Luke 4:25 - Yak'usda Ooghuni

²⁵ ꞋEt soo tsꞌihꞌun nohdusni, ꞌet ꞌoh daꞌ Elijah, Israel nus hooꞌen-un buba unli inleꞌ. ꞋEt lhane tsandilh hoonli inleꞌ. Tat yus kꞌut ꞌon ꞌat lhkꞌu tat sanun, ꞌaw chan hooloh. ꞋEt ndulcho whe dai whuzdliꞌ.

Luke 4:25 Iomraidhean Croise

Matthew 20:15

ꞋAlhaꞌ iloh lakw ndai la ꞌustꞌi-i ntsꞌenꞌa hukwaꞌ nuszun tuneꞌ ꞌúsꞌen? ꞋUszooꞌ ꞌet huwa eh sghe oolhnih?’ ubúlhni.”

Luke 10:21

ꞋEt ꞌoh whuya ꞌuhunitꞌoh Jesus Ndoni be whunílhni whe njan ndutni, “ꞋUBá nyun nyudústiꞌ! Yakꞌuz ꞌinkꞌez yun kꞌut buMoodihti inli. Whunihne ꞌinkꞌez hodulꞌehne, ndi ꞌi tsꞌiyawh buchꞌá whuntinꞌi. Tsꞌoodunneyaz leꞌ ꞌuntꞌohne, bunalhtsꞌet ha honꞌai. ꞋAlhaꞌ ꞌuBá dainja la hoonintꞌiꞌ.

Romans 9:15

ꞋInka Yakꞌusda Moses yudániꞌ-un, “Mbe la oogha téꞌuntaszeh huba ꞌutahásti-un, ꞌen oogha téꞌuntaszeh, ꞌinkꞌez mbe la ooghu sdzi dúntidaꞌ-un, ꞌen ooghu sdzi dúntidaꞌ.”

Romans 9:20

Mbe ulhi whe Yakꞌusda oodulhyoh ꞌudutíhnelh? ꞋEt dune ꞌuyínla-i ndi ꞌuyínla-i ntsꞌenꞌa ꞌudutinelh, “Di ha ꞌinja whuz unꞌa ꞌusínla dutinelh?”

Ephesians 1:11

Yakꞌusda dichꞌoh dudeni lhaídinla, ꞌet whuz unꞌa ꞌuwhutꞌen ꞌet huwa. ꞋEt ꞌudaꞌ neba lhaoodinla whe Jesus Christ ꞌen be netsꞌó tikulh-un nechꞌeꞌ whuzdliꞌ.

Ephesians 1:9

Ndet la Yakꞌusda didutchꞌoh hukwaꞌ ninzun-i, neba wheꞌ hoontꞌoh hooyoh-un, ꞌet cha whunénilhtan. Dichꞌoh dudeni lhadínla, ꞌet whe hoontꞌiꞌ, ꞌet whuz unꞌa ꞌuhóoja.

James 5:17

Elijah ꞌen wheni nekꞌunꞌa dune unli inleꞌ. ꞋEn ꞌuja soo chan chꞌa tenadidli. ꞋEt tat yus kꞌut ꞌon ꞌat lhúhoolcho, ꞌet ꞌaw nalhúhoolhtel, ndi yun kꞌut.

Revelation 11:6

Ndunne nane, ꞌenne ndo yat chan chꞌa whudánaꞌhudutaꞌalh bubaꞌ hoontꞌoh. Nus hoohooꞌen whutoh ꞌet ꞌaw nalhótilhtel ꞌinka. ꞋInkꞌez ndi too ꞌi cha ꞌuskaiꞌ hitilhtselh. ꞋInkꞌez ndi yun kꞌut hukwaꞌ huninzun totsuk hiye dzoh nutideh-i nudútizut, ꞌet nduhóotꞌen ha butlꞌa hóoltsꞌut.