Luke 4:17 - Yak'usda Ooghuni

¹⁷ ꞋInkꞌez nus hooꞌen-un Isaiah be ꞌudustlꞌus ꞌi hitlꞌa húyanꞌai. Lhkꞌeyuntílhghal ꞌinkꞌez hukwꞌu yatilhduk-un ꞌet nahoonꞌai. ꞋEt buba ꞌukꞌu yawhénilhduk whe njan ndutni,

Luke 4:17 Iomraidhean Croise

Luke 16:29

ꞋEt Abraham ꞌuyulhni, ‘Moses be ꞌudustlꞌus ꞌinkꞌez nus hooꞌenne bubeꞌ ꞌudustlꞌus cha hutꞌi. ꞋI huyoozólhtsꞌaiꞌ da.’

Luke 20:42

David dichꞌoh ꞌet ndutni Yakꞌusda ooghuni Shun be ꞌudustlꞌus kꞌut, ‘Moodihti ꞌen SMoodihti ꞌuyulhni, Snailhni tsꞌunkꞌus sinda,

Luke 4:16

ꞋEt keyoh nizyai-un, Nazareth, whuz whinya. ꞋEt dzin dune nalyis-un dzin ꞌuhoontꞌoh, Lizwifne bulugliz whe nidudinya. ꞋEt whuz unꞌa dichꞌoh be ꞌutꞌen kꞌoh ꞌuhoontꞌoh. ꞋInkꞌez buba ꞌukꞌu yatilhduk ha dudinya.

Luke 4:18

“Moodihti ooyughi ꞌi sulh ꞌuntꞌoh. ꞋI be ꞌutahasalhti, telꞌenne khuni unzoo-i bugha tisꞌalh ha. Oodzi undudane, ꞌenne nabutisyih ha butsꞌó whusasya. Mbene la ílchootne, bula nadutisnih. ꞋInkꞌez hoos̱ꞌenne, huhooꞌen nahutidleh. Mbene la dune ꞌaboꞌenne, cha donáꞌ butisdlelh.

Luke 4:20

ꞋEt ꞌudustlꞌus nainílhghal ꞌinkꞌez ꞌutꞌen-un yutlꞌa nayánꞌai ꞌinkꞌez natlꞌa didaꞌ. ꞋInkꞌez Lizwif lugliz dilhtsꞌine, tsꞌiyawh hinilhꞌen.

Acts 13:15

Moses ooghuni ꞌukꞌu nusguz-i ꞌinkꞌez Yakꞌusda be nus hóoꞌenne bughuni cha hikꞌeyailhduk hukwꞌelhꞌaz, Lizwif lugliz whumoodihne Paul, Barnabas ꞌanih ꞌubuhútni, “Neulhutsinke, khuni huye tílhtus-i bugha dútanꞌalh ahtꞌi de, ndunne dune bubulh yátilhduk hukwa ꞌuzninzun.”

Acts 13:27

Jerusalem ꞌet whutꞌine ꞌinkꞌez bumoodih unline cha ꞌaw tꞌéhinúszun neulhyis-un ꞌúntꞌoh. Lizwif nahulyis-un dzin totsuk ndi Yakꞌusda be nus hooꞌenne ꞌukꞌu nuháyuzguz-i ookꞌu yaduk ꞌet hoontsꞌi ꞌaw bubeni tálhodulhtsꞌit. Jesus datítsah tsꞌe beꞌ hininya, ꞌet huwa Yakꞌusda be nus hooꞌenne bughuni ꞌalhaꞌ ꞌuntꞌoh huyulhtsi.

Acts 7:42

ꞋEt Yakꞌusda buchꞌaz nálhꞌa ꞌinkꞌez nꞌun hubutilhdil ndo yat sum ꞌi la hitsꞌun téniꞌ noolhdzin ha. ꞋEt huwa Yakꞌusda be nus hóoꞌenne ꞌi kꞌut ꞌukꞌu nusguz inleꞌ whe ndutni, ‘Dune Israel ootsꞌu hainzutne, ndi khuna-i uhghan ꞌaw si stsꞌun iloh loodel kꞌut dulhkꞌun whe ꞌuntꞌoh njan dune lhuhóotꞌih-un dit whunizyat yus kꞌut whutoh.