Luke 3:8 - Yak'usda Ooghuni

⁸ ꞋEt huwa nohlubeshi chꞌa noheni náhandunoohleh de, ndahtꞌen-un tsꞌiyanne tꞌehonózin ndahtꞌoh la. ꞋInkꞌez khun njan ndunadudoohtniꞌ junih wheni Abraham ootsꞌu haindene ꞌutsꞌintꞌoh. ꞋAlhaꞌ tsꞌihꞌun unꞌa nohdusni, Yakꞌusda soo ꞌultus whe ꞌuntꞌoh, ndi tse ꞌi hoontsꞌi ꞌi Abraham ootsꞌu haindene yutilhtselh.

Luke 3:8 Iomraidhean Croise

Matthew 21:43

ꞋEt huwa nohdúsni, Yakꞌusda lerwe unli-un, tsꞌiyawh nohghu nahootálhchulh ꞌinkꞌez ꞌudoh didowhne butlꞌa óotiꞌalh. ꞋEnne la ꞌutꞌen unzoo-i butsꞌu ha óokat.

Matthew 3:8

Whute lubeshi chꞌa noheni nahandunoohleh de, ndahtꞌen-un tsꞌiyanne tꞌehonózin ndahtꞌoh la,

Matthew 3:9

ꞌinkꞌez khun njan dudohniꞌ junih, wheni Abraham ootsꞌu haindene tsinli. Nohdusni Yakꞌusda soo ꞌultus whe ꞌuntꞌoh, ndi tse hoontsꞌi ꞌi be Abraham ootsꞌu haindene ubutilhtselh whe ꞌuntꞌoh.

Luke 13:25

ꞋEt ꞌilhoh whumoodih dudinya ꞌinkꞌez dati dánaidintan, ꞌaz nudulhya ꞌinkꞌez dati dunulhkwꞌuz ꞌinkꞌez ꞌudahni, ‘Moodihti, moodihti neba dáhaꞌ dintih!’ ꞋEt nohdóniꞌ, ‘ꞋAw tꞌenohnuzúszun ntsꞌez de háhdil.’

Luke 13:26

ꞋInkꞌez laꞌ ꞌudoohniꞌ, ‘Nyulh ꞌutsꞌuꞌalh ꞌinkꞌez nyulh ꞌútsꞌutnaiꞌ. ꞋInkꞌez nekeyoh whuti daꞌ whuneoodilhꞌe inleꞌ.’

Luke 14:9

ꞋInkꞌez nohghu nususya-un la ꞌunyudóniꞌ, ‘Sinda-un ootlꞌa hóonꞌaih, ndun ꞌet oodaꞌ.’ ꞋInkꞌez la yooya sinliꞌ whe ꞌukꞌenus ꞌudeyo ꞌet la nanátlꞌadondalh.

Luke 19:40

ꞋEt hoontsꞌi ꞌubulhni, “Nohdusni, njan tꞌewhudusnih de, tse daꞌ ꞌaho yatoolhdih.”

Luke 19:9

ꞋEt Jesus ꞌuyulhni, “ꞋAndit dzin dune ye dujis-i whe njan yoh dilhtsꞌine bugha íyultsꞌut. Ndun ꞌen cha Abraham tsꞌu hainzut whe ꞌuntꞌoh ꞌet huwa.

Luke 5:21

ꞋEt Moses be ꞌudustlꞌus ꞌukꞌu nunáguzne ꞌinkꞌez Phariseene, huwu yawhenilhduk, “Ndun dune Yakꞌusda chꞌaz yalhduk. Mbe lubeshi ꞌuntulhdulh? Yakꞌusda didutchꞌoh za lubeshi ꞌun tulhdilh!”

John 8:33

ꞋEt ꞌuhuyúlhni, “Wheni Abraham ootsꞌu haíndene ꞌutsꞌintꞌoh. ꞋAw whutsodaꞌ ꞌuyoonne ba ꞌulhna lhtsꞌíloh, ꞌinkꞌez di haꞌ nedíni, nohla nahudutitnih nedíni?”

John 8:39

ꞋEt ꞌuhuyúlhni, “Abraham ꞌen ootsꞌu haindene tsinli.” ꞋEt Jesus ꞌubulhni, “Abraham ꞌen tsꞌu hahde de, ꞌen be ꞌutꞌen kꞌoh za daꞌ neꞌóohtꞌen.

Acts 26:20

ꞋUdechoo Damascus ꞌet ꞌinkꞌez Jerusalem cha ꞌet hukwꞌelhꞌaz Lizwifne buyun kꞌut ndulcho whe, ꞌudun yun kꞌut whutꞌenne butoh cha, dudeni nahondunooleh hubaꞌ hoontꞌoh ꞌinkꞌez Yakꞌusda tsꞌu náhoolyeh ꞌinkꞌez dudzi náhondunizdla tsꞌe whuz unꞌa za neꞌhóotꞌen, ꞌubudúsni.

Romans 4:16

ꞋEt huwa Yakꞌusda ye únzoo-i gha highuni dune yílhchoot de, ꞌen Yakꞌusda nalh tsꞌihꞌun dune unli. ꞋEt whe Yakꞌusda dune tsꞌú hoozi-un tsꞌiyanne Abraham yukédindene, ꞌenne buchꞌeꞌ whutaleh. Mbene la Lizwifne Yakꞌusda ooghuni ooba ꞌalhaꞌ ꞌuntꞌohne, ꞌaw ꞌenne za íloh, tsꞌiyanne Abraham kꞌunꞌa Yakꞌusda ooghuni hiyílhchoot de, ꞌalhaꞌ tsꞌiyanne netso whudilhdzulh-un unli.

Romans 9:7

ꞋInkꞌez Abraham ye kédinzutne ꞌaw tsꞌiyawh iloh Israel whuduneꞌne hinli. Yakꞌusda Abraham yudániꞌ, “Isaac ꞌen gha nyukédindene hootádzilh.”

Philippians 1:11

ꞋInkꞌez Jesus Christ ꞌen gha ꞌutꞌen tsꞌihꞌun ꞌuntꞌoh-i, ꞌet ndutihtꞌelh. ꞋEt whuz unꞌa Yakꞌusda ba tsꞌodólhtiꞌ ꞌinkꞌez ꞌon nus uzdólhtiꞌ.