Luke 4:18 - Yak'usda Ooghuni

¹⁸ “Moodihti ooyughi ꞌi sulh ꞌuntꞌoh. ꞋI be ꞌutahasalhti, telꞌenne khuni unzoo-i bugha tisꞌalh ha. Oodzi undudane, ꞌenne nabutisyih ha butsꞌó whusasya. Mbene la ílchootne, bula nadutisnih. ꞋInkꞌez hoos̱ꞌenne, huhooꞌen nahutidleh. Mbene la dune ꞌaboꞌenne, cha donáꞌ butisdlelh.

Luke 4:18 Iomraidhean Croise

Genesis 3:15

ꞋInkꞌez nyun ꞌinkꞌez tsꞌeke bulh lhazdatni nohtiselh, ꞌinkꞌez nyuzkeh ꞌinkꞌez buzkeh. Ntsi yayinduntaꞌus ꞌinkꞌez ookentsul duntalhdah.”

Matthew 11:5

Hoos̱ꞌenne cha huhooꞌen nahusdliꞌ. Dzoh nudilhne, nahudilh nahusdliꞌ. Ooka whulhjutne cha leprosy, butsun hooloh nahusdliꞌ, ꞌinkꞌez lheꞌdústsꞌone cha ꞌuhuditsꞌo nasdliꞌ. Yaidlane cha dunahudidil ꞌinkꞌez telꞌenne cha khuni unzoo-i be bubulh yainduk.

Matthew 12:18

“Nulhꞌen Seꞌustle-un, ꞌutahásti-un ꞌuntꞌoh. Ookwꞌesiꞌ-un. ꞋEn ghun szul tube yóontꞌiꞌ. Syughi ookꞌé dutasdoh. ꞋEt ntsꞌenꞌa dahoontꞌoh dune ba nahisyilh, sYeꞌ whuz unꞌa za ꞌudun yun kꞌut whutꞌenne ubódutánelh.

Matthew 12:20

ꞋAw tlꞌoghazilh nisdus-i, ꞌi kꞌidóchꞌas ꞌaitꞌoh. ꞋAw too dizkꞌun ꞌawet nanutneh-i, nainoolhneh ꞌaitꞌoh. Yakꞌusda lubeshi ba nahuyeh ꞌet whutsꞌun whuchꞌaꞌ tilhde de, whuz unꞌa za sYeꞌ ꞌutitꞌelh.

Matthew 4:16

Mbene la tsalhgus yo dilhtsꞌine, ꞌenne kwun uncha-i hitilhꞌen. Ntsꞌe la yun kꞌut sa whusꞌih whuzꞌai-un, ndi sa whusꞌih, ꞌi be daztitsah-i, ꞌi ꞌuntꞌoh. Mbene la ꞌet whutꞌenne, ꞌenne be hóotꞌen unli-i, ꞌi be buba yulhkai ꞌuhooja.”

Matthew 5:3

“Lubeshi ꞌulhꞌenne, budzi telꞌen unline, ꞌenne yakꞌuz kꞌuneꞌ whulꞌen-un oochꞌeꞌ huzdliꞌ, ꞌet huwa ꞌukꞌenus hoonzoo-un bugha whultsꞌut.

Luke 4:17

ꞋInkꞌez nus hooꞌen-un Isaiah be ꞌudustlꞌus ꞌi hitlꞌa húyanꞌai. Lhkꞌeyuntílhghal ꞌinkꞌez hukwꞌu yatilhduk-un ꞌet nahoonꞌai. ꞋEt buba ꞌukꞌu yawhénilhduk whe njan ndutni,

Luke 6:20

Jesus ꞌet yugha hodulꞌehne, butunuyúꞌen whe njan dúbulhni, “Nohni telꞌenne Yakꞌusda whe lerwe unli, ꞌet nohni nohchꞌeꞌ ꞌuhoontꞌoh. ꞋEt huwa ꞌukꞌenus hoonzoo-un nohgha whultsꞌut.

Luke 7:22

ꞋEt Jesus John yugha hodulꞌehne ꞌubulhni, “John tsꞌu nahtꞌus. Ndet whunilhꞌen-un ꞌinkꞌez whudáhtsꞌo-un dóhniꞌ, hoos̱ꞌenne huhooꞌen huzdliꞌ. Nulhúsdilne húdilhne nahuzdliꞌ. Buka nódutsiꞌ, leprosy be butsun hooloh huzdliꞌ. Lheꞌdustsꞌone cha ꞌahuditsꞌo huszdliꞌ. Yaidlane cha dunahudidil. Telꞌenne cha khuni unzoo-i be bubulh yaínduk.

