Luke 4:34 - Yak'usda Ooghuni

³⁴ ꞌinkꞌez ꞌutni, “Ah! Nyun Jesus Nazareth whutꞌen-un ꞌintꞌoh. Ndet netsꞌu hukwaꞌ ninzun? Gak netalhtselh ha eh whusainya? Mbe inli tꞌenyunúszun! Yakꞌusda ba lubeshi ooghu hooloh-un ꞌintꞌoh!”

Luke 4:34 Iomraidhean Croise

Genesis 3:15

ꞋInkꞌez nyun ꞌinkꞌez tsꞌeke bulh lhazdatni nohtiselh, ꞌinkꞌez nyuzkeh ꞌinkꞌez buzkeh. Ntsi yayinduntaꞌus ꞌinkꞌez ookentsul duntalhdah.”

Matthew 8:29

Khuntsul tube cho ꞌuhutni, “Jesus nyun Yakꞌusda ooYeꞌ inli! Ndet netsꞌu hukwaꞌ ninzun? Neba whusaóotiltsꞌulh-un whutso, dzoh nunetalhdzut ha ꞌinja whusainya?”

Mark 1:24

“Jesus Nazareth whutꞌen-un ndet netsꞌú hukwaꞌ ninzun? Gak netalhtselh ha whusaínya? Mbe inli tꞌenyunúszun, nyun Yakꞌusda ba lubeshi ooghu hooloh-un ꞌintꞌoh.”

Mark 1:34

Lhawh didowh dada be undudáne, ꞌenne Jesus soo náꞌbalhꞌen ꞌinkꞌez ntsiꞌ-i nudúdeh-i kꞌúneꞌ ꞌutꞌenne, ꞌenne cha dune yé ha nabunanyoot. Ntsiꞌ-i nudúdeh-i ꞌaw yahoolhduk-un butlꞌa lhúhooꞌal tꞌehinínzun ꞌet huwa.

Mark 5:7

ꞌinkꞌez soo ꞌultus-un ꞌaldzul whe ꞌutni, “Jesus, Yakꞌusda ꞌukꞌenus diztiꞌ-un ooYeꞌ, ndet stsꞌu húkwaꞌ ninzun. Yakꞌusda ꞌintꞌoh ꞌinka ntsꞌu tédusdlih dzoh nusílhdzut iloh.”

Luke 1:35

ꞋEt lizas yulh yalhduk, “Ndoni nkꞌedinde ꞌinkꞌez ꞌudedo-i ye ulhtus-i, ꞌi nkꞌut sa whusꞌih be whútaleh. Yustꞌe lubeshi ooghu hooloh-i, whuzdli te, Yakꞌusda ooYeꞌ hidutanelh.

Luke 4:33

ꞋEt Lizwif lugliz ꞌilhoghun dune, ꞌen ntsiꞌ-i nududeh-i yudínda. Ntsiꞌ-i ndudeh-i tube cho ꞌalhdzul

Luke 4:41

ꞋInkꞌez whulohne dune ntsiꞌ-i nududeh-i ꞌahúldzul whe butsꞌu ha náhudide, ꞌinkꞌez ꞌuhutni, “Nyun Yakꞌusda ooYeꞌ Christ huyulhni-un ꞌintꞌoh!” Tꞌeduzahnih ubúlhni ꞌaw yahutilhdih butlꞌa lhúhooꞌal, tꞌehonínzun Christ ꞌen ꞌuntꞌoh ꞌet huwa.

Luke 8:28

ꞋEt Jesus yutilhꞌen whe yutsꞌu huyih ꞌinkꞌez yubut nachániti. ꞋInkꞌez tube cho yutsꞌu tédudli, “Jesus nyun soo ꞌudedo Yakꞌusda ooYeꞌ ꞌintꞌoh! Ndet stsꞌu hukwaꞌ ninzun? Ntsꞌu tedusdlih, dzoh nusilhdzut iloh!”

Luke 8:37

ꞋEt Gadarene whunat whutꞌenne ndulcho whe hunílhjoot. ꞋEt huwa Jesus buchꞌa naoojaꞌ huyúlhni. ꞋInka tsꞌi be naja ꞌinkꞌez whe nahiki.

