Luke 4:1 - Yak'usda Ooghuni

¹ ꞋEt Jesus Ndoni dizbun whe Jordan koh tsꞌe ha nája. ꞋInkꞌez dune lhuhóotꞌih tsꞌe Ndoni whuz whe yalhꞌaꞌ.

Luke 4:1 Iomraidhean Croise

Matthew 3:16

Jesus too beꞌ yinla whe tooz ha nája ibulh ꞌet ꞌaho ꞌen ba ꞌaho yakꞌuz dahaꞌ dankez ꞌinkꞌez Yakꞌusda Ooyughi yunilhꞌen whe ndus de dutꞌai, dove huyúlhni, ꞌi kꞌunꞌa Jesus ookꞌé dinde.

Luke 2:27

ꞋEt whe Ndoni be lugliz whucho daninya. ꞋInkꞌez tsꞌoodunyaz Jesus, oodusneke dahinilhti. NeMoodihti dughuni butlꞌa idanꞌai-i, butsꞌu hukwaꞌ ninzun-un, ꞌet hukwꞌu neꞌhutitꞌen ha.

Luke 3:3

ꞋEt Jordan koh whunat ꞌoh nuya whe dune hubulh yalhduk too beꞌ hoolneh ha. ꞋEt whubunulhtun dulubeshi chꞌa dudeni náhoondunooleh ha. ꞋEt whe lubeshi buba hooloh yutilhtselh.

Luke 3:38

ꞋEn Enos tsꞌu hainzut-un, ꞌen Seth tsꞌu hainzut-un, ꞌen Adam tsꞌu hainzut-un, ꞌinkꞌez ꞌen Yakꞌusda tsꞌu hainzut-un.

Luke 4:14

ꞋEt Jesus Ndoni ye ulhtus-i be yun kꞌut Galilee tsꞌe whe naja. ꞋEt Galilee yun kꞌut dilhtsꞌine ndulcho whe huyulh ꞌúdantsꞌo.

Luke 4:18

“Moodihti ooyughi ꞌi sulh ꞌuntꞌoh. ꞋI be ꞌutahasalhti, telꞌenne khuni unzoo-i bugha tisꞌalh ha. Oodzi undudane, ꞌenne nabutisyih ha butsꞌó whusasya. Mbene la ílchootne, bula nadutisnih. ꞋInkꞌez hoos̱ꞌenne, huhooꞌen nahutidleh. Mbene la dune ꞌaboꞌenne, cha donáꞌ butisdlelh.

John 1:32

ꞋEt Jesus ghun John ndutni, “Ndoni dutꞌaiyaz doútꞌen whe yakꞌuz tsꞌe ha dánde yukꞌedinde, ꞌinkꞌez yulh ꞌuntꞌoh.

John 3:34

Ndun ꞌen Yakꞌusda whusayálhꞌaꞌ-un, ꞌen ꞌinkꞌez didut Ndoni be yudilhbun, ꞌet huwa Yakꞌusda ooghuni za be yálhduk.

Acts 1:2

ꞌinkꞌez ndet dzin ndo yakꞌuz whenája ꞌet whutsꞌun. ꞋEt ndo yakꞌuz natiltelh whutso ndunne dune whelꞌaꞌne ubulhtsi, Ndoni gha buba núhizyeꞌ.

Acts 10:38

Tꞌenahzun Jesus Nazareth whutꞌen-un, ꞌen daja whe Yakꞌusda Ndoni ꞌinkꞌez ye tsꞌílhtus-i cha yuyudánꞌai ꞌet huwa ndulcho nuya hoonzoo teneꞌútꞌen ꞌinkꞌez netsudule kꞌuneꞌ bulꞌen ꞌenne cha soo naꞌbulhꞌen, Yakꞌusda yulh ꞌuntꞌoh ꞌet huwa.

Acts 8:39

ꞋEt too ha náhitꞌaz ibulh Philip Ndoni be whedánde ꞌinkꞌez nyoon eunuch ꞌaw ꞌon ꞌat nalhuyítꞌel whe didut tube cho whunílhni whe dukeyoh tsꞌe whenágoo.