John 1:41

ꞋEn ꞌaho dulhutsin, Simon huyulhni, ꞌen yughu ninya ꞌinkꞌez yudániꞌ, “Ndun Messiah ꞌawet natsꞌilhti,” yúlhni. (Ndi Messiah, Christ ni whe ꞌutni.)

John 12:46

Yinka whuduneꞌne ba be hóotꞌen-i ꞌet hukwa ndi yun kꞌut nenúsya. ꞋEt huwa mbe la ooba ꞌalhaꞌ ꞌustꞌoh-un, ꞌaw tsálhgus yo hudoltsꞌiꞌ ꞌaítꞌoh.

John 3:34

Ndun ꞌen Yakꞌusda whusayálhꞌaꞌ-un, ꞌen ꞌinkꞌez didut Ndoni be yudilhbun, ꞌet huwa Yakꞌusda ooghuni za be yálhduk.

Acts 10:38

Tꞌenahzun Jesus Nazareth whutꞌen-un, ꞌen daja whe Yakꞌusda Ndoni ꞌinkꞌez ye tsꞌílhtus-i cha yuyudánꞌai ꞌet huwa ndulcho nuya hoonzoo teneꞌútꞌen ꞌinkꞌez netsudule kꞌuneꞌ bulꞌen ꞌenne cha soo naꞌbulhꞌen, Yakꞌusda yulh ꞌuntꞌoh ꞌet huwa.

Acts 26:18

Whúbuntalhtun, tsálhgus yáhahudutidulh ꞌinkꞌez hootꞌen-un nehútidulh ꞌinkꞌez hitánꞌen ubulhtsꞌelh Satan uboontúnne Yakꞌusda tsꞌun náhutilyalh. ꞋEnne Si buba ꞌalhaꞌ ꞌustꞌoh huwa bulubeshi bubunaitidoh ꞌinkꞌez Yakꞌusda ba ꞌudun nebuninlane butoh ꞌet bugha óotaltsꞌulh,’ súlhni.”

Acts 4:26

Ndi yun kꞌut lerwene, ꞌenne cha lhotigan wheni. ꞋInkꞌez yun moodihne cha ꞌilhúhozdil Yakꞌusda ꞌinkꞌez ooChrist, ꞌenne hichꞌaz nedindil wheꞌ hutꞌen.’”

Acts 4:27

ꞋEt ꞌon ꞌun tenahududli whe ꞌuhutni, “ꞋEt njan Jerusalem ꞌet Herod ꞌinkꞌez Pontius Pilate bulh ꞌudun yun kꞌut whutꞌenne cha ꞌet Israel ootsꞌu hainzutne cha tsꞌiyawh ꞌilhuhozdil whe ꞌalhaꞌ ꞌi be nYeꞌ Jesus lubeshi ooghu hooloh-un, ꞌen ooka tse hóodli neba yulhtsí-un, ꞌen hichꞌaz nedindil ꞌet wheni.

Colossians 1:13

NeBá ndi tsalhgus yo ulhtus-i tsꞌu ha náneanla, ꞌinkꞌez duYeꞌ yukꞌensiꞌ-un, ntsꞌe whulerwe unli-un, ꞌet nenáneninla.

James 2:5

Sulhutsinke ookꞌesiꞌne, soo zúlhtsꞌai. Ndi yun kꞌut telꞌenne, Yakꞌusda kꞌensiꞌne, ꞌenne ꞌutahábanla buba ꞌalha ꞌuhoontꞌoh-i, ꞌi be hoonzoo ꞌuntꞌohne ꞌubulhtsi. ꞋAw ndi yun kꞌut be ꞌutsꞌintꞌoh-i iloh. ꞋInkꞌez ntsꞌe Yakꞌusda lerwe unli-un, neBá yutꞌi-i bugha ítalelh-i, ꞌet ꞌi bugha ootakulh. ꞋEt whuz unꞌa mbene la yukꞌensiꞌne, ꞌenne cha bugha ítalelh.

1 Peter 2:9

ꞋEt hoontsꞌi nohni dune ꞌutꞌahályane ꞌahli. Yakꞌusda lerwe oolubretne ꞌahli. Yakꞌusda oochꞌeꞌne ꞌahtꞌoh. Nohni ooduneꞌ ꞌuntꞌohne ꞌahli. ꞋOnghohne, ꞌenne tsꞌihꞌun unꞌa daldzooꞌ whe ꞌuntꞌoh, tsꞌiyawh budutáhnelh ha. ꞋAwhuz tsalhgus yo dulhtsꞌi whe ꞌanih nohdániꞌ, ootsꞌu toohdilh ha. Oogha ꞌítꞌen-i be hootꞌen-i ꞌet ꞌuhoontꞌoh.