Luke 4:35 - Yak'usda Ooghuni

³⁵ ꞋEt Jesus hukwaꞌ yudániꞌ whe ꞌuyulhni, “Tꞌeduzinih whe ooyáhanaindaih!” Ntsiꞌ-i nududeh-i dune butoh nayáno ꞌinkꞌez yutsꞌu ha naja. ꞋInkꞌez ꞌaw lhuyundílhdal.

Luke 4:35 Iomraidhean Croise

Matthew 17:18

Ntsiꞌ-i nududeh-i ooyudinda-i, Jesus khuni ulhtus-i be hukwaꞌ yudániꞌ. ꞋEt whulh hulhgha za yutsꞌu ha nája ꞌinkꞌez tsꞌoodun soo naꞌuja.

Matthew 8:26

ꞋEt ꞌubulhni, “Di ha whénulhjut? Nohbé ꞌalha whutꞌen-i soo ꞌúltus-i lhahtꞌiꞌ wheꞌ dahni.” Dudinya whe khuniti be hukwaꞌ yudániꞌ too ꞌinkꞌez nilhtsi bulh yatilhduk, ꞌinkꞌez ꞌawet dinghel.

Mark 1:26

ꞋEt ntsiꞌ-i nudúdeh-i ndun dune yuka ootilhdzut, ꞌalhdzul, ꞌinkꞌez yuyáhanaja.

Mark 4:39

Jesus dudinya whe too kꞌut nilhtsi khuni ulhtus-i be hukwa yudániꞌ, “Nilhtsꞌi, ꞌetsul ꞌineh,” ꞌinkꞌez, “Tatsi nulhózina.” ꞋEt ꞌaho dínghel.

Mark 9:26

ꞋEt ntsiꞌ-i nudúdeh-i ndun tsꞌoodun yuka ootilhdzut, ꞌinkꞌez tube cho yudalhtlut, ꞌalhdzul, ꞌinkꞌez yuyáhanadide. Tsꞌoodun ꞌantsꞌi dazsai ꞌet ndúja. ꞋEt huwa lhane, “Dazsai whe ꞌuntꞌoh,” hutni.

Luke 11:22

ꞋEt ꞌuyoon yanus ꞌultus-un yundílhdaꞌ ꞌet whe yuchꞌaꞌ nilhde de, ꞌet dune ye lhutigan-i yutꞌa ninintan-i tsꞌiyawh yugha ha yulya. ꞋEt hukwꞌelhꞌaz mbe la oochꞌaꞌ ninde-un ndai la ꞌet yuzdla-i tsꞌiyawh ꞌuyoonne ba lhkꞌeyanla ꞌinkꞌez butainínla.

Luke 4:23

ꞋEt ubúlhni, “ꞋAw nawh lheꞌhootꞌoh ndi khuni dudáhni-un whe njan ndutni, ‘Yoo be duyun nyunchꞌoh cho soo naꞌdudilneh,’ ꞌet ndusúdutahnelh. ꞋInka dutihnelh, ‘Ndet la keyoh Capernaum, dawhutꞌen-un whulh ꞌúzditsꞌo, ꞌet njan nyunchꞌoh nkeyoh ꞌet cha whuz unꞌa za ndintꞌen.’”

Luke 4:39

ꞋEt lili zih neninya ꞌinkꞌez yutus cha nutꞌi. ꞋInkꞌez dada hukwaꞌ yudániꞌ whe nulwus-i ye nduda-i yutsꞌa ha nádooltsꞌit yulhni, ꞌinkꞌez ootsꞌa hanaídiltsꞌut. ꞋEt ꞌaho dunadija ꞌinkꞌez bugha náꞌuntꞌai.

Luke 4:41

ꞋInkꞌez whulohne dune ntsiꞌ-i nududeh-i ꞌahúldzul whe butsꞌu ha náhudide, ꞌinkꞌez ꞌuhutni, “Nyun Yakꞌusda ooYeꞌ Christ huyulhni-un ꞌintꞌoh!” Tꞌeduzahnih ubúlhni ꞌaw yahutilhdih butlꞌa lhúhooꞌal, tꞌehonínzun Christ ꞌen ꞌuntꞌoh ꞌet huwa.

Luke 8:24

ꞋInka tsꞌe nahuyulhtsꞌit, “NeMoodihti, neMoodihti, ꞌawet too netighan!” huyúlhni. ꞋEt tsꞌe nandzut, ꞌinkꞌez dudinya whe too kꞌut nilhtsꞌi khuni ulhtus-i be hukwaꞌ yulhni. ꞋEt ꞌaho kꞌoh ꞌúhooja ꞌinkꞌez dínghel.

Luke 9:39

ꞋEt khuntsul ntsiꞌ-i nududeh-i yilhchuk ibulh hazulh, ookaootuzuk, ꞌinkꞌez huwus oozá ha núldoh. ꞋInkꞌez tube howa whúlna whe ye yáhanadudoh. ꞋEt huwa ooka hootsulh.

Luke 9:42

ꞋEt ꞌawhuz Jesus tsꞌu yilhtelh whe ntsiꞌ-i nududeh-i nayáno ꞌinkꞌez yukaootilhzut. ꞋEt Jesus ntsiꞌ-i nududeh-i khuniti be hukwaꞌ yudániꞌ, ꞌinkꞌez tsꞌoodun soo naꞌninla ꞌinkꞌez oobá tlꞌa náyalhti.

Revelation 12:12

ꞋEt huwa yakꞌuz whutꞌine ꞌinkꞌez Yakꞌusda oonimbali whucho tꞌah dilhtsꞌine, nohni tsꞌiyawh whunúlhni! ꞋEt mbene ndi yun kꞌut dilhtsꞌine yatoo kꞌut cha nohni tsꞌiyawh ꞌukꞌenus hoontsiꞌ-un nohgha whutaltsꞌulh. Netsudule ndus de nohghu ninya tube hunilchꞌe. Tꞌeooninzun ooba nilhdukw suliꞌ ꞌet huwa.”