Luke 4:43 - Yak'usda Ooghuni

⁴³ ꞋInkꞌez ubúlhni, “ꞋUdun keyoh cha yatisduk, dantꞌoh whe huba Yakꞌusda lerwe unli budutasnelh. ꞋEt huba whusázꞌaꞌ.”

Luke 4:43 Iomraidhean Croise

Matthew 4:23

Galilee yun kꞌut Jesus ndulcho nuya whe Lizwifne bulugliz ꞌet bubulh yálhduk. Yakꞌuz kꞌuneꞌ whulꞌen-un, ꞌen ghun khuni unzoo-i be bubulh yálhduk. Dune toh mbe la ndudane ꞌinkꞌez ooyustꞌe tétsunne, tsꞌiyanne soo naꞌbulhꞌen.

Mark 1:35

ꞋOm bun bundada ꞌawhuz lhuyulhkoh daꞌ Jesus dudinya ꞌinkꞌez ꞌaz whenya. ꞋEt nyo keyoh whuchꞌa suya, disoh tsꞌe oozya. ꞋEt tenadudli.

John 20:21

ꞋEt Jesus doo cha za ubúlhni, “Nohdzi doghel, ntsꞌenꞌa la sBá whuz de sútilhꞌaꞌ, ꞌet whuz unꞌa si cha nohtisꞌaꞌ.”

John 9:4

ꞋAwhuz dzenis hootꞌen whe, mbe la whuz de sútilhꞌaꞌ-un, ꞌen be ꞌutꞌen oosꞌen huba ꞌuhoontꞌoh. ꞋUlhdzis whusahóoltsꞌut ꞌinkꞌez tsalhgus yo suliꞌ de, ꞌaw dune ootꞌen ꞌaítꞌoh.

Acts 10:38

Tꞌenahzun Jesus Nazareth whutꞌen-un, ꞌen daja whe Yakꞌusda Ndoni ꞌinkꞌez ye tsꞌílhtus-i cha yuyudánꞌai ꞌet huwa ndulcho nuya hoonzoo teneꞌútꞌen ꞌinkꞌez netsudule kꞌuneꞌ bulꞌen ꞌenne cha soo naꞌbulhꞌen, Yakꞌusda yulh ꞌuntꞌoh ꞌet huwa.

2 Timothy 4:2

ꞋAhoolhyiz lhadíntꞌoh Yakꞌusda ooghuni bé bubulh yaílhduk. Whúbunilhtun ndet whe nintaꞌhutꞌih-un, ꞌinkꞌez tankꞌus ꞌuhutꞌen-un hukwa budíni, ꞌinkꞌez budzi do náꞌinleh. Howa whúlnaꞌ-un whulh sinyin, ꞌinkꞌez dune hodilhꞌeh.