Acts 16:39

ꞋEt huwa butsꞌun kꞌeke nahuditniꞌ whe ꞌahudinla-un whuchꞌa nabuhulhti ꞌinkꞌez keyoh whuchꞌa nahoodilh bubuhútni.

Acts 2:27

ꞋEt whe natnilh keyoh si szul ꞌaw ꞌet neóolhtelh ꞌaítꞌoh ꞌinkꞌez Ndun tsꞌihꞌun ꞌúntꞌoh-un ꞌaw ooyustꞌe oolhjut ꞌaítꞌoh.

Acts 3:14

ꞋEn lubeshi ooghu hooloh ꞌinkꞌez tsꞌihꞌun dune cha unli, ꞌet hoontsꞌi oochꞌáz nedihdil ꞌinkꞌez dune silhghí-un, ꞌen Pilate nohtsꞌu yúlanadootni ootsꞌo húkwaꞌ dahni.

Acts 4:27

ꞋEt ꞌon ꞌun tenahududli whe ꞌuhutni, “ꞋEt njan Jerusalem ꞌet Herod ꞌinkꞌez Pontius Pilate bulh ꞌudun yun kꞌut whutꞌenne cha ꞌet Israel ootsꞌu hainzutne cha tsꞌiyawh ꞌilhuhozdil whe ꞌalhaꞌ ꞌi be nYeꞌ Jesus lubeshi ooghu hooloh-un, ꞌen ooka tse hóodli neba yulhtsí-un, ꞌen hichꞌaz nedindil ꞌet wheni.

Hebrews 2:14

ꞋEt wheni yinka dune tsinli neyustꞌe ꞌi ꞌuskaiꞌ bulh ꞌúlya. ꞋEt huwa Jesus Christ ooyustꞌe wheni nekꞌunꞌa ꞌuntꞌoh. ꞋEt whe tulalhgus kꞌut neba dazsai-un, ꞌi be ndun yé datitsah-i ye ulhtus-i utꞌí-un, ꞌen yuchꞌaꞌ nilhde, ꞌen netsudule ꞌuntꞌoh.

James 2:19

ꞋInkꞌez cha sudóniꞌ, “Yakꞌusda ꞌilhoghun za ꞌuntꞌoh.” ꞋEt mba ꞌalha ꞌuhoontꞌoh, ꞌet huwa ꞌutꞌen unzoo-i ꞌilhꞌen. Ntsiꞌ-i nududeh-i ꞌenne hoontsꞌi, buba ꞌalha ꞌuhoontꞌoh whe nujut bulh hudutlut.

1 John 3:8

ꞋUdechoo whutsꞌun netsudule lubeshi ꞌulhꞌen. Mbe lubeshi ꞌulhꞌen, ꞌen netsudule uniyalh-un ꞌúntꞌoh. Njan ꞌet huwa Yakꞌusda ooYeꞌ ndi yun kꞌut nusúya whe netsudule be ꞌutꞌen musai yoolhtselh ha.

Revelation 20:2

ꞋEt nyoo tlꞌughus cho khuna-i kꞌunꞌa nulget-i, ꞌudaꞌ whútlꞌughus, ꞌen netsudule huyúlhni ꞌinkꞌez Satan cha huyúlhni. ꞋEn yílhchoot ꞌinkꞌez 1,000 yus kꞌut wheni yulhghel.

Revelation 3:7

“ꞋEt keyoh Philadelphia dune Yakꞌusda ba ꞌilhunaoodulhne bulizas, ꞌen ootsꞌó kꞌeinges. Njan ndudini: Ndun lubeshi ooghu hooloh-un, tsꞌihꞌun ꞌuntꞌoh-un cha, ꞌinkꞌez lerwe David oolugli naꞌa-un. Ndun dáhaꞌ daꞌaih-un, ꞌaw dune danaꞌ doꞌalh ꞌaitꞌoh. ꞋInkꞌez dánaꞌ diꞌaih-un ꞌaw dune daha naꞌdooꞌalh ꞌaitꞌoh. ꞋEn ꞌutni: