞌa yalhdukne, ꞌinkꞌez lhelhdun keyoh whutꞌenne, ꞌenne kꞌúneꞌ butilꞌen ha ooghá whuntꞌai.